اللغة
رَبَّنَآ ءَامَنَّا بِمَآ أَنزَلۡتَ وَٱتَّبَعۡنَا ٱلرَّسُولَ فَٱكۡتُبۡنَا مَعَ ٱلشَّٰهِدِينَ 53
Awọn alaranse Isa sọ bakanna wipe: irẹ Ọlọhun Ọba wa, a ni igbagbọ pẹlu ohun ti O sọkalẹ ninu Injeela, a si tẹle Isa (ki ọla maa jẹ tirẹ) , waa se wa ninu awọn ti o jẹri pẹlu ododo, awọn ti wọn ni igbagbọ pẹlu Rẹ ati pẹlu awọn ojisẹ Rẹ.
وَمَكَرُواْ وَمَكَرَ ٱللَّهُۖ وَٱللَّهُ خَيۡرُ ٱلۡمَٰكِرِينَ 54
Ati wipe awọn alaigbagbọ ninu awọn ọmọ isirẹli ndete nibi ti wọn ti pọsẹsẹ lati pa Isa (ki ọla maa jẹ tirẹ) , ni Ọlọhun Ọba Allah naa wa dẹ wọn lẹkẹ pẹlu wọn, ni O fi fi wọn silẹ ninu anu wọn, O si sọ jijọni Isa si ori ọkunrin miran, ati wipe Ọlọhun Ọba Allah ni Ẹniti O dara ju ninu awọn oludẹẹyan; toripe dajudaju Oun ko si ẹniti idete rẹ lagbara ju nibi idete Rẹ (ti ọla Rẹ ga) si awọn ọta Rẹ.
إِذۡ قَالَ ٱللَّهُ يَٰعِيسَىٰٓ إِنِّي مُتَوَفِّيكَ وَرَافِعُكَ إِلَيَّ وَمُطَهِّرُكَ مِنَ ٱلَّذِينَ كَفَرُواْ وَجَاعِلُ ٱلَّذِينَ ٱتَّبَعُوكَ فَوۡقَ ٱلَّذِينَ كَفَرُوٓاْ إِلَىٰ يَوۡمِ ٱلۡقِيَٰمَةِۖ ثُمَّ إِلَيَّ مَرۡجِعُكُمۡ فَأَحۡكُمُ بَيۡنَكُمۡ فِيمَا كُنتُمۡ فِيهِ تَخۡتَلِفُونَ 55
Ati wipe Ọlọhun Ọba Allah si dẹwọn lẹkẹ - bakanna - nigbati O sọ ni Ẹniti O nda oju ọrọ kọ Isa (ki ọla maa jẹ tirẹ) wipe: irẹ Isa, dajudaju Emi maa gba ẹmin rẹ lainiiku, Maa si gbe ara rẹ ati ẹmin rẹ wa si oke si ọdọ Mi, ati wipe maa fọ ẹ mọ kuro nibi ẹgbin awọn ti wọn se aigbagbọ pẹlu rẹ, Maa si tun gbe ọ jinna si wọn, ati wipe maa gbe awọn ti wọn tẹle ọ lori ẹsin ododo - ninu rẹ nini igbagbọ pẹlu Muhammad (ki Ọlọhun se ikẹ ati igẹ fun un) - lori awọn ti wọn se aigbagbọ pẹlu rẹ, titi di Ọjọ Igbende pẹlu ayijare ati iyi, lẹyin igba naa ni isẹripada yin, yoo jẹ ọdọ Emi nikan soso ni Ọjọ Igbende, Maa wa se idajọ laarin yin pẹlu ododo nibi ohun ti ẹ nyapa ara yin nibẹ.
فَأَمَّا ٱلَّذِينَ كَفَرُواْ فَأُعَذِّبُهُمۡ عَذَابٗا شَدِيدٗا فِي ٱلدُّنۡيَا وَٱلۡأٓخِرَةِ وَمَا لَهُم مِّن نَّٰصِرِينَ 56
O ko waa ri awọn ti wọn se aigbagbọ pẹlu rẹ ati pẹlu ododo eyiti o mu waa ba wọn, Maa jẹ wọn ni iya kan ti o le koko ni ile aye pẹlu pipa ati kiko lẹru ati iyẹpẹrẹ ati ohun ti o yatọ sii, ati ni ọrun pẹlu iya ina, ati wipe ko nii si awọn alaranse fun wọn, ti wọn yoo ti iya lọ fun wọn.
وَأَمَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فَيُوَفِّيهِمۡ أُجُورَهُمۡۗ وَٱللَّهُ لَا يُحِبُّ ٱلظَّٰلِمِينَ 57
O ko waa ri awọn ti gbagbọ pẹlu rẹ ati pẹlu ododo eyiti o mu waa ba wọn, wọn si nse awọn isẹ oloore ninu irun kiki ati Saka yiyọ ati aawẹ gbigba, ati dida ẹbi pọ, ati ohun ti o yatọ sii, dajudaju Ọlọhun Ọba Allah Yoo fun wọn ni ẹsan awọn isẹ wọn ni perepere, ti ko nii si adinku kankan nibẹ, ati wipe ọrọ yii nipa awọn ti o tẹle Al-Mọsiihu siwaju gbigbe Anọbi Muhammad dide (ki Ọlọhun se ikẹ ati igẹ fun un), eyiti Al-Mọsiihu fun raa rẹ naa mu iro wa nipa rẹ, ati wipe Ọlọhun Ọba Allah kii nifẹ awọn alabosi, ati wipe ninu abosi ti o tobi ni sise ẹbọ pẹlu Ọlọhun Ọba Allah (ti ọla Rẹ ga) ati pipe awọn ojisẹ Rẹ ni irọ.
