الزمر

Tabi ẹ nfi kadara se ẹri ni, ni o wa nsọpe: ti Allah ba fi mi se kongẹ ni, emi ko ba wa ninu awọn olupaya Rẹ; emi ko ba se awọn asẹ Rẹ, nko ba si jinna si awọn nkan ti o kọ.

Tabi iwọ yoo sọ nigbati o ba fi oju ri iya ni ẹniti o nrankan, ti pipada si ile aye ba seese fun mi, nko ba sẹri si ọdọ Allah, bẹẹni nko ba wa ninu awọn oluse daadaa ninu awọn isẹ wọn.

Ọrọ ko ri bi o se nlero nipa rirankan imọna, paapaa awọn amin ti wa ba ọ, o pe e nirọ, o si se igberaga, o wa ninu awọn keferi si Allah ati si awọn amin Rẹ ati awọn ojisẹ Rẹ.

Ti o ba di ọjọ igbende, iwọ yoo ri awọn ti o parọ mọ Allah nipa sise afiti akẹgbẹ ati ọmọ si ọdọ Rẹ, ti oju wọn yoo dudu; ni amin lori ori buruku wọn, se kii wa sepe aaye nbẹ fun awọn olusegberaga si igbagbọ ninu Allah ati ojisẹ Rẹ ninu ina jahannamọ ni?! Rara, dajudaju aaye nbẹ fun wọn nibẹ.

Allah yoo si la awọn ti wọn paya Ọlọhun Ọba wọn pẹlu titẹle awọn asẹ Rẹ ati jijinna si awọn ohun ti O kọ kuro nibi iya naa pẹlu ki O ki wọn bọ aaye erenjẹ wọn ohun si ni ọgba idẹra, iya ko nii kan wọn nibẹ, wọn ko si ni banujẹ lori ohun ti o bọ mọ wọn lọwọ ninu awọn ipin aye.

Allah ni asẹda gbogbo nkan ko si asẹda miran yatọ si I, O si jẹ alaabo lori gbogbo nkan, O ma ndari alamọri Rẹ, O si ma nyi si bi o se wu U.

Oun nikan ni O ni awọn kọkọrọ pẹpẹ ọrọ gbogbo oore ni gbogbo sanmọ ati ilẹ, O ma nfi ta ẹniti o ba wu U lọrẹ, O si ma nkọ fun ẹniti o ba wu U, awọn ti o si se keferi si awọn aayah Allah ni awọn ẹniti yoo sofo; nitori sise igbagbọ leewọ fun wọn ninu isẹmin aye wọn ati wiwọ ina wọn gbere ni ọrun.

Sọ - irẹ ojisẹ - fun awọn ẹlẹbọ ti wọn nse ọ loju kokoro wipe ki o sin awọn oosa wọn: se ẹ o maa pa mi lasẹ - ẹyin alimọkan si Ọlọhun yin - ki nsin ohun ti o yatọ si Allah ni?! ẹnikan ko tọ si ijọsin yatọ si Allah nikan soso, nko si nii sin ohun ti o yatọ si I.

Paapaa Allah ti ransẹ si ọ - irẹ ojisẹ - , O si ransẹ si awọn ojisẹ siwaju rẹ: ti o ba sin nkan miran mọ Allah, ẹsan isẹ rere rẹ paapaa yoo bajẹ, paapaa iwọ yoo wa si wa ninu awọn ẹni ofo ni ile aye pẹlu ki o sofo ẹsin rẹ ati iya ni ọrun.

Bikosepe ki o sin Allah nikan soso, mase mu ẹnikẹni pẹlu Rẹ, ki o si wa ninu awọn oludupẹ fun Un lori awọn idẹkun Rẹ eyiti O se le ọ lori.

Awọn ẹlẹbọ ko pataki Allah ni paapaa pipataki Rẹ nitoripe wọn mu ẹlomiran pẹlu Rẹ ninu awọn ẹda Rẹ ti o lẹ, ti o kagara, wọn si fọnu nipa agbara Allah eyiti o han ninu rẹ wipe ilẹ ati ohun ti o nbẹ nibẹ ninu awọn oke ati awọn igi ati awọn isẹlẹru ati awọn odo wa ni ọwọ Rẹ ni ọjọ igbende ati wipe dajudaju gbogbo sanmọ mejeeji patapata yoo ka jọ ni ọwọ ọtun Rẹ, O mọ, O si mọ kanga, bẹẹni O ga ju ohun ti awọn ẹlẹbọ nsọ, ti wọn si ndi adisọkan rẹ.