الأنعام

Dajudaju awọn ti yoo jẹ ipe rẹ, ti yoo gba nkan ti o mu ni awọn ti wọn ba ngbọ ọrọ naa, ti wọn si ngbọ ye, awọn keferi oku ni wọn, wọn ko ni isesi kankan, paapaa julọ ọkan wọn ti ku, bẹẹ ni Ọlọhun Ọba Allah yoo gbe awọn oku dide, ọdọ Rẹ nikan wọn yoo si sẹri si ki O le san wọn lẹsan lori ohun ti wọn ti siwaju.

Awọn ọsẹbọ sọ wipe: ni ẹniti nse atẹtẹrẹ pẹlu igbagbọ, se amin kan ko le wa fun Muhammad ni, ti ẹnikan ko tii ri iru rẹ ri, ti yoo jẹ amin lati ọdọ Ọlọhun Ọba rẹ lori jijẹ ootọ nkan ti o mu wa? Sọpe: - ire ojise - dajudaju Ọlọhun Ọba Allahn ni agbara lati sọ amin kalẹ ni ibamun si bi wọn se nfẹ, sugbọn ọpọ awọn ọsẹbọ yii ti wọn nwa sisọkalẹ amin, wọn ko mọ wipe sisọkalẹ amin wa ni ibamun si ọgbọn Ọlọhun ti ọla Rẹ ga, kii se ni ibamun si bi awọn se nfẹ, ti O ba sọọ kalẹ, ti wọn ko ni igbagbọ sii, yoo pa wọn run.

Ko si ẹranko ti nsẹmin ni ori ilẹ tabi ẹyẹ ti nfo ni oke sanmọ bikose wipe iran bi tiyin naa ni - irẹ ọmọ Anọbi Aadamọ - nibi dida ati arisiki, a ko fi nkankan silẹ ninu Laohul maafuus ayaafi ki a fi rinlẹ, bẹẹ ni imọ gbogbo nkan wa ni ọdọ Allah, lẹyin igba naa ọdọ Rẹ nikan ni wọn yoo ko jọ si ni ọjọ igbende lati le se idajọ, yoo si san gbogbo ẹnikọọkan lẹsan ohun ti o tọ sii.

Awọn ti wọn ba pe amin wa nirọ da gẹgẹ bi aditi ti ko le gbọ nkankan, tabi ọyaya ti ko le sọrọ, pẹlu bẹẹ wọn wa ninu okunkun ti wọn ko le riran, bawo ni ẹniti o wa ninu isesi yii se fẹẹ mọ ọna? ! ẹniti o ba wu Ọlọhun Ọba Allah ni ọ ma nsi lọna ninu awọn eniyan, ẹniti o ba si wu U, ni O ma ntọ sọna, yoo fi si ji oju ọna ti o tọ, ti ko si iwọgun nibẹ.

Sọ - ire ojise - fun awọn ọlọsẹbọ: ẹ fun mi niro nigbakiigba ti iya Ọlọhun Ọba Allah, tabi igbende ti wọn se adehun fun yin ba ti de; njẹ ẹ yoo wa ni asiko naa ẹniti o yatọ si Ọlọhun Ọba Allah, ki o le mu aluba ati ilekoko ti o ba sọkalẹ fun yin kuro, ti o ba jẹ wipe olootọ ni ẹ jẹ nibi wipe ẹniti ẹ njọsin fun le mu anfaani wa tabi inira kuro fun yin? !

Ododo ni wipe ẹ ko le pe ẹlomiran yatọ si Ọlọhun Ọba Allah ti o da yin, ki o le mu aluba tabi aburu kuro fun yin, Oun nikan ni O to fun un, ti o si lagbara le lori, sugbọn awọn nkan ti nsin, ti ẹ mu mọ Ọlọhun Ọba Allah ni ẹ gbe ju silẹ yii; nitori wipe ẹ mọ wipe ko le se anfaani, bẹẹ ni ko le ko inira ba ni.

Paapaa a ti gbe dide si awọn ijọ ti o siwaju rẹ -ire ojise- awọn ojisẹ kan ti wọn si pe wọn ni irọ, wọn gunri kuro nibi ohun ti wọn mu wa, a fi iya ti o le koko jẹ wọn, gẹgẹ bi osi ati ohun ti o le ko inira ba ara wọn gẹg bi aarẹ, ki wọn o le ba tẹriba fun Ọlọhun Ọba wọn, ki o si yẹpẹrẹ ara wọn fun Un.

Tiobaja si wipe nigbati aluba ba wọn, wọn yẹpẹrẹ ara wọn fun Ọlọhun Ọba Allah ni, tabi wọn tẹriba ki o le baa mu aluba kuro, a ko ba kẹ wọn, sugbọn wọn ko se bẹẹ, bikose wipe ọkan wọn pin, wọn ko woye, wọn ko gba itọsọna, esu se keferi ati ẹsẹ ni ọsọ fun wọn, wọn wa tẹsiwaju lori rẹ.

Nigbati wọn gbe itọsọna ju silẹ nitori ilekoko osi ati aarẹ, ti wọn ko si se awọn asẹ Ọlọhun Ọba Allah, a dẹ wọn lẹkẹ pẹlu sisi awọn ilẹkun arisiki fun wọn, a rọ wọn lọrọ kuro nibi osi, a fun wọn ni alaafia kuro nibi aarẹ, titi ti igberaga fi wa fun wọn, ti ijọniloju si jẹ igaba le wọn lori nitori idẹkun ti a se fun wọn, lẹyin eyi ni iya wa de ba wọn lojiji, wọn di ẹniti ndaamu, ti o si jakan kuro nibi erongba wọn.