غافر

Dajudaju ikẹyin eyiti Allah yoo gbe awọn oku dide fun isiro ati ẹsan yoo waye ko si ibuyẹ, ko si iyemeji nibẹ sugbọn ọpọ awọn eniyan ko nigbagbọ si wiwa rẹ, tori eleyi ni wọn ko fi mura silẹ fun un.

Ọlọhun yin si sọpe - ẹyin eniyan -: ẹ mu Mi lọkan nibi ijọsin ati nibi ibeere, Emi yoo jẹpe adura yin, Maa si se amojukuro fun yin, Maa si kẹ yin, dajudaju awọn ti wọn nse igberaga nipa mimu MI nikan nibi ijọsin yoo wọ ina jahannamọ ni ọjọ igbende ni ẹni yẹpẹrẹ ẹni iwọlẹ.

Allah ni O se oru fun yin ni okunkun ki ẹ le maa gbe ninu rẹ, ki ẹ si le maa sin mi nibẹ, O si se ọsan fun ni itansan ti o ntan imọlẹ, ki ẹ le maa sisẹ nibẹ, dajudaju Allah jẹ ọlọla ti o tobi lori awọn eniyan nitori awọn idẹkun rẹ eyiti o han ati eyiti o pamọ ti o da le wọn lori sugbọn ọpọ awọn eniyan kii dupẹ fun Un, mimọ Rẹ lori idẹkun ti O se le wọn lori.

Ọlọhun Ọba naa ni Ẹniti O se awọn idẹkun Rẹ le yin lori, Oun ni asẹda gbogbo nkan, ko si asẹda yatọ si I, ko si ẹni ijọsin fun tootọ ayaafi Oun, kilode ti ẹ fi wa nkuro nibi jijọsin fun Un lọsi ibi ijọsin fun nkan miran, ninu ẹniti ko nikapa anfaani bẹẹni inira.

Gẹgẹ bi awọn eniyan wọnyi se yi kuro nibi igbagbọ ninu Allah ati ijọsin fun Un lohun nikan ni awọn ti wọn nja awọn aayah Allah niyan eyiti o ntọka si ijọkan soso Rẹ ni gbogbo asiko ati aaye naa yoo yi kuro nibẹ, wọn ko le mọna lọsi ibi ododo bẹẹni wọn ko le se kongẹ itọsọna.

Allah ti o se ilẹ fun yin - ẹyin eniyan - agbegbe ti a pese fun ibudurosi, ti o si tun se sanmọ ni ile ti a ti pari si oke yin, ti a si ti daabobo kuro nibi jijabọ, ti o sun yaworan yin ni inu awọn apo ibi awọn iya yin, ti o wa se aworan yin daadaa, o si tun ran yin se nibi ounjẹ ẹtọ ati eyiti o dun, Ẹniti o se idẹkun eleyi le yin lori yii ni Allah tii se Ọlọhun yin, titobi Allah ti O jẹ Ọlọhun gbogbo ẹda patapata, ko si ọlọhun kankan ko fun gbogbo ẹda yatọ si I, Oun ti mimọ nbẹ fun.

Oun ni alaaye ti ko nii ku, ko si ẹni ijọsin fun niti tootọ yatọ si I, ki ẹ ya maa pe E ni pipe ijọsin ati ibeere; ni ẹniti o ngbero ojurere Rẹ lohun nikan, ki ẹ si ma mu ẹnikankan pẹlu Rẹ ninu awọn ẹda Rẹ, ọpẹ ni fun Allah olutọju gbogbo ẹda naa.

Sọ - irẹ ojisẹ -: dajudaju Allah kọ fun mi ki nsin awọn ẹniti ẹ nsin yatọ si Allah ninu awọn oosa wọnyi ti ko le se anfaani tabi ko inira bani, nigbati awọn ẹri ati awijare ti o fi oju han ti waa ba mi lori jijẹ ibajẹ sisin wọn, Allah si tun pa mi lasẹ ki ntẹriba fun Un pẹlu ijọsin lohun nikan, Oun ni Ọba gbogbo ẹda patapata, ko si ọlọhun kankan fun wọn yatọ si I.