الأحقاف

Gẹgẹbi o se jasi wipe ko le se wọn ni anfaani laye, bẹẹni igbati wọn ba ko wọn jẹ ni ọjọ igbende, wọn yoo tun jẹ ọta fun awọn ti wọn nsin wọn, wọn yoo si bọpa bọsẹ kuro lọdọ wọn, wọn yoo si tako wipe wọn jẹ ẹniti o nimimọ nipa ijọsin wọn.

Ti wọn ba ka aayah wa ti a sọkalẹ fun ojisẹ Wa fun wọn, awọn ti o se keferi si Alukuraani nigbati o wa ba wọn lati ọwọ ojisẹ wọn yoo sọpe: eleyi jẹ idan ti o fi oju han, kii sii se imisi kan lati ọdọ Allah.

Se awọn ẹlẹbọ yii nsọrọ: dajudaju Muhammad hun Alukuraani yii ni, o wa se afiti rẹ si ọdọ Allah?! Sọ fun wọn - irẹ ojisẹ - : ti o ba hun lati ọdọ ara rẹ, ẹyin ko nikapa agbara kankan fun mi ti Allah ba gbero lati fi iya jẹ mi, bawo emi yoo se wa sẹri ẹmin mi fun iya nibi ihun nkan mọ Ọ?! Allah ni Ẹniti O nimọ ju nipa ohun ti ẹ ko si gẹgẹ bi fifi ẹnu eebu kan Alukuraani Rẹ ati fifi abuku kan an, Oun ti mimọ nbẹ fun to ni ẹlẹri laarin emi ati ẹyin, Oun ni alaforijin awọn ẹsẹ ẹniti o ba sẹri ninu awọn ẹru Rẹ, onikẹ si wọn.

Sọ - irẹ ojisẹ - fun awọn ẹlẹbọ opurọ nipa ijọ anọbi rẹ: iwọ kii se akọkọ ojisẹ ti Allah yoo gbe dide ti ẹ fi wa nse ajoji si ipepe mi fun yin, ọpọ ojisẹ paapaa ti siwaju mi, nko si mọ ohun ti Allah yoo se pẹlu mi, bẹẹni ohun ti yoo se fun yin ni ile aye, ohun ti mo ntẹle ko ju imisi Allah si ọdọ mi lọ, emi kii sọ bẹẹni emi kii se ju ibamun si imisi ọdọ mi lọ, nko si jẹ nkankan ju olukilọ ti mo nse ikilọ iya Allah fun yin ni ikilọ ti o fi oju han.

Sọ - irẹ ojisẹ - fun awọn opurọ: ẹ fun mi niro ti Alukuraani ba jẹ lati ọdọ Allah, ẹ tun wa se aimoore si i, olujẹri kan jẹri ninu awọn ọmọ isrẹli wipe dajudaju lati ọdọ Allah ni; ni igbarale ohun ti o wa ninu taoreeta nipa rẹ, oun si nigbagbọ si i, sugbọn ẹyin se igberaga nini igbagbọ si i, -se ẹ kii wa se alabosi bayi?! Dajudaju Allah ko nii fi ijọ alabosi se kongẹ ododo.

Awọn ti o se keferi si Alukuraani ati si ohun ti ojisẹ wọn mu wa fun wọn yoo sọ fun awọn ti o nigbagbọ: ti ohun ti Muhammad muwa ba jẹ ododo ni, ti o ntọni si ibi rere, awọn olosi ati ẹru ati awọn ọlẹ ki ba ti siwaju wa lọ si ibẹ. Nitoripe wọn ko mọna pẹlu ohun ti ojisẹ wọn mu wa ba wọn, wọn yoo sọpe: eyiti o wa ba wa yii jẹ irọ tipẹtipẹ, awa ko si niitẹle irọ naa.

Siwaju Alukuraani ni taoreeta eyiti o jẹ iwe ti Allah sọkalẹ fun Musa ẹniti ọla nbẹ fun, o jẹ asiwaju ti wọn ma ntẹle nibi ododo, o si tun jẹ ikẹ fun ẹniti o nigbagbọ si i, ti o si tẹle e ninu awọn ọmọ isirẹli, Alukuraani yii ti a sọkalẹ fun Muhammad ti nikẹ ati ọla nbẹ fun jẹ iwe kan ti o npe awọn iwe ti o siwaju rẹ lododo pẹlu ahọn larubawa; ki o le maa fi se ikilọ fun awọn ti wọn se abosi ẹmin ara wọn lati ibi sise ẹbọ si Allah ati sise awọn ẹsẹ, o si tun jẹ iro idunnu fun awọn oluse daadaa ti wọn se daadaa nibi ibasepọ wọn pẹlu asẹda wọn ati ibasepọ wọn pẹlu ẹda Rẹ.

Dajudaju awọn ti o sọpe: Allah ni Ọlọhun wa ko si Ọlọhun miran yatọ si I, lẹyin naa wọn duro sinsin lori igbagbọ ati isẹ rere, ko si ipaya fun wọn nibi ohun ti wọn yoo ba pade ni ọrun, bẹẹni wọn ko nii banujẹ ninu ohun ti o ba bọ mọ lọwọ ninu awọn ipin aye ati lori ohun ti wọn ba fi role si ẹyin wọn.

Awọn wọnyi ni ẹniti a royin pẹlu awọn iroyin naa, awọn ẹni ọgba idẹra yoo maa wa nibẹ gbere; ni ẹsan fun lori awọn isẹ rere wọn eyiti wọn ti siwaju ni ile aye.