اللغة
۞وَإِن كُنتُمۡ عَلَىٰ سَفَرٖ وَلَمۡ تَجِدُواْ كَاتِبٗا فَرِهَٰنٞ مَّقۡبُوضَةٞۖ فَإِنۡ أَمِنَ بَعۡضُكُم بَعۡضٗا فَلۡيُؤَدِّ ٱلَّذِي ٱؤۡتُمِنَ أَمَٰنَتَهُۥ وَلۡيَتَّقِ ٱللَّهَ رَبَّهُۥۗ وَلَا تَكۡتُمُواْ ٱلشَّهَٰدَةَۚ وَمَن يَكۡتُمۡهَا فَإِنَّهُۥٓ ءَاثِمٞ قَلۡبُهُۥۗ وَٱللَّهُ بِمَا تَعۡمَلُونَ عَلِيمٞ 283
Ati wipe ti ẹ ba jẹ ẹniti o jẹ onirin-ajo, ti ẹ ko wa ri olukọ, ti yoo kọ akọsilẹ gbese fun yin, yoo to ki ẹniti ẹtọ nbẹ ni ọrun rẹ fi nkankan dogo, ti ẹniti o ni ẹtọ yoo gba, ti yoo jẹ ifọkanbalẹ fun ẹtọ rẹ, titi ẹniti o ni gbese ni ọrun yoo fi san ohun ti nbẹ lori rẹ ninu gbese, ti o ba jẹ wipe apakan yin fi ọkan balẹ si apakan, ko jẹ dandan lati kọọ, tabi mu ẹri wa, tabi idogo, gbese yoo wa jẹ ifọkantan nigba naa ni ọrun ẹniti o ya owo, ti o jẹ dandan fun un lati pee fun ẹniti o ya ni owo, ati wipe o jẹ dandan fun un wipe ki o paya Ọlọhun Ọba Allah nibi ifọkantan yii, ti ko si gbọdọ kọ nkankan nibẹ, ti o ba waa kọ, o jẹ dandan fun ẹniti ibara ẹni se naa ba se oju rẹ lati mu ẹri wa, ko si ni ẹtọ fun un lati pamọ, ati wipe ẹniti o ba pamọ, dajudaju ọkan rẹ, ọkan poki ni, ati wipe Ọlọhun Ọba Allah ni Ẹniti O mọ gbogbo ohun ti ẹ nse, ti nkankan ko si le pamọ fun Un, ati wipe yoo si pada san yin lẹsan lori awọn isẹ yin.
لِّلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِۗ وَإِن تُبۡدُواْ مَا فِيٓ أَنفُسِكُمۡ أَوۡ تُخۡفُوهُ يُحَاسِبۡكُم بِهِ ٱللَّهُۖ فَيَغۡفِرُ لِمَن يَشَآءُ وَيُعَذِّبُ مَن يَشَآءُۗ وَٱللَّهُ عَلَىٰ كُلِّ شَيۡءٖ قَدِيرٌ 284
Ti Ọlọhun Ọba Allah nikan nii se, ohun ti o wa ninu awọn sanmọ ati inu ilẹ, ni ẹda, ati nini ikapa, ati didari, ati wipe ti ẹ ba fi ohun ti nbẹ ninu awọn ọkan yin han, tabi ẹ fi pamọ, Ọlọhun Ọba Allah mọ, ati wipe Yoo pada san yin lẹsan le lori, Yoo waa fi ori jin ẹniti O ba wu U lẹyin igba naa, ni ọla ati ikẹ, ati wipe Yoo si fi iya jẹ ẹniti o ba wu U niti deede ati ọgbọn, ati wipe Ọlọhun Ọba Allah ni Alagbara lori gbogbo nkan.
ءَامَنَ ٱلرَّسُولُ بِمَآ أُنزِلَ إِلَيۡهِ مِن رَّبِّهِۦ وَٱلۡمُؤۡمِنُونَۚ كُلٌّ ءَامَنَ بِٱللَّهِ وَمَلَٰٓئِكَتِهِۦ وَكُتُبِهِۦ وَرُسُلِهِۦ لَا نُفَرِّقُ بَيۡنَ أَحَدٖ مِّن رُّسُلِهِۦۚ وَقَالُواْ سَمِعۡنَا وَأَطَعۡنَاۖ غُفۡرَانَكَ رَبَّنَا وَإِلَيۡكَ ٱلۡمَصِيرُ 285
Ojisẹ Muhammad (ki Ọlọhun se ikẹ ati igẹ fun un) gba gbogbo ohun ti wọn sọkalẹ fun un gbọ lati ọdọ Ọlọhun Ọba Rẹ, awọn olugbagbọ ododo ni igbagbọ bakanna, gbogbo wọn patapata ni wọn ni igbagbọ si Ọlọhun Ọba Allah, wọn si tun ni igbagbọ pẹlu gbogbo awọn Malaika Rẹ, ati gbogbo awọn tira Rẹ eyiti O sọkalẹ fun awọn Anọbi, ati gbogbo awọn ojisẹ Rẹ, awọn ti wọn ran nisẹ, wọn ni igbagbọ pẹlu wọn ni ẹniti o nsọ wipe: a gbọ ohun ti O pawa lasẹ pẹlu rẹ, ati eyiti O kọ fun wa nibẹ, ati wipe a ntẹle Ọ pẹlu sise oun ti o pawa lasẹ rẹ, ati gbigbe ohun ti O kọ fun wa nibẹ ju silẹ, ati wipe a nbeere lọwọ rẹ pe ki o fi ori jin wa irẹ Ọlọhun Ọba wa, tori wipe dajudaju ibupadasi wa, ọdọ Rẹ nikan ni, nibi gbogbo alamọri wa.
