الروم

Sọ - irẹ ojisẹ - fun awọn ẹlẹbọ yii: ẹ rin lorilẹ, ki ẹ ronu si bi igbẹyin ijọ awọn opurọ se ri? Paapaa igbẹyin wọn jẹ aburu, ọpọ wọn si jẹ ẹlẹbọ si Allah, wọn nsin nkan miran mọ Ọ, wọn parun nitori mimu nkan mọ Allah.

Da oju rẹ kọ - irẹ ojisẹ - ẹsin Islam ti o duro tọ, ti ko si iwọgun nibẹ siwaju ki ọjọ igbende eyiti o ba de ti ko nii si idapada ko too to, ni ọjọ yii awọn eniyan yoo pin yẹlẹyẹlẹ: ipin kan ninu alujannah ninu idẹkun, bẹẹni ipin kan ninu ina ni ẹni ijiya.

Ẹniti o ba se aimoore si Allah inira keferi rẹ - ohun ni sise gbere ninu ina - yoo sẹri ba a; ẹniti o ba se isẹ rere, ti o fi wa oju rere Allah, wọn se fun ara wọn ni ẹniti o npalẹ mọ wiwọnu alujannah ati riri idẹkun ninu rẹ ni gbere lailai.

Lati san awọn ti wọn nigbagbọ ninu Allah lẹsan, ti wọn si nse awọn isẹ rere eyiti yoo yọ Ọlọhun Ọba wọn ninu, ninu ọla Rẹ ati sise daada Rẹ dajudaju Ohun ti mimọ nbẹ fun ko nifẹ si awọn si ti nse keferi si I tabi si awọn ojisẹ Rẹ, bikosepe Yoo binu si wọn ni ibinu ti o le koko, bakanna Yoo si fi iya jẹ wọn ni ọjọ igbende.

Ninu awọn amin Rẹ ti o tobi, ti o tọka si agbara Rẹ ati ijọkan soso Rẹ: niki O gbe atẹgun dide ti yoo maa fun awọn ẹru ni iro idunun sisunmọ sisọkalẹ ojo, ati ki o le fi tọ yin lẹnu wo -ẹyin eniyan- ninu ikẹ Rẹ ti yoo sẹlẹ lẹyin ojo gẹgẹ bi lilọra ilẹ ati idẹkun ati ki awọn ọkọ oju omin le rin ni inu odo pẹlu iyọnda Rẹ ati ki ẹ le wa ninu ọla Rẹ pẹlu sise owo ninu odo ati ki ẹ le jẹ ẹniti yoo dupẹ idẹkun Allah le yin lori, ki O le se alekun fun yin nibẹ.

Paapaa a ti gbe dide siwaju rẹ - irẹ ojisẹ - awọn ojisẹ kan si awọn ijọ wọn, wọn si waa ba wọn pẹliu awọn awijare ati awọn ẹri ti o tọka si ododo wọn, wọn pe ohun ti awọn ojisẹ wọn mu wa fun wọn nirọ, a si gba ẹsan lara awọn ti o da ẹsẹ, bẹẹni a fi iya wa pa wọn run, a si la awọn ojisẹ ati awọn olugbagbọ ododo si wọn kuro nibi iparun naa, bẹẹni lila awọn olugbagbọ ododo ati riran wọn se jẹ ẹtọ ti a le se lọranyan le wa lori.

Allah ti mimọ nbẹ fun ni O ndari atẹgun, ti O si ngbe dide, Yoo ru atẹgun ẹsujo naa, Yoo si wa maa fi i, Yoo wa naa si sanmọ bi o se wu U ni kekere tabi pipọ, Yoo wa sọ di ipin kan, iwọ yoo wa ri - irẹ oluworan - ojo naa ma njade ni aarin ẹsujo, ti ojo naa ba kan ẹniti o wu u ninu awọn ẹru Rẹ, ojiji ni wọn yoo maa dunnu pẹlu ikẹ Allah fun wọn nipa sisọ ojo eyiti yiyọ irugin ilẹ yoo gbẹyin rẹ ninu awọn ti wọn fẹ fun ẹmin ara wọn ati fun awọn ẹranko wọn.

Paapaa wọn ti jẹ olujakan nibi sisọkalẹ rẹ le wọn lori siwaju ki Allah too sọ ojo naa kalẹ fun wọn.

Ki o woye - irẹ ojisẹ - si awọn oripa ojo naa ti Allah nsọ kalẹ ni ikẹ fun awọn ẹru Rẹ, bawo ni Allah se ma nta ilẹ ji pẹlu mimu irugbin jade ni oniranran awọn irugbin lẹyin ọda rẹ ati gbigbẹ rẹ, dajudaju ẹniti o nta ilẹ ọda naa ji, Oun ni O nji awọn oku di alaaye, Oun ni O si lagbara lori gbogbo nkan ti nkankan ko le ko agara ba A.