آل عمران

Ẹ ko lee ba - ẹyin olugbagbọ ododo - ẹsan awọn ti wọn se daadaa ati ipo wọn, titi ti ẹyin yoo fi na si oju ọna Ọlọhun Ọba Allah ninu owo yin, eyiti ẹ nifẹ rẹ, ati wipe ẹ ko si nii na ninu nkankan kekere ni tabi o pọ, dajudaju Ọlọhun Ọba Allah, ni Ẹniti o mọ awọn adisọkan yin, ati awọn isẹ yin, Yoo si pada san olukuluku ni ẹsan pẹlu awọn isẹ rẹ.

Gbogbo awọn ounjẹ ti o dara, ni o jẹ fun awọn ọmọ Isirẹli, wọn ko si se nkankan ni eewọ fun wọn nibẹ ayaafi eyiti Yaakub se ni eewọ fun ẹmin ara rẹ siwaju ki Taoraata too sọkalẹ, kii se bi awọn Yahuudi se nlero wipe sesi ni eewọ naa, wa ninu Taoraata, sọ fun wọn - irẹ Anọbi - wipe: ẹ mu Taoraata wa, ki ẹ si kaa, ti ẹ ba jẹ olododo ni ibi nkan ti ko ri bẹẹ, ti ẹ nsọ, ni ijakulẹ ba ba wọn, wọn ko si le mu wa, ohun naa ni apẹrẹ kan, ti ntọkasi adapọ irọ awọn Yahuudi lori Taoraata ati yiyi ohun ti o ko sinu pada.

Ẹniti o ba da adapa irọ mọ Ọlọhun Ọba Allah, lẹyin ti awijare ti fi oju han, pe dajudaju ohun ti Ya'quub (ki ọla o maa jẹ tirẹ) se ni eewọ, o se ni eewọ fun ẹmin ara rẹ ni, kii se eewọ lati ọdọ Ọlọhun Ọba Allah, awọn naa ni alabosi fun ẹmin ara wọn pẹlu fifi ododo silẹ, lẹyin igbati awijare rẹ ti han.

Sọ - irẹ Anọbi - wipe: Ọlọhun Ọba Allah sọ ododo nibi ohun ti O mu iro wa nipa rẹ, nipa Yaakub (ki ọla maa jẹ tirẹ) ni gbogbo ohun ti O sọkalẹ, ti O si se ni ofin, ki ẹ ya maa tẹle ẹsin Ibraheem (ki ọla maa jẹ tirẹ) , toripe paapaa, o ti yẹ kuro nibi gbogbo ẹsẹ patapata lọsi ibi ẹsin Islam, ko si fi ẹlomiran se orogun pẹlu Ọlọhun Ọba Allah rara.

Dajudaju akọkọ ile ti wọn mọ si ori ilẹ fun awọn eniyan lapapọ, nititori mima se ijọsin fun Ọlọhun Ọba Allah, ohun ni ile Ọlọhun Ọba Allah Abeewọ nni, eyiti o wa ni Mẹkka, ohun si ni ile alalubarika ti o pọ ni anfaani ẹsin ati aye, o si nbẹ nibẹ imọna fun gbogbo aye lapapọ.

Nbẹ ni ile yii, awọn amin ti o fi oju han, lori iyi rẹ ati ọla rẹ, gẹgẹ bi awọn isẹ Hajj ati awọn aaye ti o pataki, ninu awọn amin yii, ohun ni okuta eyiti Anọbi Ibraheel duro le lori, nigbati o fẹ gbe ogiri Kaaba naro, ninu rẹ naa ni wipe ẹniti o ba wọ ibẹ, ibẹru yoo kuro fun un, ti suta kankan ko si ni fi ọwọ ba, o si waa di dandan fun Ọlọhun Ọba Allah lori awọn eniyan, lati maa kọju si ile yii, lati lọ baa ma se isẹ Hajj, fun ẹniti o pa kapa ninu wọn lati de ibẹ, ẹniti o ba se aigbagbọ pẹlu ọranyan Hajj, dajudaju Ọlọhun Ọba Allah rọrọ kuro ni ọdọ alaigbagbọ yii, ati kuro ni ọdọ gbogbo aye lapapọ.

Sọ - irẹ Anọbi - wipe: mo pe ẹyin ti ẹ ni tira ninu awọn Yahuudi ati awọn Nasaara, kilode ti ẹ nja awọn awijare ni iyan, eyiti o tọkasi isododo Anọbi (ki Ọlọhun Ọba Allah se ikẹ ati igẹ fun un) , ati wipe ninu rẹ naa ni awọn awijare eyiti Taoreeta ati Injeela muwa? ! Ọlọhun Ọba Allah si ni Ẹniti O nri isẹ yin yii, ti O si nganni rẹ ati wipe Yoo pada san yin lẹsan lori rẹ.

Sọ - Irẹ Anọbi - wipe: ẹyin ti ẹ ni tira ninu awọn Yahuudi ati awọn Nasaara, kilo de ti ẹ nkọdi, kuro nibi ẹsin Ọlọhun Ọba Allah, awọn ti wọn gbagbọ pẹlu Rẹ ninu awọn eniyan, ti ẹ nwa fun ẹsin Ọlọhun Ọba Allah yiyẹ kuro nibi ododo lọsi ibi ibajẹ, ti ẹ si gbero fun awọn ara ile rẹ anu kuro nibi imọna, ti ẹyin si jẹ ẹlẹri lori wipe ẹsin yii, ohun ni ododo, ti o nsọ ohun ti o wa ninu awọn tira yin di ododo? ! Ọlọhun Ọba Allah kii se afọnufọra nipa ohun ti ẹ nse ninu aigbagbọ pẹlu Rẹ, ati kikọdi oju ọna Rẹ, ati wipe Yoo pada san yin lẹsan pẹlu rẹ.

Mo pe ẹyin ti ẹ gba Ọlọhun Ọba Allah gbọ, ti wọn si tẹle ojisẹ Rẹ, ti ẹ ba lọ tẹle ikọ kan ninu awọn ti o ni tira ninu awọn Yahuudi ati Nasaara nibi oun ti wọn nsọ, ti ẹ si gba irori wọn wọle nibi oun ti wọn nlero, wọn yoo sẹri yin pada si ibi aigbagbọ lẹyin igbagbọ, nitori oun ti o nbẹ ni ọdọ wọn ninu keeta ati sisọnu kuro ni oju ọna.