الأحزاب

Ranti - irẹ ojisẹ - nigbati a gba adehun ti o kanpa lọdọ awọn anabi lori ki wọn o maa sin Allah nikan soso, ki wọn si ma se ẹbọ kankan pẹlu Rẹ, ki wọn si ma sọ ounti a sọkalẹ fun wọn ninu imisi, a si gba a lojupọnna isẹsa ni ọdọ rẹ, ati ni ọdọ Nuha, ati Ibrahim, ati Musa ati Isa ọmọ Maryamọ; a gba adehun ti o kanpa lọdọ wọn lori wipe ounti wọn pamọ si ọdọ wọn nipa mimu awọn isẹ Allah de ogongo.

Ọlọhun Ọba Allah gba adehun ti o kanpa yii lọdọ awọn anọbi ki O le beere lọwọ awọn sootọ sootọ ninu awọn ojisẹ naa nipa ododo wọn, ki o le jẹ iyẹpẹrẹ fun awọn keferi, Allah si tọju fun awọn ti o se keferi si I ati si awọn ojisẹ Rẹ ni ọjọ igbende iya inira eyiti tii se ina jahannamọ.

A pe awọn ti wọn nigbagbọ si Allah, ti wọn si nse ohun ti wọn se lofin, ẹ ranti idẹkun Allah le yin lori ni igbati awọn ọmọ ogun keferi wa si ilu naa ni ẹniti o di amure lati pa yin, bẹẹni awọn sọbẹ selu ati yahuudi si kun wọn lọwọ, a wa gbe atẹgun dide tii se atẹgun tutu ti a fi ma nse aranse fun anọbi ti ikẹ ati ọla nbẹ fun, a si tun gbe awọn ọmọ ogun ninu awọn Malaika ti ẹ ko ri dide, bayi ni awọn keferi pẹyin da ti wọn nsaa lọ, wọn ko si lagbara kankan, Allah jẹ ẹniti o riran ri ohun ti ẹ nse, nkankan ko pamọ fun Un ninu eleyi, yoo si san yin lẹsan lori awọn isẹ yin.

Ohun ni igbati awọn keferi wa ba yin ni oke ọgbun naa ati ni isalẹ rẹ abala meji ibuyọ ati ibuwọ oorun, nigbati awọn oju kuro nibi gbogbo nkan ayaafi nibi wiwo ọta rẹ, ti awọn ọkan si de gogongo nibiti ipaya le koko de, ti ẹ si nlero orisirisi ero pẹlu Allah, igba miran ẹ nlero aranse, bẹẹni igba miran ẹ nlero ijakan kuro nibẹ.

Ni aaye yii nibi ogun kandaki, wọn dan awọn olugbagbọ ododo wo pẹlu ohun ti wọn ba pade nibi rigabo awọn ọta le wọn lori, wọn si daamun ni idaamun ti o le koko nitori ipaya, bayi ni olugbagbọ ati sọbẹ selu han lati ara idanwo yii.

Ni ọjọ naa ni awọn sọbẹ selu sọpe ati awọn ti igbagbọ wọn lẹ ti iyemeji si nbẹ ninu ọkan: ohun ti Allah ati ojisẹ Rẹ se ni adehun ni aranse lori awọn ọta wa ati ifẹkanbalẹ lori ilẹ ko jẹ nkankan ayaafi ibajẹ ni ko ni ipilẹ.

Tun ranti - irẹ ojisẹ - nigbati awọn kan ninu awọn sọbẹ selu nsọ fun awọn ara ilu: ẹyin ara yẹsiriba (orukọ ilu siwaju Islam) ko si ibudurosi fun yin ni aaye ti a npe ni “safihu sọlihi” ni ẹgbẹ kandaki, ki ẹ ya pada si awọn ibugbe yin, apakan ninu wọn wa iyọnda ni ọdọ anọbi ti ikẹ ati ọla nbẹ fun ki wọn le ma sẹri pada si ile wọn pẹlu pipe apemọra wipe awọn ile wọn ti wa ni sisiilẹ fun ọta, bẹẹni kii se sisiilẹ gẹgẹ bi wọn se lero bikosepe wọn ngbero pẹlu awijare irọ yii lati sa kuro lọdọ ọta ni.

Ti ọta ba wọle ti wọn ni ilu ni gbogbo agbegbe rẹ, ti o si bi wọn leere sisẹri pada si keferi ati sisẹbọ si Allah, wọn ko ba fun ọta wọn ni eleyi, bẹẹni wọn ko ba ti fi ara pamọ lati ma koomọ ati sisẹri si keferi ayaafi eniyan diẹ.

Paapaa awọn sọbẹ sele yii se adehun pẹlu Allah lẹyin sisa wọn ni ọjọ huudi kuro nibi ogun; ti Allah ba fun wọn ni ogun miran ri, wọn ko ba maa pa awọn ọta wọn, bẹẹ ni wọn ko nii sa niti ipaya wọn, sugbọn wọn ja adehun, ẹru yoo si jẹ ẹniti a o bi leere nipa ounti o ba Allah se ni adehun, bẹẹni wọn yoo si pada bi leere.