الرعد

Awọn ẹlẹbọ yoo maa kan ọ loju iya - irẹ ojisẹ -, wọn yoo si maa lọ sisọkalẹ rẹ lara si wọn siwaju ki idẹkun ti Ọlọhun Ọba kadara mọ wọn too pe, paapaa awọn ijiya iru wọn siti re kọja siwaju ti wọn ninu awọn ijọ opurọ, kilode ti wọn ko woye pẹlu rẹ? Dajudaju Ọlọhun Ọba rẹ - irẹ ojisẹ - jẹ alamoju kuro fun awọn eniyan pẹlu abosi wọn, kii kanju fiya jẹ wọn ki wọn le ronu piwada lọsi ọdọ Allah, dajudaju O si jẹ ẹniti iya rẹ lagbara fun awọn ti wọn ba taku lori keferi nigbati wọn ko ba jawọ.

Awọn ti o se keferi si Allah yoo maa sọ wipe - niti itẹsiwaju nibi isẹri ati orikunkun -: se ko waa ni sọkalẹ fun Muhammad aayah kan lati ọdọ Ọlọhun rẹ gẹgẹ bi ohun ti o sọkalẹ fun Musa ati Isa, dajudaju iwọ - irẹ ojisẹ - jẹ olukilọ ti o ndẹru ba awọn eniyan lati ibi Allah, ko si awọn amin kankan fun ọ ayaafi ohun ti Ọlọhun Ọba rẹ Allah fun ọ, gbogbo ijọ kọọkan ni o ni anọbi ti o ntọka wọn si oju ọna ododo, ti o si ntọ wọn si i.

Ọlọhun Allah mọ ohun ti gbogbo abo gbe si ikun rẹ, O mọ gbogbo nkan nipa rẹ, o si tun mọ ohun ti o sẹlẹ ninu awọn apo ibi ni ẹdinku tabi alekun, ni alaafia tabi arun, gbogbo nkan ni ọdọ Rẹ ti mimọ nbẹ fun wa pẹlu odiwọn ti ko le lekun, ti ko si le dinku.

Nitori Oun ti mimọ nbẹ jẹ onimimọ gbogbo nkan ti o pamọ fun orikerike ẹda Rẹ, O si jẹ onimimọ ohun ti orikerike le mọ, Ẹniti O tobi nibi iroyin Rẹ ati awọn ise Rẹ, ẹniti O nse igberag lori gbogbo ohun ti O da ninu awọn ẹda Rẹ pẹlu bibẹ Rẹ ati awọn iroyin Rẹ.

O mọ kọkọ ati ohun ti o pamọ, deedee ni ninu imọ Rẹ ẹniti o fi ọrọ rẹ pamọ ninu yin - ẹyin eniyan - ati ẹniti wi sita, O si se deedee ninu imọ Rẹ bakanna ẹniti i fi ara pamọ nibi okunkun orun kuro nibi oju awọn eniyan ati ẹniti o han pẹlu awọn isẹ rẹ ni itansan ọsan.

Oun ti mimọ nbẹ fun ni awọn malaika ti wọn nse pasi paarọ ara wọn ni ọdọ awọn eniyan, apakan wọn yoo wa ni oru, apakan yoo wa ni ọsan, wọn sọ awọn eniyan lati ibi asẹ Allah nibi ọpọ akọsilẹ Ọlọhun Allah eyiti O ti kọ wipe yoo daabobo wọn nibẹ, wọn si nkọ awọn ọrọ rẹ ati awọn ise rẹ, dajudaju Ọlọhun Ọba ko nii yi isesi daadaa ti o wa pẹlu ijọ kan pada lọsi isesi miran ti ko dun mọ wọn ninu titi ti wọn yoo fi yi pada fun ara wọn lọsi ibi isesi ọpẹ, ti Ọlọhun Ọba ti mimọ nbẹ fun ba gbero iparun ro ijọ kan, ko si ẹniti o le da erongba Rẹ pada, ko si fun yin - ẹyin eniyan - yatọ si Allah ni alatilẹyin ti yoo mojuto ọrọ yin, ti ẹ le lugọ si lọdọ lati kọ di adanwo eyiti o ba kan yin.

Oun ni ẹniti O nfi han yin - ẹyin eniyan - mọnamọna, o si npa ipaya pọ fun yin lati ibi ara ati rirankan ojo, Oun ni ẹniti O nmu ẹsujo wa ti o wuwo pẹlu omin ojo ti o pọ.

Ara si nsafọmọ Ọlọhun Ọba rẹ ni afọmọ ti o ropọmọ ọpẹ didu fun un ti mimọ nbẹ fun, awọn Malaika nse afọmọ Ọlọhun Ọba wọn niti pipaya Rẹ ati gbigbọngbọn ati gbigbe titobi fun Un, O si nran ara joni joni si ẹniti o ba wu U ninu awọn ẹda Rẹ ti yoo si pa a run, bẹẹ ni awọn keferi nse ifanfan lori ijọkan soso Allah, Ọlọhun Ọba Allah si ni ẹniti ete ati agbara Rẹ le koko, Ko si ni gbero nkan ayaafi ki o se.