الإسراء

O sun mọ ki Ọlọhun yin - ẹyin ọmọ isirẹli - ki O kẹ yin lẹyin igbẹsan ti o le koko ti ẹ ba sẹri lọ si ọdọ Rẹ, ti ẹ si tun isẹ yin se, sugbọn ti ẹ ba sẹri lọsi bi ibajẹ ni igba ẹkẹta tabi ju bẹẹ lọ, awa yoo sẹri lọ si ibi igbẹsan lara yin, Awa Ọlọhun yoo sọ Jahanamọ di itẹ ati ibusẹrisi fun awọn keferi, ti wọn ko nii le bọ nibẹ.

Dajudaju Alukuraani yii ti a sọkalẹ fun Muhammad ẹniti ikẹ ati ọla nbẹ fun ntọka si oju ọna ti o dara julọ, ohun si ni oju ọna Islam, O si nfun awọn olugbagbọ ododo si Allah, awọn ti wọn nse isẹẹre ni iro nkan ti yoo dun mọ wọn ninu, ohun si ni pe ẹsan ti o tobi nbẹ fun wọn ni ọdọ Allah.

O si tun nfun awọn ti ko nigbagbọ ninu ọjọ igbende ni iro ohun ti yoo ko aburu ba wọn, ohun nipe a pe se iya inira fun wọn ni ọjọ igbende.

O si npe ọmọniyan nitori aimọkan rẹ si ara rẹ ati ọmọ rẹ ati dukia rẹ ni igba ibinu si aburu gẹgẹ bi adua rẹ fun ara rẹ niti daradara, ti a ba gba adua rẹ lori aburu ki ba pa run, bẹẹ ni dukia rẹ ati ọmọ rẹ ki ba parun, ọmọ ẹda eniyan jẹ ẹniti a da lori ikanju; tori eleyi o le kanju si ohun ti yoo ko inira ba a.

A da oru ati ọsan ni amin meji, ti mejeeji ntọka si ijọkan soso Allah ati agbara Rẹ; nitori iyapa gigun ati kikuro ti o wa nibẹ ati mimu ooru ati titutu, a si se oru ni okunkun fun isinmin ati oorun, bẹẹ ni a se ọsan ni itanmọlẹ, ki wọn le ma wa ijẹ-imu eyiti Ọlọhun kọ mọ wọn pẹlu ọla Rẹ, ki wọn si le mọ onka nibi pipaara awọn mejeeji tabi nkan miran ti wọn fẹ nibi isiro asiko osu ati awọn ọjọ ati awọn wakati, gbogbo nkan pata ni a se alaye ni alaye sise asayan awọn nkan, ati ki ododo le fi oju han kuro nibi ibajẹ.

Gbogbo ọmọ ẹda eniyan ni a se isẹ ti o njade lati ọdọ rẹ ni ohun ti yoo lẹ mọ ọ niti lilẹ mọ nkan ọrun si ọrun, ti ko nii ja kuro nibẹ titi ti yoo fi se isiro le wọn lori, a o si mu jade fun un ni ọjọ igbende gẹgẹ bi iwe ti gbogbo nkan ti o se ni daradara tabi aburu yoo wa nibẹ, yoo ri ni iwaju rẹ ni ohun ti a se silẹ, ti a si tẹ pẹrẹsẹ.

A o sọ fun ni ọjọ naa: ka - irẹ ọmọ eniyan - iwe rẹ, ki o si la isiro ara rẹ bọ run lori awọn isẹ rẹ, iwọ to ni ọjọ igbende fun olusiro fun ara rẹ.

Ẹnikẹni ti o ba mọna lọsi ibi igbagbọ ẹsan imọna rẹ yoo jẹ tirẹ, ẹniti o ba si sọnu ijiya isọnu rẹ yoo da le lori, ẹmin kan ko nii gbe ẹsẹ ẹmin miran, awa kii jẹ olufi iya jẹ ijọ kan titi a o fi gbe awijare le wọn lori pẹlu riran awọn ojisẹ si wọn.

Ti a ba gbero lati pa abule kan run nitori abosi rẹ, a o pasẹ fun ẹniti idẹkun mu se igberaga lati mase tẹle asẹ, ti ko si tẹle bikosepe o yapa, o si kuro nibi itẹle asẹ, ọrọ nipa iya tii pani finfin si sẹlẹ le wọn lori, a si pa wọn run ni iparun tan yan an yan.

Kinni o fi npọ to awọn ijọ opurọ eyiti a parun lẹyin Nuha ẹgẹ bi Hadi ati Samudawa! Ọlọhun Ọba rẹ to - irẹ ojisẹ - ni olufuni niro ati oluriran ri awọn ẹsẹ awọn ẹru Rẹ, nkankan ko pamọ fun Un ninu rẹ, Yoo si san wọn lẹsan le lori.