ص

Eleyi ni iro awọn keferi, egbe Ọlọhun ko maa bẹ fun awọn keferi ti wọn nro ero yii ninu iya ina ni ọjọ igbende, ti wọn ba ku lori keferi ti wọn wa yii ati ero buburu pẹlu Allah.

A ko le sọ awọn ti o gba Allah gbọ, ti wọn si tẹle ojisẹ Rẹ, ti wọn si nse awọn isẹẹre da gẹgẹ bi awọn olubilẹjẹ nibi keferi sise ati awọn ẹsẹ, bẹẹni a ko le sọ awọn olupaya Ọlọhun Ọba wọn nibi mimu awọn asẹ Rẹ sẹ ati jijinna si awọn ohun ti O kọ da gẹgẹ bi awọn keferi ati awọn sọbẹ selu ti wọn ti tẹri sinu ẹsẹ, dajudaju ise dọgba laarin mejeeji jẹ abosi ti ko tọ si Allah ti mimọ nbẹ fun ti o ga julọ, bikosepe Allah yoo sẹsan fun awọn olugbagbọ ododo olupaya pẹlu wiwọ ọgba idẹra naa, yoo si fi iya jẹ awọn keferi oluriburuku pẹlu wiwọ ina; nitoripe dajudaju wọn dọgba ni ọdọ Allah, bẹẹni ẹsan wọn naa ko le dọgba ni ọdọ Rẹ.

Dajudaju Alukuraani yii jẹ iwe ti a sọkalẹ fun ọ, ti oore ati anfaani rẹ si pọ ki awọn eniyan le gbe awọn amin Rẹ yẹwo, ki wọn si ronu nipa awọn itumọ rẹ, bakanna ki awọn onilaakaye ti o jinna, ti o niye lori le gba isiti pẹlu rẹ.

A si tun ta Dawud ni ọrẹ ọmọ rẹ Sulayman niti ise idẹkun lati ọdọ Wa fun un ati ọla ki o le jẹ itutu oju rẹ, ẹru naa tii se Sulayman naa ma dara o, o jẹ ọlọpọ ironu piwada ati isẹri si ọdọ Allah ati ipada si ọdọ Rẹ.

Ranti nigbati wọn sẹri asiko awọn ẹsin ipilẹ ti o yara si ọdọ rẹ, ti o fi ẹsẹ mẹta duro, ti o si ngbe ikẹrin soke, bẹẹni wọn ko yẹ ni ẹniti wọn sẹri awọn ẹsin ipilẹ yii si i titi oorun fi wọ.

Sulayman wa sọpe: dajudaju mo gbọla fun ifẹ dukia –ninu rẹ si ni ẹsin yii- ju iranti Ọlọhun mi lọ titi oorun fi wọ, mo wa pẹ lati ki irun irọlẹ.

Ẹ sẹri ẹsin yii si mi, wọn si sẹri rẹ si i, o wa bẹrẹ si ni fi ida ge ojugun wọn ati awọn ọrun wọn.

Paapaa a ti dan Sulayman wo a si ju esu si ori aga ọla rẹ ti o se gẹgẹ bi eniyan, ti o si ngbe igbesẹ ninu ọla rẹ fun asiko diẹ, lẹyin naa ni ọla Sulayman pada si ọdọ rẹ, o si jẹ gaba lori awọn esu.

Sulayman sọpe: irẹ Ọlọhun mi, fi ori awọn ẹsẹ mi jin mi, ki o si fun mi ni ọla ti yoo jẹ temi nikan, ti ko nii jẹ fun ẹnikankn fun awọn eniyan lẹyin mi, dajudaju iwọ -irẹ Ọlọhun mi- jẹ Ọlọpọ ọrẹnta ọlọrọ ti o tobi.

A si jẹpe rẹ, a wa rọ atẹgun fun un, ti o ndari rẹ niti irọrun pẹlu asẹ rẹ ti ko si idaamun kankan nibẹ pẹlu agbara rẹ ati yiyara fifẹ rẹ ti o ngbelọ sibi ti o ba ti fẹ.

A si tun rọ awọn esu ti wọn ntẹle asẹ Rẹ, awọn mọlemọle wa ninu wọn, bẹẹni omuwẹ naa si wa ninu wọn, awọn ti wọn ma nwọnu awọn odo nla, ti wọn yoo wa mu awọn alumọni jade ninu rẹ.

O si wa ninu awọn esu naa ẹniti ẹkọ si wa ninu awọn esu naa, ti wọn rọ wọn fun un, wọn si jẹ ẹniti a fi sẹkẹsẹkẹ de, ti wọn ko nikapa lati yira pada.

Irẹ Sulayman, eleyi ni ọrẹnta Wa eyiti a fun ọ niti ijẹpe ohun ti o beere lọdọ Wa, ki o ya fun ẹniti o ba wu ọ, ki o si kọ fun ẹniti o ba wu ọ, o ko se isiro nifi fifun ati kikọ.

Atipe dajudaju Sulayman jẹ ẹni isunmọ ni ọdọ Wa, o si tun ni ibusẹri si daadaa ti yoo sẹri si, ohun si ni ọgba idẹra.

Tun ranti - irẹ ojisẹ - ẹru wa Ayyuub nigbati o pe Allah tii se Ọlọhun Ọba rẹ: dajudaju esu fi ọwọ kan mi pẹlu alamọri ti o le mu irẹwẹsi ba ni, ti o si le fi ya jẹ ni.

Awa sọ fun pe: fi ẹsẹ rẹ gba ilẹ, o si fi ẹsẹ rẹ gba ilẹ, omin si sẹyọ nibẹ, o mu nibẹ, o si wẹ, inira ati suta ti o nbẹ fun si lọ.