النساء

Awọn ni wọn yoo maa se itọju awọn obinrin, wọn yoo si maa mojuto awọn alamori ọrọ wọn, nitori okunfa ọla ti Ọlọhun Ọba Allah gbe fun wọn lori wọn, ati nitori inawo le wọn lori eyiti o jẹ ọranyan fun wọn, ati mima duro ti wọn, awọn obinrin rere ni olutẹle asẹ Ọlọhun Ọba wọn, ati awọn olutẹle asẹ ọkọ wọn, wọn jẹ olusọ kọkọ nigbati wọn ko ba si nibẹ, lati ara kongẹ Ọlọhun Ọba Allah fun wọn, awọn ti ẹ ba npaya sise orikunkun wọn si asẹ ọkọ wọn, nibi ọrọ tabi ise, ẹyin ọkọ ki ẹ ya bẹrẹ sii se iranti fun wọn, ati fifi Ọlọhun Ọba Allah dẹru ba wọn, ti wọn ko ba se atunse, ẹ yan ibusun wọn lodi pẹlu ki ẹ fi ẹyin wọn lelẹ, ki ẹ si ma ba wọn se asepọ lọkọlaya, ti wọn ko ba se atunse, ki ẹ fi iya ti ko nii ni ipalara jẹ wọn, ti wọn ba pada si ibi titẹle asẹ, ẹ ma kọja ẹnu aala pẹlu sise abosi si wọn, tabi eebu, dajudaju Ọlọhun Ọba Allah jẹ ẹni giga lori gbogbo nkan, ẹni titobi nibi ipo, ati awọn iroyin Rẹ, ki ẹ ya bẹru Rẹ.

Ti ẹ ba npaya - ẹyin eniyan ọkọ ati iyawo - ki iyapa aarin awọn mejeeji ma de ibi ọta ati ikọyin si ara ẹni, ki ẹ ya gbe ọkunrin onideede dide ninu awọn ara ile ọkọ, bakannaa ni ọkunrin onideede ninu ara ile iyawo, ki awọn mejeeji le se idajọ lori ohun ti yoo jẹ atunse laarin wọn kuro nibi onpinya, tabi ki o jẹ kongẹ laarin wọn. Kongẹ ni o dara, ti o si ohun ti a fẹ, ti awọn oludajọ mejeeji ba fẹ bẹẹ, ti wọn si tọ awọn ojupọnna ti o dara, Ọlọhun Ọba Allah yoo fi ọkọ ati iyawo se kongẹ, iyapa yoo si kuro laarin wọn, dajudaju nkankan ko pamọ fun Ọlọhun Ọba Allah ni ọdọ awọn ẹru Rẹ, O si jẹ Ẹniti O mọ amọtan nipa ohun ti wọn fi sinu pamọ ọkan wọn.

Ẹma jọsin fun Ọlọhun Ọba Allah nikan pẹlu sisetan fun, ẹma se sin ẹlomiran pẹlu rẹ, ki ẹ si ma se daada si obi mejeeji pẹlu sise apọnle awọn mejeeji ati sise rere si awọn mejeeji, ki ẹ si ma se daada si awọn alasunmọ ati awọn ọmọ-orukan ati awọn ti o ni bukaata, ki ẹ si ma se daada si aladugbo ti o ni ibatan ati aladugbo ti ko ni ibatan, ki ẹ si ma se daada si ẹniti o jẹ alabarin fun yin, ki ẹ si ma se daada si onirin ajo ti o jẹ ajoji eyiti ọna ge mọ, ki ẹ si ma se daada si awọn ti ẹ ni ikapa le lori, dajudaju Ọlọhun Ọba Allah ko nifeẹ si ẹniti o jọraarẹ loju, ti o ni igberaga si awọn ẹrusin rẹ, ti o si ma nyin araarẹ nipa sise faari si awọn eniyan.

Bakanna Ọlọhun Ọba Allah ko nifẹ si awọn ti wọn nkọ inawo ti Ọlọhun Ọba Allah se ni ọranyan le wọn lori ninu ohun ti Ọlọhun Ọba Allah se fun wọn ni arisiki, ti wọn si nfi ọrọ ati ise wọn pa asẹ fun ẹlomiran pe ki o na, wọn si nfi ohun ti Ọlọhun Ọba Allah se fun wọn ninu ọla, arisiki ati nkan miran pamọ, wọn kii se alae ododo fun awọn eniyan, bikose wipe wọn nfi pamọ, wọn si tun nse afihan ibajẹ, iwa yii jẹ ninu iwa keferi, bẹ si ni paapaa a ti tọju iya idojuti fun awọn keferi.