الأنعام

Ti a ba se ẹniti a ran si wọn ni Malaika, a ba se ni aworan arakunrin kan ti yoo fi rọrun lati gbọ ohun ti wọn nsọ ati lati gba ohun ti o mu wa; nigbati o ja si wipe wọn ko lagbara eyi pẹlu Malaika lori aworan ti Ọlọhun Ọba Allah da, ti a ba si se ni aworan eniyan ọrọ rẹ ko ba da ru mọ wọn loju.

Ti o ba ja si wipe awọn eniyan wọnyi nse yẹyẹ ni lori ki a sọ Malaika kalẹ pẹlu rẹ, awọn ijọ kan siwaju rẹ ti se yẹyẹ pẹlu awọn ojisẹ wọn, iya eyiti ọkan wọn kọ si sẹlẹ si wọn lori yẹyẹ ti wọn nse nigbati a dẹru ba wọn.

Sọ - ire ojise - fun awọn opurọ oluse yẹyẹ yii: ẹ rin ni ori ilẹ, ki ẹ si ronu si bi igbẹyin awọn olupe ojisẹ nirọ se ja si, iya Ọlọhun Ọba Allah sọ kalẹ fun wọn lẹyin igbati wọn ti lagbara, ti wọn si ni idaabobo.

Sọ fun wọn - ire ojise - : taani o nikapa sanmọ ati ikapa ilẹ, ati ikapa ohun ti nbẹ laarin mejeeji? Sọ wipe: ikapa gbogbo rẹ pata ti Ọlọhun Ọba Allah ni, O se ikẹ sise ni dandan fun ara Rẹ lati le se ọla lori awọn ẹru Rẹ, kii kanju fi iya jẹ wọn, koda ti wọn ko ba ti ronu piwada ni ọjọ igbende, ni ọjọ yii ti ko si iye meji nibẹ. Awọn ti wọn padanu ẹmin wọn pẹlu sise aimoore si Ọlọhun Ọba Allah, wọn ko nii gbagbọ debi wipe yoo la ẹmin wọn kuro nibi ofo.

Ọlọhun Ọba nikan ni O ni ikapa gbogbo nkan ninu ohun ti nbẹ ni oru ati ni ọsan, Oun ni ngbọ ọrọ wọn, ti O si mọ gbogbo isẹ wọn, yoo san wọn lẹsan le lori.

Sọ - ire ojise -fun awọn ọlọsẹbọ awọn ti wọn sin nkan miran pẹlu Ọlọhun Ọba Allah gẹgẹ bi oosa ati ohun ti yatọ sii: so ba laakaye mu, ki nmu ẹniti o yatọ si Ọlọhun Ọba Allah ni alaranse, ki ngbara le e, ki nsi wa ranse lọ si ọdọ rẹ bi? ! Oun ni O da sanmọ ati ilẹ laisi apejuwe rẹ siwaju, ẹnikan ko da siwaju rẹ, Oun ni ẹniti o ma nse arisiki fun ẹniti o ba wu U ninu awọn ẹru Rẹ, ko si ẹnikankan ninu awọn ẹru Rẹ ti nse arisiki fun Un, Oun ni ẹniti o rọrọ tayọ awọn ẹru Rẹ, gbogbo ẹru Rẹ ni wọn nse aini si ọdọ Rẹ, sọpe: - ire ojise - dajudaju Ọlọhun Ọba mi pa mi lasẹ pe ki njẹ akọkọ ti yoo gba fun Ọlọhun Ọba Allah, ti yoo si tẹriba fun Un ninu awọn ijọ yii, O si kọ fun mi ki njẹ ọkan ninu awọn ti yoo maa mu nkan miran mọ Ọ.

Sọ wipe - ire ojise - dajudaju mo npaya ki nma sọ Ọlọhun Ọba Allah pẹlu sise nkan ti O se ni eewọ fun mi gẹgẹ bi ẹbọ ati nkan miran, tabi ki ngbe ju silẹ nkan ti O pa mi lasọ tii se igbagbọ ati awọn itẹlasẹ miran ki O ma baa fi iya ti o tobi jẹ mi ni ọjọ igbende.

Taani ẹniti o le mu iya naa jinna sii ni ọjọ igbende, o ti jere pẹlu ikẹ Ọlọhun Ọba Allah, lila kuro nibi iya naa ohun ni erenjẹ ti o fi oju han, ti erenjẹ kankan ko sunmọ rara.

Ti o ba sẹlẹ si ọ - irẹ ọmọ Aadamọ - aluba kan lati ọdọ Ọlọhun Ọba Allah, ko si oludaabobo fun ọ kuro nibẹ ayaafi Ọlọhun Ọba Allah, ti daadaa kan ba si tẹ ọ lọwọ, ko si ẹniti o le dina rẹ fun ọ, ẹnikan ko le da ọla Rẹ pada, Oun ni ẹniti o lagbara lori gbogbo nkan, ohun kihun kii ko agara ba A.

Oun ni ẹniti yoo bori gbogbo ẹru Rẹ, ti wọn yoo si rẹ fun Un, Oun ni ẹniti O ga le wọn lori ni gbogbo ojupọnna eyiti nkankan ko le ko agara ba A, ẹnikan ko si le bori Rẹ, gbogbo ẹda tẹriba fun Un, oke gbogbo ẹru Rẹ ni o wa gẹgẹ bi o se tọ si I, Oun ni ọjọgbọn nibi dida ẹda ati nibi idari bakanna nibi ofin, oloye ti nkankan ko pamọ fun.