اللغة
۞وَٱتۡلُ عَلَيۡهِمۡ نَبَأَ نُوحٍ إِذۡ قَالَ لِقَوۡمِهِۦ يَٰقَوۡمِ إِن كَانَ كَبُرَ عَلَيۡكُم مَّقَامِي وَتَذۡكِيرِي بَِٔايَٰتِ ٱللَّهِ فَعَلَى ٱللَّهِ تَوَكَّلۡتُ فَأَجۡمِعُوٓاْ أَمۡرَكُمۡ وَشُرَكَآءَكُمۡ ثُمَّ لَا يَكُنۡ أَمۡرُكُمۡ عَلَيۡكُمۡ غُمَّةٗ ثُمَّ ٱقۡضُوٓاْ إِلَيَّ وَلَا تُنظِرُونِ 71
Sọ itan - irẹ ojisẹ - fun awọn ẹlẹbọ opurọ wọnyi iro Nuhu ti ọla nbẹ fun nigbati o sọ fun awọn ijọ rẹ: ẹyin ijọ mi, ti wiwa mi laarin yin ba jẹ ohun ti o tobi, ti o si soro fun yin mima se iranti mi nipa awọn amin Ọlọhun Ọba Allah ati isiti mi, ti ẹ waa pinnu lati pa mi, Ọlọhun Ọba Allah nikan ni mo gbara le lati ba ete yin jẹ, ẹ maa se eyiti o wu yin, ki ẹ si pinnu lori pipa mi run, ki ẹ si pe awọn Ọlọhun Ọba yin lori ki wọn le ran yin lọwọ le lori, lẹyin eyi ete yin ko le jẹ kọkọ ti o pamọ rara, lẹyin igbati ẹ ba pete pero lati pa mi, ki ẹ yara lọ si ibi ohun ti ẹ di sọkan, ki ẹ mase lọ mi lara fun isẹju kan.
فَإِن تَوَلَّيۡتُمۡ فَمَا سَأَلۡتُكُم مِّنۡ أَجۡرٍۖ إِنۡ أَجۡرِيَ إِلَّا عَلَى ٱللَّهِۖ وَأُمِرۡتُ أَنۡ أَكُونَ مِنَ ٱلۡمُسۡلِمِينَ 72
Ti ẹ ba ti jẹ ẹniti o sẹri kuro nibi ipepe mi, paapaa julọ ẹ ti mọ wipe emi ko beere nkankan lọwọ yin lori fifi isẹ Ọlọhun Ọba mi to yin leti, ẹsan mi ko jẹ lati ọdọ ẹnikankan ayaafi Allah, ẹ nigbagbọ si mi tabi ẹ se keferi, Ọlọhun Ọba Allah ti pa mi lasẹ ki nwa ninu awọn ti yoo jupa jusẹ silẹ fun itẹle asẹ ati isẹẹre.
فَكَذَّبُوهُ فَنَجَّيۡنَٰهُ وَمَن مَّعَهُۥ فِي ٱلۡفُلۡكِ وَجَعَلۡنَٰهُمۡ خَلَٰٓئِفَ وَأَغۡرَقۡنَا ٱلَّذِينَ كَذَّبُواْ بَِٔايَٰتِنَاۖ فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ 73
Awọn ijọ rẹ pe nirọ, wọn ko gba a lododo, a laa ati ẹniti o wa pẹlu rẹ ninu ọkọ oju ọmin ninu awọn olugbagbọ ododo, a sọ wọn di arole fun awọn ti wọn siwaju yin, a si pa awọn ti pe ohun ti ẹ mu wa ninu awọn amin nirọ ati awijare pẹlu odo, ki o yaa ronu si - irẹ ojisẹ - bi igbẹyin awọn ijọ ti Nuha se ikilọ fun se ri, ti wọn ko si gbagbọ.
