الأنفال

Ki ẹ lọ ma - ẹyin olugbagbọ ododo - wipe dajudaju ohun ti ẹ gba lọdọ awọn keferi ni tipa nibi ijagun si oju ọna ti Ọlọhun Ọba, ẹyin yoo pin si ọna marun, ipin mẹrin nibẹ yoo maa bẹ fun awọn oluse igbiyanju, bẹẹ ni ipin ẹlẹkarun ti o sẹku, ẹ o pin si marun: ipin kan fun Ọlọhun Ọba Allah ati ojisẹ Rẹ, ti wọn yoo na si awọn naaye ti wọn yoo se olugbagbọ ododo ni anfaani lapapọ, ipin kan yoo jẹ ti awọn alasunmọ Anọbi gẹgẹ bi idile awọn ọmọ Hashim ati awọn ọmọ Mutọlib, ipin kan fun awọn ọmọ orukan ati ipikan fun awọn ọmọ alaini ati awọn atẹwọgbọrẹ, ipin kan fun awọn onirin ajo ti nkan wọn ti tan, ti ẹ ba nigbagbọ ninu Ọlọhun Ọba Allah, ati nkan ti a sọkọlẹ fun anọbi Muhammad ni ọjọ badiri, ti Ọlọhun Ọba fi se onpinwa laarin ododo ati ibajẹ nigbati Ọlọhun Ọba ran yin se lori awọn ọta yin, Ọlọhun Ọba ti O si ran yin se jẹ alagbara lori gbogbo nkan.

Ẹ ranti nigbati ẹ wa ni ẹgbẹ kan ninu koto ti o sun mọ ilu Mẹdinah, ti awọn ẹlẹbọ naa si wa ni ẹgbẹkan ninu rẹ naa nibi ti o sunmọ Mẹkka, ti awọn eniyan kan si wa ni aaye isalẹ si yin nibi ti o sunmọ ẹgbẹ odo pupa, ti ẹ ba fi ọwọ sowọpọ ẹyin ati awọn ẹlẹbọ lori wipe ki ẹ pade ara yin ni ogun badiri, apakan yin ko ba yapa apakan, sugbọn Ọlọhun Ọba ti mimọ nbẹ fun ko yin jo ni ogun badiri laijẹ wipe ẹ ni adehun rẹ tẹlẹ; lati pe ọrọ ti o ti pari ohun naa si ni riran awọn olugbagbọ ododo se, ati didojuti awọn keferi, ati mimu eye ba ẹsin Rẹ ati yiyẹrẹ ebọ sise; ki ẹniti yoo ku ninu wọn le ku lẹyin igbati awijare ti wa le wọn lori, pelu riran awọn olugbagbọ ododo se pẹlu kikere onka wọn ati esenpa wọn, ki ẹniti yoo sẹmi koo maa sẹmi ni oun ti o fi oju han, ko si le jẹ awijare ni oun ti Ọlọhun Ọba se afihan rẹ fun wọn, ti ko ni sẹku ẹnikankan ti yoo ni awijare le Ọlọhun Ọba lori, Ọlọhun Ọba Allah jẹ olugbọ ọrọ gbogbo ẹnikẹni, O simọ si gbogbo isẹ wọn, nkankan ko pamọ fun Un ninu rẹ, Yoo si san wọn lẹsan le lori.

Sọ wipe - ire ojise - ninu idẹkun Ọlọhun Ọba le ọ lori ati fun awọn olugbagbọ ododo nipe, O mu ọ ri awọn ẹlẹbọ lojuran nipa kikere onka wọn, o mu awọn olugbagbọ ododo ri i, wọn si ndunnu lori daadaa naa, ipinnu wọn lagbara lati pade ọta wọn ati pipa a, ti Ọlọhun Ọba rẹ ti mimọ nbẹ fun ba mu ọ ri awọn ẹlẹbọ lojuran nipa pipọ wọn ni, ipinnu awọn eniyan rẹ ki ba lẹ, wọn ki ba maa bẹru ogun jija, sugbọn O la yin nibẹ, o si sọ wọn kuro nibi ijakulẹ, O si kere wọn loju ojisẹ Rẹ ti ikẹ ati ọla nbẹ fun, nitori wipe Oun ni o nimọ nipa ohun ti o le wa ninu ọkan ati ohun ti o le pamọ sinu ẹmin.

Ki ẹ tun ranti - ẹyin olugbagbọ ododo - nigbati Ọlọhun Ọba Allah mu yin ri awọn ọsẹbọ nigbati ẹ pade wọn ni onka kekere, O wa se yin lakin lati le da oju kọ wọn lati le ba wọn ja, sugbọn o kere yin ni oju ti wọn, wọn wa ngba waju lati ba yin ja, wọn ko tilẹ ronu lati sẹri pada, nitori ki ỌLọhun Ọba le mu erongba Rẹ sẹ ti o kọ silẹ pẹlu gbigba ẹsan lara awọn ọsẹbọ nipa pipa ati mimu ni ẹru, ati sise aranse lori awọn olugbagbọ ododo pẹlu bibori awọn ọta, ọdọ Ọlọhun Ọba Allah nikan ni ngbogbo alamọri ọrọ yin yoo sẹri si, yoo si san alasise lẹsan lori asise rẹ, ati oluse daadaa lori daadaa rẹ.

Ẹyin ti ẹ jẹ olugbagbọ ododo ninu Ọlọhun Ọba Allah ti wọn si ntẹle ojisẹ Rẹ, pe igbakiigba ti ẹ ba da oju kọ ijọ awọn keferi, ki ẹ duro sinsin nigbati ẹ ba pade wọn, ki ẹ si ma se ojo, ki ẹ ranti Ọlọhun Ọba Allah lọpọ, ki ẹ si maa pe E, Oun ni O lagbara lati ran yin se le wọn lori, ki O le fun yin ri nkan ti ẹ nfẹ, ki O si le ba sọ yin kuro nibi ohun ti ẹ sọra fun.