النحل

Awọn ẹlẹbọ yii nsin oosa yatọ si Allah eyiti ko nikapa lati ran wọn se eyikeyi aranse lati sanmọ tabi lati ilẹ, ko si tọ ki wọn ni agbara eleyi nitoripe wọn jẹ ọbọrọgidi ti ko le sẹmin, ti ko si ni imọ.

Ẹ mase fi afiwe fun Allah - ẹyin eniyan - ninu awọn oosa ti ko le se anfaani, ti ko si le mu inira wa, ko si afiwe fun Allah debi wipe ki ẹ mu ẹlomiran mọ nibi ijọsin, dajudaju Allah mọ awọn iroyin ti o gbọngbọn ati pipe ti o wa fun Un, ẹyin ko si mọ eleyi, ki ẹ ma baa wa bọ si inu ẹbọ pẹlu rẹ, ati ki ẹ maa ba mu afijọ Rẹ pẹlu awọn oosa yin.

Allah ti imọ nbẹ fun fi apejuwe lelẹ lati da ọrọ pada fun awọn ẹlẹbọ: ẹru kan ti o nikapa, ti o kagara lati se bi o se wu u, ti ko ni ohun ti o le na ati ọmọluwabi ti a fun ni owo mimọ lati ọdọ Wa, ti o nse bi o se wu u nibẹ, o nna ni ipamọ ati gbangba bi o se fẹ, awọn mejeeji yii ko le se dọgbandọgba, bawo ni ẹ se waa fẹ maa se afiwe laarin Allah Ọlọla Oluse bi O se wu U nibi ọla Rẹ, bi O ti fẹ ati awọn oosa yin ti o jẹ olukagaara?! Ẹyin fun Allah niti ẹyin ti o tọ si I, bikosepe ọpọlọpọ ẹlẹbọ wọn ko mọ mimu Ọlọhun Ọba Allah ni aaso nibi jijọsin fun Un, ati lilẹtọ si sisin In ni Ohun nikan.

Ọlọhun Allah ti mimọ nbẹ fun fi apejuwe miran lelẹ, ohun naa bi apejuwe eniyan meji: ikinin ninu wọn jẹ ọyaya, ko le gbọ, ko si le sọ, ko si tun le gbọ agbọye; nitori diditi rẹ ati jijẹ ọyaya rẹ, o kagaara lati se ara rẹ ni anfaani ati ẹlomiran naa, o jẹ ẹru wuwo fun ẹniti o ba fẹ gba a tọ, ti o si fẹ la ọrọ rẹ bọrun, ibikibi ti wọn ba gbe dide si ko le mu oore wa, ko si le jere ohun ti o nbeere fun, njẹ isesi yii se dọgba pẹlu ẹniti igbọran ati isọrọ rẹ ni alaafia bi, ti anfaani rẹ ko se ka, ti o si tun npa awọn eniyan ni ase deede, ti o le duro fun ara rẹ, ti o si tun wa ni oju ọna ti o yanju, ti ko si iruju tabi iwọgun nibẹ?! Bawo ni ẹ se nfi se dagbọ - ẹyin ẹlẹbọ - laarin Allah eyiti o gba iroyin gbigbọngbọn ati pipe ati laarin awọn oosa yin eyiti ko le gbọrọ, ti ko le sọ, ko si le mu anfaani wa, bẹẹni ko le mu inira kuro?!

Ọlọhun Ọba Allah nikan ni o ni imọ ti o pamọ sinu sanmọ ati imọ ti o pamọ si inu ilẹ, Oun ni Ẹni ẹsa pẹlu imọ eleyi yatọ si ẹnikẹni ninu ẹda Rẹ, bawo ni ti isesi igbende eyiti o wa ninu imọ ikọkọ ti A sa lẹsa pẹlu Rẹ, nibi yiyara wa rẹ nigbati O ba gbero rẹ ayaafi gẹgẹ bi bibo ori odo ati sisi i, koda o sun mọ ju eleyi lọ, dajudaju Allah ni agbara lori gbogbo nkan, nkankan ko le ko agara ba A, ti O ba gbero ohunkihun, yoo sọ fun wipe: (كُن) (jẹ bẹẹ), yoo si jẹ bẹẹ.

Ọlọhun Allah ni O tun mu yin jade - ẹyin eniyan - ninu iya yin lẹyin igbati asiko oyun tan gẹgẹ bi ọmọ oponlo, ti ẹ ko le mọ ohunkihun, O si se igbọrọ fun yin ki ẹ le maa gbọ ọrọ pẹlu rẹ, ati irina ki ẹ le maa fi wo iran ati awọn ọkan ki ẹ le maa fi se laakaye; ni ireti ki ẹ le maa dupẹ fun Un lori awọn idẹkun ti O se fun yin lati ara wọn.

Se awọn ẹlẹbọ ko wa wuye si ẹyẹ ni, ti A rọ wọn, ti A si pese wọn fun fifu ni oju ofurufu, gẹgẹ bi iyẹ ati lilẹ atẹgun ti Allah fi ta wọn lọrẹ, ti O si tun fi kika iyẹ rẹ ko mọ ọ ati titẹ pẹrẹsẹ, nkankan ko mu wọn duro ninu atẹgun lati ma ja bọ ayaafi Allah Alagbara, dajudaju nibi rirọwọn yii ati mimu wọn duro kuro nibi isubu jẹ awọn itọka fun ijọ ti o nigbagbọ ninu Allah, toripe dajudaju awọn ni yoo se anfaani pẹlu awọn itọka ati ariwoye.