ثُمَّ بَعَثۡنَا مِنۢ بَعۡدِهِۦ رُسُلًا إِلَىٰ قَوۡمِهِمۡ فَجَآءُوهُم بِٱلۡبَيِّنَٰتِ فَمَا كَانُواْ لِيُؤۡمِنُواْ بِمَا كَذَّبُواْ بِهِۦ مِن قَبۡلُۚ كَذَٰلِكَ نَطۡبَعُ عَلَىٰ قُلُوبِ ٱلۡمُعۡتَدِينَ 74
Lẹyin asiko diẹ, a gbe awọn ojisẹ dide si awọn ijọ wọn, awọn ojisẹ awọn ijọ naa si wa pẹlu awọn amin ati awọn ẹri, wọn ko ni erongba lati gbagbọ nitori titaku siwaju lori pipe awọn ojisẹ nirọ, Ọlọhun Ọba Allah waa fi edidi di ọkan wọn, iru edidi eyiti a fi di ọkan awọn ti wọn tẹle awọn ojisẹ ti wọn ti re kọja lọ, ohun naa ni a o fi ọkan awọn keferi ti wọn kọja ẹnu aala nitori keferi wọn ni gbogbo asiko ati aaye.
ثُمَّ بَعَثۡنَا مِنۢ بَعۡدِهِم مُّوسَىٰ وَهَٰرُونَ إِلَىٰ فِرۡعَوۡنَ وَمَلَإِيْهِۦ بَِٔايَٰتِنَا فَٱسۡتَكۡبَرُواْ وَكَانُواْ قَوۡمٗا مُّجۡرِمِينَ 75
Lẹyin asiko diẹ ni a wa gbe Muusa ati ọmọ iya rẹ Haruna dide si fir'aona tii se ọba misirọ ati awọn onigberaga ninu ijọ rẹ lẹyin awọn ojisẹ yii, a gbe awọn mejeeji dide pẹlu awọn amin tin ntọka si ijẹdodo wọn, wọn se igberaga lati mase gba ohun ti awọn mejeeji mu wa gbọ, wọn jẹ ijọ ẹlẹsẹ; nitori sise keferi si Ọlọhun Ọba Allah ati pipe awọn ojisẹ Rẹ nirọ.
فَلَمَّا جَآءَهُمُ ٱلۡحَقُّ مِنۡ عِندِنَا قَالُوٓاْ إِنَّ هَٰذَا لَسِحۡرٞ مُّبِينٞ 76
Nigbati ẹsin eyiti Musa ati Haruna ki ọla maa bẹ fun wọn de fun fir'aona ati awọn onigberaga de ninu ijọ rẹ, wọn sọrọ nipa awọn amin rẹ eyiti o ntọka si jijẹ ododo ohun ti Musa muwa: dajudaju idan ti o fi oju han nii se, kii se ododo.
قَالَ مُوسَىٰٓ أَتَقُولُونَ لِلۡحَقِّ لَمَّا جَآءَكُمۡۖ أَسِحۡرٌ هَٰذَا وَلَا يُفۡلِحُ ٱلسَّٰحِرُونَ 77
Musa sọrọ ni ẹniti ntako wọn: se ẹyin yoo maa sọ fun ododo nigbati o de wa ba yin wipe: idan ni?! Ko ri bẹẹ, kii se idan dajudaju emi mọ wipe onidan ko nii jere lailai, bawo ni emi yo se waa muwa?!
قَالُوٓاْ أَجِئۡتَنَا لِتَلۡفِتَنَا عَمَّا وَجَدۡنَا عَلَيۡهِ ءَابَآءَنَا وَتَكُونَ لَكُمَا ٱلۡكِبۡرِيَآءُ فِي ٱلۡأَرۡضِ وَمَا نَحۡنُ لَكُمَا بِمُؤۡمِنِينَ 78
Ijọ fir'aona ati Musa dahun ni ẹniti nsọ bayi wipe: se idan yii ni iwọ yoo mu wa lati yi wa kuro nibi ohun ti a ri awọn baba wa ninu ẹsin le lori, ti ọla yoo waa maa jẹ tirẹ ati ti awọn ọmọ iya rẹ? Awa ko le jẹ fun yin - irẹ Musa ati Haruna - ẹniti yoo maa fi rinlẹ wipe ojisẹ ni ẹyin mejeeji jẹ ti wọn ran nisẹ si wa.
Nkan ija olugbagbọ ododo lati koju ọta ni igbarale Ọlọhun Ọba Allah.
Titaku lori keferi ati pipe awọn ojisẹ nirọ yoo sọ edidi di dandan lori ọkan ti ko ni le gbagbọ lailai.
Isesi awọn ọta awọn ojisẹ ẹyọkan ni, ni gbogbo igba ni wọn ma nroyin gbogbo imọna wipe idan tabi irọ ni.
Dajudaju onidan ko nii jere lailai.