اللغة
إِنَّ هَٰذَا لَهُوَ ٱلۡقَصَصُ ٱلۡحَقُّۚ وَمَا مِنۡ إِلَٰهٍ إِلَّا ٱللَّهُۚ وَإِنَّ ٱللَّهَ لَهُوَ ٱلۡعَزِيزُ ٱلۡحَكِيمُ 62
Dajudaju eleyi ti A sọ fun ọ yii ninu alamọri Isa (ki nọla maa jẹ tirẹ) , ohun ni iro ododo eyiti ko si irọ nibẹ ati iyemeji, ko si ẹniti wọn yoo maa sin ni tootọ ayaafi Ọlọhun Ọba Allah nikan soso, atipe dajudaju Ọlọhun Ọba Allah ni Alagbara nibi ọla Rẹ, Ọjọgbọn si ni nibi idari Rẹ ati asẹ Rẹ ati dida ẹda Rẹ.
فَإِن تَوَلَّوۡاْ فَإِنَّ ٱللَّهَ عَلِيمُۢ بِٱلۡمُفۡسِدِينَ 63
Ti wọn ba waa gunri kuro nibi ohun ti o mu waa ba wọn, ti wọn si ko tẹle ọ, a jẹ wipe nkan naa wa ninu ibajẹ wọn, Ọlọhun Ọba Allah ni Olumọ awọn oluse ibajẹ lori ilẹ, atipe Yoo si pada san wọn lẹsan lori nkan naa.
قُلۡ يَٰٓأَهۡلَ ٱلۡكِتَٰبِ تَعَالَوۡاْ إِلَىٰ كَلِمَةٖ سَوَآءِۢ بَيۡنَنَا وَبَيۡنَكُمۡ أَلَّا نَعۡبُدَ إِلَّا ٱللَّهَ وَلَا نُشۡرِكَ بِهِۦ شَيۡٔٗا وَلَا يَتَّخِذَ بَعۡضُنَا بَعۡضًا أَرۡبَابٗا مِّن دُونِ ٱللَّهِۚ فَإِن تَوَلَّوۡاْ فَقُولُواْ ٱشۡهَدُواْ بِأَنَّا مُسۡلِمُونَ 64
Sọ - irẹ ojisẹ - wipe: ẹ wa nibi yii ẹyin ti ẹ ni tira ninu awọn Yahuudi ati Nasaara, ki a kojọ lori gbolohun deede kan, ti gbogbo wa se deede lori rẹ: ni ki a se Ọlọhun Ọba Allah ni ọkan soso pẹlu ijọsin, ki a si maa sin ẹnii o yatọ siI pẹlu Rẹ biotiwulẹ ki ipo rẹ ri ati aaye rẹ ga, ati wipe ki apakan wa ma mu apakan ni awọn ọlọhun ti wọn yoo maa jọsin fun, ti wọn yoo si maa tẹle wọn lẹyin Ọlọhun Ọba Allah, ti wọn ba waa pẹyin da nibi nkan ti o npe wọn si yii ninu ododo ati deede, ẹ waa sọ fun wọn - ẹyin olugbagbọ ododo - wipe ẹ jẹri pe dajudaju awa olugbafa fun Ọlọhun Ọba Allah ni wa, olutẹriba fun Un si ni (ti ọla Rẹ ga) pẹlu mima tẹle.
يَٰٓأَهۡلَ ٱلۡكِتَٰبِ لِمَ تُحَآجُّونَ فِيٓ إِبۡرَٰهِيمَ وَمَآ أُنزِلَتِ ٱلتَّوۡرَىٰةُ وَٱلۡإِنجِيلُ إِلَّا مِنۢ بَعۡدِهِۦٓۚ أَفَلَا تَعۡقِلُونَ 65
Ẹyin ti ẹ ni tira, ki lo de ti ẹ nse ariyanjiyan nibi ilana Ibraheem (ki ọla maa jẹ tirẹ) ? Awọn Yahuudi nlero pe dajudaju Ibraheem jẹ Yahuudi, awọn Nasaara na si nlero pe dajudaju oun jẹ Nasaara, ti ẹyin si mọ pe dajudaju jijẹ Yahuudi ati Jijẹ Nasaara ko han sita ayaafi lẹyin iku rẹ pẹlu asiko ti o gun gan, se ẹyin ko wa mọ pẹlu awọn laakaye yin ni, aida gbolohun yin ati asise ero yin.
هَٰٓأَنتُمۡ هَٰٓؤُلَآءِ حَٰجَجۡتُمۡ فِيمَا لَكُم بِهِۦ عِلۡمٞ فَلِمَ تُحَآجُّونَ فِيمَا لَيۡسَ لَكُم بِهِۦ عِلۡمٞۚ وَٱللَّهُ يَعۡلَمُ وَأَنتُمۡ لَا تَعۡلَمُونَ 66
Se ẹyin - ẹyin ti ẹ ni tira - ba Anọbi (ki Ọlọhun se ikẹ ati igẹ fun un) jiyan ni nibi ohun ti ẹ ni imọ nipa rẹ, nibi alamọri ẹsin yin ati ohun ti o sọkalẹ fun yin, ki waa lo de ti ẹyin njiyan nibi ohun ti ko si imọ fun yin nipa alamọri Ibraheem ati ẹsin rẹ nibi ohun ti ko si ninu awọn tira yin, ti awọn Anọbi yin ko si mu wa? ! Ati wipe Ọlọhun Ọba Allah ni O mọ awọn ododo alamọri, ati awọn ohun ti o pamọ nibẹ, ati wipe ẹyin ko mọọ.
