الأنفال

Ẹ dunni titẹle ti Ọlọhun Ọba Allah ati titẹle ti ojisẹ Rẹ nibi awọn ọrọ yin ati awọn isẹ yin, ati gbogbo isesi yin, ẹ mase yapa nibi irori; toripe yiyapa ni okunfa lilẹ yin ati ojo yin, ati sisilọ agbara yin, ẹ se suuru nigbati ẹ ba pade ọta yin, dajudaju Ọlọhun Ọba wa pẹlu awọn onisuuru nibi sise aranse, ikunlọwọ ati aanu, ẹniti Ọlọhun Ọba Al; lah ba wa pẹlu rẹ, oun ni ẹniti yoo bori, ati ẹniti yoo ri aranse laisi ibuyẹ.

Ẹ mase da gẹgẹ bi awọn ọlọsẹbọ niti igberaga ati sekari mi si awọn eniyan, wọn si nkọdi awọn eniyan kuro nibi ẹsin Ọlọhun Ọba Allah, wọn si ntako wọn lati wọ inu rẹ, Ọlọhun Ọba Allah jẹ ẹniti o nimọ nipa gbogbo ohun ti wọn nse, isẹ wọn kankan ko pamọ fun Un, Yoo si san wọn lẹsan le lori.

Ẹ tun ranti - ẹyin olugbagbọ ododo - ninu awọn idẹkun Ọlọhun Ọba Allah le yin lori ni ki esu se isẹ awọn ọlọsẹbọ lọsọ fun wọn, o si se wọn lakin lori pipade awọn olugbagbọ ododo ati ki wọ maa pa wọn, o wa sọ fun wọn wipe: ko si olubori fun yin loni, dajudaju emi ni oluran yin se, ati olusọ yin kuro nibi ọta yin nigbati awọn ipin meji pade ara wọn: malaika wa pẹlu awọn ipin awọn olugbagbọ ododo ti o nran wọn se, esu wa pẹlu ipin awọn ẹlẹbọ eyiti yoo pada dagunla si wọn; esu pada ni ẹniti nsaa lọ, o wa sọ fun awọn ọlọsẹbọ: emi bọpa-bọsẹ kuro ni ọdọ yin, dajudaju mo ri awọn malaika ti o de ni aranse fun awọn olugbagbọ ododo, mo nbẹru ki Ọlọhun Ọba Allah ma pa mi run, Ọlọhun Ọba Allah jẹ ẹniti iya Rẹ le koko, bẹẹ ni ẹnikẹni ko lagbara lati fi ara da iya Rẹ.

Ẹ ranti nigbati awọn sọbẹselo nsọ ati awọn ti igbagbọ wọn lẹ: ẹsin awọn olugbagbọ ododo yi ni o tan wọn jẹ, ti o nse adehun aranse fun wọn lori awọn ọta wọn pẹlu bi onka wọn se kere, ti nkan imusilẹ wọn si lẹ, ti onka awọn ọta wọn Si pọ, ti nkan isọta wọn si lagbara, bẹẹ ni awọn wọnyi ko mọ wipe ẹniti o ba gbarale Ọlọhun Ọba Allah nikan soso, ti o si tun fi ọkan tẹ aranse ti o se ni adehun, dajudaju Ọlọhun Ọba Allah yoo jẹ alaranse fun un, ko si dagunla si bi oti wulẹ ki ijọlẹ rẹ to, Ọlọhun Ọba Allah jẹ alagbara, ẹnikankan ko le bori Rẹ, o si jẹ ọjọgbọn nibi ipebubu ati isofin Rẹ.

Ti o ba ri - ire ojise - awọn ti wọn se keferi si Ọlọhun Ọba ati ojisẹ Rẹ nigbati awọn Malaika ngba ẹmin wọn, ti o fa wọn ya, ti wọn gba wọn ni oju nigbati wọn ba kọju siwaju, wọn si ngba wọn lẹyin nigbati wọn ba pẹyinda ti wọn nsaa lọ, wọn wa nsọ fun wọn wipe: ẹ maa tọ wo - ẹyin keferi - iya eyiti o ma njo ni, ti o ba ri eleyi, iwọ ko ba ri alamọri ti o tobi.

Eleyi jẹ ijiya ti o nini lara nigbati a ba ngba ẹmin yin - ẹyin keferi - iya ti o joni ninu saare yin ati ni ọrun, okunfa rẹ jẹ ohun ti ẹ fi ọwọ yin kojọ ni ile aye, Ọlọhun Ọba Allah ko nii se abosi si eniyan, yoo se idajọ laarin wọn pẹlu deedee, tori wipe Oun ni dajọdajọ onideedee.

Iya yii ti o sọkalẹ kii se fun awọn keferi nikan, bikose wipe o jẹ isesi Ọlọhun Ọba Allah eyiti O ma nmu se nisẹ lori awọn keferi ni gbogbo asiko ati aaye, o ti sẹlẹ si awọn ara ile firiaona nigbati wọn se atako awọn amin Ọlọhun Ọba ti mimọ nbẹ fun, Ọlọhun Ọba Allah gba wọn nitori awọn ijiya ẹsẹ wọn ti o le, ti o si ni odiwọn, o sọ iya Rẹ kalẹ fun wọn, dajudaju Ọlọhun Ọba Allah jẹ alagbara, ti wọn kii bori, oniya ti o le koko fun ẹniti o ba sẹ Ẹ.