الأنعام

Igbẹyin awọn keferi kẹyin sibi pipa wọn rẹ tegbotegbo, aranse si waye fun awọn ojisẹ Ọlọhun, ọpẹ ati ẹyin jẹ ti Ọlọhun Ọba ọkan soso, olutọju gbogbo agbanla aye lori pipa awọn ọta Rẹ run ati sise aranse fun awọn ẹni tirẹ.

Sọ - ire ojise - fun awọn ọsẹbọ: ẹ fun mi niro ti Ọlọhun Ọba Allah ba sọ yin di aditi pẹlu wipe O mu igbọran yin lọ, tabi O sọ yin di afọju pẹlu ki O mu iriran yin lọ, ki O si fi edidi di ọkan yin, ti ẹ ko le gbọ nkankan ye; ẹniti a njọsin fun ni o le mu ohun ti ẹ padanu rẹ yi wa fun yin? Ronu - ire ojise - si bi a se nse alaye awọn ẹri fun wọn ati oniranran awijare sugbọn wọn tu ngbunri kuro nibẹ!

Sọ fun - ire ojise - wipe ẹ fun mi niro ti iya Ọlọhun Ọba Allah ba wa ba yin lojiji nigbati ẹ ko mọ rara, tabi o ti ẹ wa nigbangba, womi nwo ọ, iya naa ko niin mu ẹnikankan ju awọn alabosi lọ nitori keferi wọn si Ọlọhun Ọba Allah ati pipe awọn ojisẹ nirọ.

A ko ran ojisẹ ti a ran nisẹ bikose wipe ki o le fun awọn eniyan ti wọn ni igbagbọ, ti wọn si ntẹle asẹ ni iro idunnu, kidẹkun lailai eyiti ko nii tan nigba kankan, ati ki o le dẹruba awọn keferi ẹlẹsẹ nibi iya Wa eyiti o le koko, ẹniti o ba nigbagbọ si awọn ojisẹ, ti o si se atunse isẹ rẹ, ko si ipaya fun nibi nkan ti wọn yoo ba pade ni ọrun, wọn ko nii banujẹ tabi gbarata lori nkan ti o bọ mọ wọn lọwọ lori nkan ipin aye.

Awọn ti wọn ba pe awọn amin wa nirọ, iwa yoo tọ si wọn nitori jijade wọn kuro nibi itẹle asẹ Ọlọhun Ọba Allah.

Sọ - ire ojise - fun awọn ọlọsẹbọ: nko sọ fun yin: wipe pẹpẹ ọrọ Ọlọhun Ọba Allah ninu arisiki wa ni ọdọ mi, ti maa wa ma se bi o se wu mi nibẹ, bẹẹ ni emi ko sọ fun yin wipe: mo nimọnipa kọkọ ayaafi ohun ti Ọlọhun Ọba Allah ba fi to mi leti ninu imisi, emi ko si sọ fun yin wipe: mo jẹ Malaika kan ninu awọn Malaika, bikose wipe mo jẹ ọkan ninu awọn ojisẹ Ọlọhun Ọba Allah, emi ko tẹle nkankan yatọ si ohun ti wọn ba fi ransẹ si mi lọ, emi ko si pe apemọra nkan ti emi ko jẹ, sọ wipe - ire ojise - njẹ keferi ti iriran rẹ ti fọ kuro nibi ododo ati olugbagbọ ododo eyiti o riran ri ootọ, ti o si nigbagbọ sii jọ ara wọn bi? Se ẹ ko ronu ọpọlọ yin ni - ẹyin ọlọsẹbọ - si awọn nkan ti nbẹ ni ẹgbẹ yin ninu awọn amin.

Fi - ire ojise - Alukuraani yii dẹruba awọn ti wọn npaya pe ki awọn ma ko jọ ni ọjọ igbende ni ọdọ Ọlọhun Ọba Allah, ko si alatilẹyin kankan fun wọn Ọlọhun Ọba Allah lọ ti yoo mu anfaani wa fun wọn, ko si si olusipẹ ti yoo mu aburu kuro, ki wọn o le ba paya Ọlọhun Ọba Allah pẹlu titẹle asẹ Rẹ ati jijinna si ohun ti O kọ, awọn wọnyi ni wọn le se anfaani pẹlu Alukuraani.

Majẹ ki - ire ojise - awọ alaini olugbagbọ ododo jinna si ijoko rẹ, awọn ti wọn wa nibi ijọsin Ọlọhun Ọba Allah ni akọkọ ọsan ati ni igbẹyin rẹ, ni ẹniti nse afọmọ ijọsin fun Un, ma mu wọn jinna nitori agbalagba ọlọsẹbọ le wa pẹlu rẹ pẹẹ, isiro awọn keferi yii ko kan ọ, isiro wọn wa ni ọdọ Ọlọhun Ọba Allah, bẹẹ ni isiro tirẹ naa ko kan wọn, ti o ba ti mu wọn jinna si ijoko rẹ, dajudaju o ti wa ninu ẹniti o kọja ẹnu aala Ọlọhun Ọba Allah.