مَا كَانَ إِبۡرَٰهِيمُ يَهُودِيّٗا وَلَا نَصۡرَانِيّٗا وَلَٰكِن كَانَ حَنِيفٗا مُّسۡلِمٗا وَمَا كَانَ مِنَ ٱلۡمُشۡرِكِينَ 67
Ibraheem (ki ọla maa jẹ tirẹ) ko wa lori ilana yahuudi, ko si tun wa lori ilana nasaara sugbọn o jẹ ẹniti o yẹ kuro nibi awọn ẹsin yii ti ko dara , ni ẹniti o juwọ-jusẹ silẹ fun Ọlọhun Ọba Allah, ti o si se ni ọkan soso (ti ọla Rẹ ga) , ati wipe ko si ninu awọn ọsẹbọ pẹlu rẹ, gẹgẹ bi awọn ọsẹbọ larubawa se nlero wipe awọn wa lori ilana rẹ.
إِنَّ أَوۡلَى ٱلنَّاسِ بِإِبۡرَٰهِيمَ لَلَّذِينَ ٱتَّبَعُوهُ وَهَٰذَا ٱلنَّبِيُّ وَٱلَّذِينَ ءَامَنُواْۗ وَٱللَّهُ وَلِيُّ ٱلۡمُؤۡمِنِينَ 68
Dajudaju ẹniti o lẹtọ ju ninu awọn eniyan lati fi ara ti si ọdọ Ibraheem ni awọn ti wọn tẹle ohun ti o mu wa ni asiko rẹ, ati wipe awọn ti wọn lẹtọ ninu awọn eniyan bakanna pẹlu nkan naa ni Anọbi Muhammad (ki Ọlọhun se ikẹ ati igẹ fun un) , ati awọn ti wọn ni igbagbọ pẹlu rẹ ninu awọn ijọ yii, ati wipe Ọlọhun Ọba Allah ni Alaranse awọn ti wọn ni igbagbọ pẹlu Rẹ ati Olusọọ wọn.
وَدَّت طَّآئِفَةٞ مِّنۡ أَهۡلِ ٱلۡكِتَٰبِ لَوۡ يُضِلُّونَكُمۡ وَمَا يُضِلُّونَ إِلَّآ أَنفُسَهُمۡ وَمَا يَشۡعُرُونَ 69
Awọn paadi awọn ti wọn ni tira nlero ninu awọn yahuudi ati awọn nasaara wipe ki wọn sọ yin nu - ẹyin olugbagbọ ododo - kuro nibi ododo eyiti Ọlọhun Ọba Allah fi yin mọna lọ si ibẹ, ati wipe wọn ko le sọ ẹnikankan nu ayaafi ara wọn; toripe dajudaju ipọsẹsẹ wọn nibi sisọ awọn olugbagbọ ododo nu yoo lekun isọnu wọn, ati wipe wọn ko mọ igbẹyin awọn isẹẹ wọn.
يَٰٓأَهۡلَ ٱلۡكِتَٰبِ لِمَ تَكۡفُرُونَ بَِٔايَٰتِ ٱللَّهِ وَأَنتُمۡ تَشۡهَدُونَ 70
Ẹyin ti ẹ ni tira ninu awọn yahuudi ati awọn nasaara, ki lode ti ẹ nse aigbagbọ si awọn aayah Ọlọhun Ọba Allah eyiti O sọkalẹ fun yin ati ohun ti o nbẹ nibẹ ninu itọka lori jijẹ ti Muhammad (ki Ọlọhun se ikẹ ati igẹ fun un) jẹ Anọbi, ti ẹyin si njẹri pe dajudaju ohun ni ododo eyiti awọn tira yin tọka si? !
Dajudaju awọn ifisẹranni ti Ọlọhun Ọba Allah, gbogbo rẹ fi ẹni ko lori gbolohun deede kan, ohun naa ni sise Ọlọhun Ọba Allah (ọla Rẹ ga) ni ọkan soso ati kikọ nibi ẹbọ.
Pataki nini imọ nipa itan; toripe dajudaju ohun paapaa le wa ninu awọn awijare ti o lagbara eyiti wọn yoo fi maa da awọn ipepe iro awọn alaidaa pada.
Ẹniti o ni ẹtọ ninu awọn eniyan pẹlu Ibraheem (ki ọla maa jẹ tirẹ) , ni ẹniti o ba wa lori ilana rẹ ati adisọkan rẹ, ẹ ko waa ri didape irọ pẹlu fifi ara ti si ọdọ rẹ lasan, pẹlu yiyapa rẹ ko le se anfaani.
Awọn aayah naa tọka si sise oju kokoro awọn alaigbagbọ awọn ti wọn ni tira lori sisọ awọn olugbagbọ ododo nu ninu ijọ yii, niti keeta lati ọdọ wọn.