الحديد

Oun ni O da gbogbo sanmọ ati ilẹ ni ọjọ mẹfa ti o si mẹrẹ ni ọjọ aiku, o si pari ni ọjọ ẹti, Oun ni O lagbara lati se ẹda rẹ ni ohun ti o dinku si eleyi ni isẹju akan, lẹyin O ga, ti O si gun wa ti mimọ nbẹ fun ni ori itẹ naa ni giga ti o tọsi mimọ Rẹ, O mọ ohun ti o nwọ inu ilẹ ni ojo tabi irugbin tabi ohun ti o yatọ si wọn ati ohun ti o njade nibẹ gẹgẹ bi awọn irugbin ati awọn alumọni ati ohun ti o yatọ si wọn ati ohun ti o sọkalẹ ni sanmọ gẹgẹ bi ojo ati imisi ati ohun ti o yatọ si wọn ati ohun ti o goke sibẹ gẹgẹ bi awọn Malaika ati si awọn ẹru ati awọn ẹmin, O si wa pẹlu yin nibikibi ti ẹ ba wa -ẹyin eniyan- pẹlu imọ Rẹ, nkankan ko pamọ fun Un ninu yin, allah si jẹ oluri ohun ti ẹ nse nisẹ, nkankan ko pamọ fun Un ninu isẹ yin, yoo si san yin lẹsan le lori.

TiRẹ nikan ni ikapani gbogbo sanmọ ati ikapani ilẹ, ọdọ Rẹ nikan si ni gbogbo alamọri yoo sẹri si, yoo se isiro gbogbo ẹda ni ọjọ igbende, yoo si san wọn lẹsan lori awọn isẹ wọn.

O nfi oru bọ inu ọsan, okunkun yoo si wa, awọn eniyan yoo si sun, O si nfi ọsan bọ inu oru, imọlẹ yoo si wa, awọn eniyan yoo maa lọ sibi awọn isẹ wọn, O si jẹ onimimọ nipa ohun ti nbẹ ni igbaaya awọn ẹru Rẹ, nkankan ko pamọ fun Un nibẹ.

Ẹ nigbagbọ si Allah, ki ẹ si nigbagbọ si ojisẹ Rẹ, ki ẹ si maa na ninu dukia eyiti Allah fi yin se arole le lori, ti ẹ nse bi o se wu yin ni nibẹ ni ibamun si ofin ti wọn se fun yin, awọn ti o nigbagbọ ninu Allah ninu yin, ti wọn si na awọn dukia wọn si oju ọna Allah, ẹsan ti o tobi nbẹ fun wọn lọdọ Rẹ, ohun si ọgba idẹra naa.

Kinni yoo kọ fun yin lati ma nigbagbọ si Allah mọ?! Ti ojisẹ naa si npe yin lọ si ọdọ Allah ni irankan ki ẹ le nigbagbọ si Ọlọhun yin ti mimọ nbẹ fun, paapaa Allah si ti gba adehun lọdọ yin wipe ki ẹ nigbagbọ si I nigbati o mu yin jade kuro ni ibara idi awọn baba yin, ti ẹ ba jẹ olugbagbọ ododo.

Oun ni ẹniti o nsọ awọn amin ti o fi oju han kalẹ fun Muhammad ẹniti ikẹ ati ọla nbẹ fun; ki o le mu yin jade kuro ninu awọn okunkun keferi ati aimọkan lọ si inu imọlẹ igbagbọ ati imọ, bẹẹ ni dajudaju Allah jẹ alaanu ati onikẹ si yin nigbati o ran anọbi Rẹ si yin ni olutọnisọna ati olufuni niro idunnu.

Kinni ohun ti o nkọ fun yin lati ma na si oju ọna Allah?! Bẹẹ ni Allah ni yoo jogun gbogbo sanmọ ati ilẹ, ko le se dọgba ninu yin - ẹyin olugbagbọ ododo - ẹniti o nna dukia rẹ si oju ọna Allah lati wa iyọnu Rẹ siwaju sisi ilu Mẹkkah, ti o si ja awọn keferi logun nitori aranse ẹsin alaafia ati ẹniti o nna lẹyin isina, ti wọn si ja awọn keferi logun; awọn ti o nna siwaju isina, ti wọn si jẹ olujagun si oju ọna Allah jẹ ẹniti ipo rẹ tobi ni ọdọ Allah, ti o si ga ni agbega ju awọn ti o nna dukia wọn si oju ọna Rẹ lẹyin isipaya rẹ, ti wọn si ja awọn keferi logun; paapaa Allah si ti se adehun ọgba idẹra fun ikinni keji ipin naa, Allah si jẹ olufunniro ohun ti ẹ nse nisẹ, nkankan ninu awọn isẹ yin ko pamọ fun Un, yoo si san yin lẹsan le lori.

Taani ẹniti yoo na dukia rẹ pẹlu ẹmin ti o dara nitori ti Allah, ti Allah yoo si fun ni ẹsan ohun ti o na ninu dukia rẹ ni adipele, ti ẹsan alapọnle si tun nbẹ fun ni ọjọ igbende, ohun si ni ọgba idẹra naa?!