القمر

O si fun niro wipe dajudaju omin kanga wọn jẹ ohun ti wọn yoo maa pin laarin wọn ati rakunmi; ọjọ fun un ati ọjọ kan fun wọn, gbogbo ipin kọọkanni ẹniti ti o ni yoo pesẹ nibẹ ni oun nikan ni ọjọ rẹ ti wọn sa lẹsa fun un.

Wọn si pe awọn ẹni wọn lati pa rakunmi naa, o si mu ida naa, o si pa a; niti itẹle asẹ awọn ijọ rẹ.

Ki ẹ ronu - ẹyin ara Mẹkkah - gẹgẹ bi iya mi se jẹ fun wọn?! Ati gẹgẹ bi ikilọ mi se jẹ fun ẹlomiran nipa ifiya jẹ wọn?!

Dajudaju Awa gbe igbe kan soso le wọn lori, o si mu iparun ba wọn, wọn wa da gẹgẹ bi igi ti o ti gbẹ, ti oluse ọgba mu nibẹ lati se ọgba fun awọn ẹran rẹ.

Paapaa a si rọ Alukuraani fun iranti ati isiti, njẹ oluwoye pẹlu ohun ti nbẹ nibẹ nipa oye ati awọn isiti wa bi?!

Awọn ijọ Luuth pe ohun ti ojisẹ wọn Luuth ti ọla nbẹ fun fi se ikilọ fun wọn nirọ.

Awa gbe atẹgun ti o nju okuta mọ wọn dide si wọn ayaafi ara ile Luuth ti ọla nbẹ fun, iya ko kan wọn, paapaa a la wọn nibẹ; nigbati o mu wọn ri irin oru siwaju ki iya naa to sẹlẹ ni igbẹyin oru.

A la wọn kuro nibi iya naa niti sise idẹkun lati ọdọ Wa le wọn lori, iru ẹsan yii ti a fi sẹsan fun Luuth, ni a o fi sẹsan fun gbogbo ẹniti o ba ndupẹ fun Allah lori awọn idẹkun Rẹ.

Paapaa Luuth ti fi iya Wa dẹru ba wọn, wọn si ja ikilọ rẹ niyan, wọn si pe e nirọ.

Paapaa awọn ijọ rẹ se Luuth loju kokoro ki o bọpa bọsẹ kuro ni aarin wọn ati awọn alejo rẹ ninu awọn Malaaika ni erongba sise ibajẹ, a so fọ oju wọn, wọn ko ri wọn, a si wa sọ fun wọn: ẹ maa jẹ iya mi niti abajade ikilọ mi fun yin.

Paapaa iya ti o ntẹ siwaju pẹlu wọn ti waa ba wọn ni asiko aarọ titi wọn yoo fi wa ni ọjọ ikẹyin, iya Rẹ naa yoo si wa ba wọn.

Wọn si sọ fun wọn pe: ẹ maa tọ iya mi wo eyiti mo sọkalẹ fun yin ati abajade ikilọ Luuth fun yin.

Paapaa a si rọ Alukuraani fun iranti ati isiti, njẹ oluwoye pẹlu ohun ti nbẹ nibẹ ninu awọn iwoye ati awọn isiti wa bi?!

Paapaa ikilọ wa ti waa ba ara ile fir'aona lori ahọn Musa ati haruna ti ọla nbẹ fun wọn.

Wọn pe awọn awijare ati awọn ẹri ti o wa ba wọn lọdọ wa nirọ a si fi iya jẹ wọn lori irọ wọn ni ijiya ti o le ti ẹnikankan ko le bori rẹ, ti o ni agbara, ko le kagara nibi ohunkihun.

Se awọn keferi yin - ẹyin ara Mẹkkah - loore ju awọn keferi eyiti a darukọ yi lọ: ijọ Nuhu, Haadi, samuudu ati ijọ Luuth ati fir'aona ati awọn ijọ rẹ?! Tabi ibọra kuro nibi iya Allah nbẹ fun yin eyiti awọn tira sanmọ mu wa bi?!

Bikosepe se awọn keferi yii nsọ ninu awọn ara Mẹkkah: awa jẹ ijọ ti o nri aranse kuro nibi awọn ti o ngbero aburu ro wa, ti o si gbero ipinya akojọ wa?!

Ikojọ awọn keferi yoo tu ka, wọn yoo si pẹ yinda niwaju awọn olugbagbọ ododo, paapaa eleyi si ti sẹlẹ ni ọjọ badiri.

Bikosepe asiko ikẹyin eyiti wọn npe nirọ ni ọjọ adehun eyiti wọn yoo fi iya jẹ wọn nibẹ, asiko ikẹyin yii tobi, o si le ju ohun ti wọn pade niya aye ni ọjọ badiri lọ.

Dajudaju awọn ẹlẹsẹ nibi sise keferi ati sise awọn asise yoo wa ni ọna anu kuro nibi ododo ati iya ati inira.

Ọjọ ti wọn wọn yoo fi oju wọn wọ wọn ju si inu ina, wọn yoo si maa sọ fun wọn niti sise yẹyẹ: ẹ maa tọ iya ina wo.

Dajudaju gbogbo nkan ni a da ni ile aye yii pẹlu odiwọn ti o ti siwaju ni ọdọ Wa ati ni ibamun si imọ Wa ati fifẹ Wa ati ohun ti a ti kọ si inu ọpọn ti a ti daabobo.