البقرة

Ranti - iwọ Anọbi - nigbati Ibraheem (ki ọla maa jẹ tirẹ) sọ wipe: irẹ Ọlọhun Ọba mi, fi han mi pẹlu oju mi bawo ni O se ma nsọ oku di alaaye? ! Ọlọhun Ọba Allah sọ fun: se iwọ ko ni igbagbọ pẹlu alamọri yii ni? Ibraheem sọpe: bẹẹni paapaa mo gbagbọ l’ododo, sugbọn fun alekun ibalẹ ọkan mi, ni Ọlọhun Ọba Allah paa l’asẹ, O wa sọ fun wipe: mu mẹrin ninu awọn ẹyẹ, ki o wa ko wọn pọ si ọdọ rẹ, ki o si tun ge wọn, ki o si fi ẹbu kan ninu wọn si gbogbo ori apata kọọkan ninu awọn apata ti o wa ni irọkirika rẹ, lẹyin naa pe wọn, wọn yoo sare waa ba ọ ni ohun ti wọn yara, ti isẹmi si ti pada si ọdọ wọn ni paapaa. Lọọ mọ, iwọ Ibraheem pe dajudaju Ọlọhun Ọba Allah pataki ninu ọla Rẹ, Ọba Ọjọgbọn ni ninu asẹ Rẹ, ati ofin Rẹ, ati dida ẹda Rẹ.

Apejuwe ẹsan awọn olugbagbọ ododo, awọn ti wọn nna awọn owo wọn si oju ọna Ọlọhun Ọba Allah ga gẹgẹ bi horo kan, ti ọlọgbin fi si inu ilẹ kan ti o dara, ti o wa yọ siiri meje, o si nbẹ ninu gbogbo siiri kọọkan, ọgọrun koro, Ọlọhun Ọba Allah tun ma nse alekun ẹsan fun ẹniti O ba fẹ ninu awọn ẹrusin Rẹ, ti Yoo si fun wọn ni ẹsan wọn laini isiro, Ọlọhun Ọba Allah ni olugbaaye ọla ati fifun, Onimimọ ni pẹlu ẹniti o nlẹtọ si alekun ẹsan naa.

Awọn ti wọn nna awọn dukia wọn si ibi itẹle ti Ọlọhun Ọba Allah ati iyọnu Rẹ, lẹyin igba naa, wọn ko si ni fi tẹle nina wọn yii, ohun ti yoo maa ba ẹsan rẹ jẹ, ninu iregun lori eniyan pẹlu ọrọ tabi isesi, yoo maa bẹ fun wọn ẹsan wọn lati ọdọ Ọlọhun Ọba wọn, Ko nii si ipaya lori wọn, nibi nkan ti wọn dojukọ, wọn ko si banujẹ lori nkan ti o ti lọ nitori titobi idẹra wọn.

Gbolohun alapọnle ti yoo maa ti idunnu si ọkan olugbagbọ ododo ati amojukuro fun ẹniti o se aburu si ọ; ni ọla ju itọrẹ ti wọn fi suta tẹlee pẹlu iregun lori ẹniti wọn ta ọrẹ fun, ati wipe Ọlọhun Ọba Allah ni Olurọrọ kuro ni ọdọ awọn ẹru Rẹ, Alatẹmọra ni, ti kii kanju fi ija jẹ wọn.

Mo pe ẹyin olugbagbọ ododo ti ẹ ni igbagbọ si Ọlọhun Ọba Allah ati Ojisẹ Rẹ, ẹ mase ba ẹsan saara yin jẹ pẹlu iregun lori ẹniti ẹ se itọrẹ fun, ati fifi suta kan an, dajudaju apejuwe ẹniti ti wọn ba nse nkan naa, da gẹgẹ bi apejuwe ẹniti nna awọn dukia rẹ pẹlu erongba ki awọn eniyan le baa ri, ki wọn si le baa maa yin, ati wipe alaigbagbọ ni, ti ko ni igbagbọ pẹlu Ọlọhun Ọba Allah ati Ọjọ Igbende, ati awọn nkan ti o wa ninu rẹ nipa ẹsan ati ijiya, apejuwe eleyi, o da gẹgẹ bi apejuwe okuta pẹrẹsẹ ti yerupẹ bo lori, ti ojo ti o pọ wa sọkalẹ le lori, ti o wa wọ yerupẹ naa kuro lori okuta naa, ti o si fi silẹ ni pẹrẹsẹ, lẹyin ti ko si nkankan ni ori rẹ, gẹgẹ bi nkan naa ni awọn onisekarimi yoo ri, awọn ẹsan awọn isẹ wọn ati awọn inawo wọn yoo maa lọ, ti ko ni sẹku nkankan ninu rẹ lọdọ Ọlọhun Ọba Allah, ati wipe Ọlọhun Ọba Allah ko ni fi ọna mọ awọn alaigbagbọ ododo lọ si ibi nkan ti yoo maa yọ Ọ ninu (ti ọla Rẹ ga) , ti yoo si tun se anfaani fun wọn nibi awọn isẹ wọn, ati awọn inawo wọn.