ذَٰلِكَ نَتۡلُوهُ عَلَيۡكَ مِنَ ٱلۡأٓيَٰتِ وَٱلذِّكۡرِ ٱلۡحَكِيمِ 58
Nkan naa eyiti A nka fun ọ ninu iro Isa (ki ọla maa jẹ tirẹ) ninu awọn amin ti wọn fi oju han ni, eyiti o ntọka lori nini alaafia ohun ti wọn sọkalẹ fun ọ, ati wipe iranti ni fun awọn ilupaya Ọlọhun, ohun ti o tọ si ni, ti ibajẹ ko le ba.
إِنَّ مَثَلَ عِيسَىٰ عِندَ ٱللَّهِ كَمَثَلِ ءَادَمَۖ خَلَقَهُۥ مِن تُرَابٖ ثُمَّ قَالَ لَهُۥ كُن فَيَكُونُ 59
Dajudaju apẹrẹ dida Isa (ki ọla maa jẹ tirẹ) ni ọdọ Ọlọhun Ọba Allah, da gẹgẹ bi apẹrẹ dida Aadamọ lati ibi erupẹ laini baba ati iya, dajudaju bikose wipe Ọlọhun Ọba Allah sọ fun wipe: maa jẹ abara, yoo si jẹ ohun ti O gba lero (ti ọla Rẹ ga) , bawo ni wọn yoo se maa lero pe dajudaju oun Ọlọhun Ọba pẹlu awijare wipe, pe dajudaju oun wọn da lati ibi aini baba, ati wipe awọn si fi rinlẹ pe dajudaju Aadamọ abara ni, pẹlu wipe dajudaju oun wọn da lati ibi aini baba ati iya.
ٱلۡحَقُّ مِن رَّبِّكَ فَلَا تَكُن مِّنَ ٱلۡمُمۡتَرِينَ 60
Ododo yii ti ko si iyemeji nibẹ nibi alamọri Isa (ki ọla maa jẹ tirẹ) , ohun ni eyiti o sọkalẹ fun ọ lati ọdọ Ọlọhun Ọba rẹ mase wa ninu awọn oniyemeji, oniroyiroyi, bikose wipe iduro sinsin jẹ dandan fun ọ lori ohun ti o wa lori rẹ ninu ododo.
فَمَنۡ حَآجَّكَ فِيهِ مِنۢ بَعۡدِ مَا جَآءَكَ مِنَ ٱلۡعِلۡمِ فَقُلۡ تَعَالَوۡاْ نَدۡعُ أَبۡنَآءَنَا وَأَبۡنَآءَكُمۡ وَنِسَآءَنَا وَنِسَآءَكُمۡ وَأَنفُسَنَا وَأَنفُسَكُمۡ ثُمَّ نَبۡتَهِلۡ فَنَجۡعَل لَّعۡنَتَ ٱللَّهِ عَلَى ٱلۡكَٰذِبِينَ 61
Ẹniti o ba ja ọ niyan irẹ ojisẹ ninu awọn Nasaara Najiraani nibi alamọri Isa, ni ẹniti o lero pe dajudaju oun kii se ẹrusin Ọlọhun Ọba Allah, lẹyin ohun ti o ti waa de ba ọ ninu imọ ti o ni alaafia nibi alamọri rẹ, waa sọ fun wọn wipe: ẹ wa ki a pe awọn ọmọ wa ati awọn ọmọ yin sita, ati awọn obirin wa ati awọn obirin yin, ati awa ati ẹyin, ti gbogbo wa yoo kojọ, lẹyin igba naa, a o waa fi ara rolẹ lọsi ọdọ Ọlọhun Ọba Allah pẹlu sise adua pe ki O sọ igbejina si ikẹẹ Rẹ kalẹ lori awọn okurọ ninu awa ati ẹyin.
Ninu pipe agbara Rẹ (ti ọla Rẹ ga) ni pe dajudaju Oun ma nfi iya jẹ ẹniti o ba dete pẹlu ẹsin Rẹ ati pẹlu awọn aayo Rẹ, Yoo wa maa dẹ wọn lẹkẹ gẹgẹ bi wọn se nda ete.
Alaye adisọkan ti o ni alaafia eyiti o jẹ dandan nibi alamọri Isa (ki ọla maa jẹ tirẹ) ati alaye bi o se se deede laakaye, oun kii se tuntun ni dida ẹda, toripe Aadamọ eyiti wọn da laini baba ati iya, o le ni ijẹ nkan ajoji, ti gbogbo eniyan si gba wipe abara ni.
Sise ikojọ elepe laarin awọn olufanfan lori iroyin ti aayah alapọnle naa mu wa.