الطور

Tabi laakaye wọn ni o npa wọn lasẹ pẹlu gbolohun wọn: dajudaju o jẹ alagbegba ati were?! Wọn wa ko nkan ti ko see ko papọ si ara eniyan, bikosepe wọn jẹ ijọ ti o kọja ẹnu aala, wọn ko le sẹri lọsi ibi ofin tabi laakaye.

Tabi wọn nsọ wipe: dajudaju Muhammad hun Alukuraani yii ni, wọn ko ransẹ imisi rẹ si?! Ko hun bikosepe awọn oluisegberaga kuro nibi igbagbọ si I, wọn yoo wa maa sọpe: o hun ni.

ki wọn ya mu ọrọ miran wa ti o jọ ọ, ki baa jẹ nkan hihun, ti wọn ba jẹ sootọ sootọ nibi ohun ti wọn npe apemọra rẹ wipe o hun ni.

Tabi wọn da wọn lati ibi aisi asẹda ti o da wọn ni?! Tabi awọn ni asẹda ara wọn?! Ko rọrun ki a ri ẹniti a da laisi asẹda, ko si si ẹniti a da ti o da ẹda, kilode ti wọn ko sin ẹniti o sẹda wọn?!

Tabi wọn da gbogbo sanmọ ati ilẹ ni?! Bikosepe wọn ko mọ amọdaju wipe dajudaju Allah ni asẹda wọn nitoripe ti wọn ba mọ amọdaju eleyi wọn ko ba mu U ni ọkan soso, wọn ko ba si gba ojisẹ Rẹ gbọ.

Tabi pẹpẹ ọrọ Ọlọhun Ọba rẹ ninu arisiki nbẹ lọdọ wọn, ti wọn wa fi nta ẹniti o wu wọn lọrẹ gẹgẹ bi ijẹ anọbi ti wọn fun, ti wọn si nkọ ọ fun ẹniti wọn ba gbero? Tabi awọn ni ẹniti ijẹgaba ti o le se bi o ti wu u ni ibamun si bi wọn ti fẹ?!

Tabi akaba nbẹ fun wọn le gun un lọ si sanmọ, ti wọn yoo maa tibẹ gbọ imisi Allah, ti yoo fi fi ransẹ si wọn wipe wọn wa lori ododo?! Ki wọn ya mu wa ẹniti o ba tẹti gbọ imisi pẹlu awijare ti o fi oju han eleyi ninu wọn ti yoo pe yin lootọ lori ohun ti ẹ npe apemọra rẹ wipe ori ododo ni ẹ wa.

Tabi Oun ti mimọ nbẹ fun ni o ni awọn ọmọbinrin eyiti ẹyin korira, ti yin si awọn ọmọkunrin ti ẹ nifẹ si wọn?!

Tabi oun wa ni ọdọ wọn - irẹ ojisẹ - ẹsan lori ohun ti o fi nde etigbọ wọn lati ọdọ Ọlọhun rẹ?! Nitori eleyi wọn jẹ ẹniti a la ẹru ti o wuwo bọ lọrun, ti wọn ko lagbara lori gbigbe rẹ.

Tabi imọ kọkọ nbẹ lọdọ wọn, ti wọn wa nkọ ohun ti wọn bojuwo ninu kọkọ fun awọn eniyan, ti wọn wa nfun wọn niro ohun ti wọn ba fẹ ninu rẹ?!

Tabi awọn eniyan opurọ yii ngbero ete si ọ ati ẹsẹ rẹ ni?! Ki o ya gbarale Allah, awọn ti wọn se aimoore si Allah ati si ojisẹ Rẹ ni ẹniti ete yoo jẹ tirẹ, kii se iwọ.

Tabi ẹni ijọsin fun ti ododo yatọ si Allah nbẹ fun wọn ni?! Allah mọ, O si mọ kanga nipa ohun ti wọn nse afiti rẹ si ọdọ Rẹ ni akẹgbẹ, gbogbo ohun ti o re kọja ko ri bẹẹ, ko si ni isesi ti o fi le ri bẹẹ.

Ti wọn ba ri egige kan ti o jabọ lati sanmọ, wọn yoo sọ nipa rẹ wipe: eleyi ni ẹsujo ti apakan rẹ gbe apakan rẹ pọn gẹgẹ bi adamọ, wọn ko gba isiti bẹẹni wọn ko ni igbagbọ.

Gbe wọn ju silẹ - irẹ ojisẹ - nibi orikunkun wọn ati iyan wọn ti wọn yoo fi pade ọjọ wọn ti wọn yoo fi iya jẹ wọn nibẹ, ohun si ni ọjọ igbende.

Ọjọ ti ete wọn ko nii rọ wọn lọrọ kankan, o kere ni tabi o pọ, wọn ko si nii ri aranse nibi lila wọn kuro nibi iya naa.

Dajudaju iya kan siwaju iya ti ọrun nbẹ fun awọn ti wọn abosi ẹmin ara wọn pẹlu ẹbọ sise ati awọn ẹsẹ; ni ile aye pẹlu pipa ati imu lẹru, bẹẹni iya inu saare nbẹ fun ni agedfe meji, sugbọn ọpọ wọn ko mọ eleyi, tori bẹẹ ni wọn fi duro lori keferi wọn.

Nigbati Allah salaye ijẹ ibajẹ ohun ti awọn ẹlẹbọ wa lori rẹ, O pa ojisẹ Rẹ lasẹ ki o ma ko akolekan wọn, ki o si se suuru lori irọ ti wọn npa mọ, O wa sọpe:

Se suuru - irẹ ojisẹ - fun akọsilẹ Ọlọhun rẹ ati idajọ Rẹ ti o jẹ ofin dajudaju o wa ni ipo ẹniti a nwo, ti a si nsọ, ki o si se afọmọ pẹlu ki o dupẹ fun Ọlọhun Ọba rẹ nigbati o ba dide ni oju oorun rẹ.

Ti o ba si di ni oru ki o se afọmọ fun Ọlọhun Ọba rẹ, ki o si kirun fun Un, ki o si ki irun idaji nigbati irawọ ba pẹyin da pẹlu wiwọ rẹ niti mimu imọlẹ salọ.