الكهف

Dukia ati ọmọ jẹ ninu nkan ti a fi nse ọsọ ni isẹmin aye, ko si anfaani fun dukia ni ọrun ayafi ti eniyan ba na si ibi ohun ti o yọ Allah ninu ati isẹ ati awọn ọrọ eyiti o yọ Allah ninu, ohun ni o loore ju lẹsan ju gbogbo nkan ti o nbẹ ni ile aye lọ ninu ọsọ, oun ni o si loore ju ninu ohun ti ọmọ ẹda eniyan gbọdọ maa rankan; nitoripe ọsọ ile aye yoo tan, bẹẹni ẹsan isẹ ati ọrọ ti yọ Ọlọhun Ọba ninu yoo sẹku.

Ki o si ranti ọjọ ti a o mu oke kuro ni aaye rẹ, ti iwọ yoo ri ilẹ ni ohun ti yoo hande nigbati a ba mu awọn oke ati igi ati awọn ilẹ ti o nbẹ ni ori rẹ yẹ kuro, ti a si ko gbogbo awọn ẹda jọ, ti a ko sẹ ẹnikankan ku ninu wọn laigbe dide.

Ti wọn si sẹri awọn eniyan lọsi ọdọ Ọlọhun Ọba rẹ ni tito lọwọọwọ, ti wọn si nse isiro wọn, wọn si fun wọn wipe: paapaa ẹ ti mu wa wa lẹyọ-lẹyọ laibọ bata ni ihoho pẹlu adọdọ gẹgẹbi a se da yin ni igba akọkọ, sugbọn ẹ lero wipe wọn ko nii gbe yin dide, abi dajudaju awa ko nii se asiko kan tabi aaye kan fun yin, ti a o san yin lẹsan nibẹ lori isẹẹ yin.

Wọn wa fi iwe isẹ lelẹ, ẹniti yoo gba iwe rẹ pẹlu ọtun ati ẹniti yoo gba tirẹ pẹlu osi rẹ, iwọ yoo ri - irẹ ọmọ ẹda eniyan - awọn keferi ni ẹniti yoo maa paya ẹniti o wa nibẹ nitoripe wọn mọ ohun ti wọn ti siwaju ninu keferi ati ẹsẹ, wọn yoo wa maa sọ wipe: irẹ iparun ati adanwo wa o! Ewo ni o se iru iwe yii ti ko sẹ kekere tabi ninla ku ninu isẹ wa ayafi ki o de e mọlẹ, ki o si ka a, wọn yoo ri ohun ti wọn se ninu isẹmin aye ninu ẹsẹ ti a ti kọ, ti o si rinlẹ, Ọlọhun Ọba rẹ ko nii se abosi - irẹ ojisẹ - ẹnikẹni, ko nii fi iya jẹ ẹnikẹni laisi ẹsẹ, ko si nii din ẹsan kankan ninu ẹsan olutẹle asẹ Rẹ ku.

Tun ranti - irẹ ojisẹ - nigbati a sọ fun awọn Malaika: ẹ bori balẹ fun Aadamọ ni iforibalẹ ikini, gbogbo wọn si fi ori balẹ fun UN niti itẹle asẹ Ọlọhun wọn ayafi ibilisu ti o wa ninu alujannau ko si si ninu awọn Malaika, O taku, o si se igbaraga lati fi ori kanlẹ, o si jade kuro nibi itẹle Ọlọhun rẹ, se ẹ o mu - ẹyin eniyan - ohun ati awọn ọmọ rẹ ni alatilẹyin ni, tiẹ o maa wa ni oluranlọwọ yatọ si Mi, ti wọn si jẹ ọta si yin, bawo ni ẹ se nmu awọn ọta yin ni alatilẹyin fun yin?! Ko dara, o si buru isẹ awọn alabosi, awọn ti wọn sọ esu di alatilẹyin fun wọn dipo mimu Allah ti O ga ni alatilẹyin.

Awọn ti ẹ mu ni alatilẹyin yatọ si Mi yii jẹ ẹru bi ti yin, Emi ko fi wọn jẹri isẹda sanmọ ati ile nigbati mo nda wọn mejeeji koda wọn ko si nibẹ, emi ko si apakan yin jẹri lori dida apakan emi nikan ni mo da ẹda ti mo si tun ndari eto, emi ko si mu olusẹni nu ninu esu ati alujannu ni oluranlọwọ.

Sọ fun wọn - irẹ ojisẹ - ni ọjọ igbende nigbati Ọlọhun Ọba Allah nsọ fun awọn ti wọn nsẹbọ pẹlu Rẹ ni ile aye: ẹ pe awọn ti ẹ nmu pẹlu mi, ti ẹ nnirori wipe wọn pe wọn, wọn ko jẹ ipe wọn, wọn ko si le ran wọn se, a wa se iparun si aarin awọn olujọsin ati ẹniti wọn nsin, ti wọn yoo papọ nibẹ, oun si ni ina jahannamọ.

Awọn ẹlẹbọ nfi oju kan ina, wọn wa mọ amọdaju wipe awọn yoo wọ inu rẹ, wọn ko wa ri ọna kankan lati sa kuro nibẹ.