الحج

Nigbati Ọlọhun Ọba Allah ti mimọ nbẹ fun ti salaye wipe Oun yoo maa daabobo awọn olugbagbọ ododo, ẹmin wọn si balẹ, O wa yọnda fun wọn lati pa awọn keferi, O si sọ wipe:

Allah yọnda fun awọn olugbagbọ ododo ti awọn ẹlẹbọ npa lati maa jagun; nitori abosi ti wọn ti se lati ọdọ awọn ọta wọn fun wọn ati wipe dajudaju Allah jẹ alagbara lati se aranse fun awọn olugbagbọ ododo lori ọta wọn laini ja sugbọn ọgbọn Rẹ wa nibi didan awọn olugbagbọ ododo wo lati ba awọn keferi ja.

Awọn ti awọn keferi mu jade ninu ile wọn niti abosi ti kii se ẹsẹ ni wọn sẹ bikosepe wọn kan sọ wipe: Ọlọhun wa ni Allah ko si ọlọhun miran fun wa ju Oun naa lọ, ti kii ba se oun ti Allah se ni ofin fun awọn Anọbi ati olugbagbọ ododo lati le maa ba awọn ọta wọn ja, wọn ko ba kọja ẹnu aala de awọn ilu ijọsin, wọn ko ba maa wo awọn orule awọn alagbegba ati awọn ile ijọsin nasaara ati aaye ijọsin awọn yahuudi ati mọsalaasi awọn olugbafa ti wọn pa le fun irun kiki, nibiti awọn olugbafa ti nse iranti Allah ni iranti ti o pọ, bẹẹ ni Allah yoo se aranse fun ẹniti o ba nran ẹsin Rẹ ati Anọbi Rẹ lọwọ, dajudaju Allah jẹ alagbara lori sise aranse fun ẹniti o nran ẹsin Rẹ lọwọ, abiyi ti ẹnikẹni ko le bori Rẹ nii se.

Awọn ti wọn se adehun aranse fun yii ni awọn ti o jasi wipe ti a ba gba wọn laaye lori ilẹ pẹlu sise arnse fun wọn lori ọta wọn, wọn yoo maa kirun ni ojupọnna pipe, wọn yoo si maa yọ saka ninu owo wọn, wọn yoo si maa pasẹ pẹlu ohun ti O pa wọn lasẹ ninu ofin ẹsin, wọn yoo si maa kọ nipa ohun ti wọn kọ fun wọn, bẹẹni ọdọ Allah nikan soso ni gbogbo alamọri ọrọ nibi ẹsan le lori ati ijiya.

Ti wọn ba pe ọ nirọ -ire ojise- awọn ijọ rẹ, ki o yaa se suuru, iwọ nikan kọ ni akọkọ ẹniti awọn ijọ rẹ yoo pe nirọ ninu awọn ojisẹ, paapa awọn ijọ Nuha ti pe Nuha nirọ siwaju ijọ tirẹ, bẹẹ ni Hadi ti pe Huudu nirọ, bẹẹ ni Samudawa ti pe sọlihu nirọ.

Bakanna ni ijọ Ibrahim ti pe Ibrahim nirọ, ijọ Luth naa si pe Luth nirọ.

Awọn ara madiyana naa pe Shuaybu nirọ, fir'aona ati awọn ijọ rẹ naa pe Musa nirọ, Mo si lọ iya lara fun awọn ijọ wọn niti idẹnilẹkẹ, lẹyin naa mo waa fi iya gba wọn mu, ki o yaa ronu si bi ikorira Mi si wọn se ri, paapa Mo pa wọn run nitori keferi wọn.

Bawo ni awọn ijọ eyiti A pa run se pọ to na - ti o jẹ alabosi lati ibi keferi rẹ - pẹlu iya ti o tan yan an yan, ile wọn di nkan idawo ti o pofo fun olugbebẹ, bawo ni awọn kanga ti o pa lofo fun olufamin lati pa wọn run se pọ to na, bawo si tun ni awọn orule ti o ga, ti a se lọsọ eyiti idaabobo ko le bẹ fun olugbebẹ ninu iya se pọ to na.

Se awọn opurọ yii si ohun ti ojisẹ naa ti ikẹ ati ọla nbẹ fun mu wa ko rin ni ori ilẹ ni; ki wọn le fi oju ri awọn oripa awọn abule ti a ba run, ki wọn si ronu pẹlu laakaye wọn lati ri ariwoye, ki wọn si gbọ itan wọn ni gbigbọ gbigba, ki wọn le gba isiti, afọju kii se ẹniti o fọ ni oju, sugbọn afọju ẹni iparun olupanirun oun ni afọju airiran nitoripe ko nii si ariwoye lati igba isiti fun ẹniti o ba ri bẹẹ.