لَا يُكَلِّفُ ٱللَّهُ نَفۡسًا إِلَّا وُسۡعَهَاۚ لَهَا مَا كَسَبَتۡ وَعَلَيۡهَا مَا ٱكۡتَسَبَتۡۗ رَبَّنَا لَا تُؤَاخِذۡنَآ إِن نَّسِينَآ أَوۡ أَخۡطَأۡنَاۚ رَبَّنَا وَلَا تَحۡمِلۡ عَلَيۡنَآ إِصۡرٗا كَمَا حَمَلۡتَهُۥ عَلَى ٱلَّذِينَ مِن قَبۡلِنَاۚ رَبَّنَا وَلَا تُحَمِّلۡنَا مَا لَا طَاقَةَ لَنَا بِهِۦۖ وَٱعۡفُ عَنَّا وَٱغۡفِرۡ لَنَا وَٱرۡحَمۡنَآۚ أَنتَ مَوۡلَىٰنَا فَٱنصُرۡنَا عَلَى ٱلۡقَوۡمِ ٱلۡكَٰفِرِينَ 286
Ọlọhun Ọba Allah ko la bọ ẹmin kankan lọrun ayaafi ohun ti o lagbara ninu awọn isẹ; toripe dajudaju ẹsin Ọlọhun Ọba Allah jẹ ohun ti wọn mọ pa lori irọrun, ti ko si inira nibẹ, ẹniti o ba se daadaa, yoo maa bẹ fun ẹsan ohun ti o ba se, ti wọn ko si ni din nkankan ku nibẹ, ati wipe ẹniti o ba se aburu, yoo maa bẹ le lori ẹsan ohun ti o se ninu ẹsẹ, ti ẹlomiran ko nii ba gbe. Ati wipe ojisẹ ati awọn olugbagbọ ododo wa sọ wipe: irẹ Ọlọhun Ọba wa, ma jẹwa niya nigbati a ba gbagbe tabi a se asise nibi isẹ tabi gbolohun laigbero lati ọdọ wa, irẹ Ọlọhun Ọba wa, ma se la bọ wa lọrun, ohun ti yoo nira fun wa, ti a ko si nii kapa rẹ, gẹgẹ bi O se laa bọ awọn ti o siwaju wa lọrun, ninu awọn ti O jẹ niya lori abosi wọn, gẹgẹ bi awọn Yahuudi, ati wipe ma gbe le wa lori ohun ti yoo nira fun wa, ti a ko si nii kapa rẹ ninu awọn asẹ ati awọn ẹkọ, ki O si se amoju kuro nibi awọn ẹsẹ wa, ki O si se aforijin fun wa, Ki O si kẹ wa pẹlu ọla Rẹ, Iwọ ni Alakoso wa ati Alaranse wa, waa ran wa se lori awọn ijọ alaigbagbọ.
Nini ẹtọ gbigba idogo lati jẹ ki awọn ẹtọ ni ifọkanbalẹ ni igbati aini agbara ba wa lori kikọ ẹtọ silẹ ayaafi ni igbati awọn ti wọn nba ara wọn se, ti apakan wọn fi ọkan tan apakan.
Sise pipa ijẹri mọ ni eewọ, ati ẹsẹ ẹniti o ba npaamọ, ti ko mu wa.
Pipe imọ Ọlọhun Ọba Allah (ti ọla Rẹ ga) , ati riri awọn ẹda Rẹ ati agbara Rẹ ti o pe perepere lori sise isiro wọn, lori ohun ti wọn ba se ninu awọn isẹ.
Isafirinlẹ awọn origun igbagbọ ati sise alaye awọn ipilẹ rẹ.
Ẹsin yii duro lori irọrun ati gbigbe inira kuro ati ilekoko fun awọn olujọsin, Ọlọhun Ọba Allah ko waa ni la nkankan bọ wọn lọrun ayaafi ohun ti wọn yoo ni agbara rẹ, ati wipe ko si nii se isiro wọn lori ohun ti wọn ko ba ni agbara.