مريم

Jẹ ninu nkan ti o tutu, ki o si mu ninu omin naa, ki o si dunnu pẹlu ọmọ rẹ ki o mase banujẹ, ti o ba ri ẹnikẹni ninu awọn eniyan ti o nbiọ leere nipa ọmọ naa, ki o sọ fun: mo se ni dandan fun ara mi idakẹ kuro nibi ọrọ, emi ko ni ba ẹnikẹni sọrọ ninu eniyan loni.

Maryam mu ọmọ rẹ wa si ọdọ awọn ijọ rẹ ti o gbe e dani, awọn ijọ rẹ sọ fun ni ẹniti o se eemọ: irẹ Maryam, paapaa o ti mu alamọri irọ ti o tobi wa nitoripe o mu ọmọ wa laisi baba.

Irẹ ti o jọ Haruna nibi ijọsin (o si jẹ arakunrin rere), baba rẹ kii se alagbere, bẹẹni iya rẹ naa kii se alagbere, o jẹ ẹniti o wa lati inu ile mimọ ti a mọ si rere, bawo ni o se waa fẹ mu ọmọ wa ti a mọ si rere?!

O tọka si ọmọ rẹ Isa ẹniti ọla nbẹ fun ti o si wa ni ori itẹ, awọn ijọ rẹ sọ fun ni ẹniti o nse eemọ: bawo ni oponlo yoo se sọrọ ti o si wa ni ori itẹ.

Isa ẹniti ọla nbẹ fun sọpe: dajudaju emi jẹ ẹru Allah, o fun ni ni Injila, O si se mi ni Anọbi kan ninu awọn Anọbi Rẹ.

O si se mi ni ẹniti o ni anfaani pupọ lara fun awọn ẹru nibi kibi ti mo ba wa, O si pa mi lasẹ irun kiki ati zaka yiyọ ni gbogbo isẹmin aye mi.

O si tun se mi ni ọmọ rere si mama mi, ko si se mi olusegberaga lati mase tẹle Ọlọhun mi, ko si se mi ni ẹlẹsẹ si I.

Ifọkanbalẹ kuro ni ọdọ esu ati awọn ọmọ ogun rẹ nbẹ fun mi lati ọjọ ti a ti bimi ati ọjọ iku mi ati ọjọ igbemi dide ni alaaye ni ọjọ igbende, esu ko fọwọ kan mi ni gbogbo awọn aaye mẹta ti o jẹ aayun yii.

Ẹniti a royin pẹlu awọn iroyin yii ni Isa ọmọ Maryam, ọrọ yii si ni ọrọ ododo ninu rẹ, kii se awọn ẹniti o ti sọnu nsọ, awọn ti wọn se iyemeji nibi alamọri rẹ, ti wọn si nyapa.

Ko tọ fun Allah ki o ni ọmọ, mimọ kanga Rẹ kuro nibi eleyi ati sise afọmọ Rẹ, ti O ba gbero ohunkihun, O ti to fun mimọ Rẹ ki O sọ fun nkan naa (jẹ bẹẹ) ki o si jẹ bẹẹ ni ko ni ibuyẹ, ẹniti o ba jẹ eleyi jẹ ẹniti O mọ kanga kuro nibi ẹbọ.

Ati wipe dajudaju Allah ti mimọ nẹb fun ni Ọlọhun mi ati Ọlọhun yin lapapọ, ki ẹ se afọmọ ijọsin fun ni Oun nikan soso, eleyi ni ohun ti wọn sọ fun yin, ohun si ni ọna ti o duro tọ ti o le muni lọsi ibi iyọnu Allah.

Awọn oluyapa nibi ọrọ Isa ẹniti ọla nbẹ fun sise iyapa, wọn wa di ijọ ijọ ti wọn yapa si ara wọn ninu awọn ijọ rẹ, apakan ninu wọn si gba a gbọ, wọn si sọpe: oun ni ojisẹ kan, bẹẹni awọn miran se keferi si gẹgẹ bi yahuudi, gẹgẹ bi awọn eniyan kan se kọja ẹnu aala nipa rẹ, apakan wọn si sọpe: oun ni Allah, awọn miran si tun sọpe: oun ni ọmọ Allah giga Ọlọhun Ọba Allah kuro nibi eleyi, ki egbe si maa bẹ fun awọn oluyaapa nipa alamọri rẹ ninu awọn olujẹri ọjọ igbende ti o tobi nitori awọn nkan ifojuri ati isiro ati iya ti o wa nibẹ.

Kilo le dabi ohun ti gbọ ni ọjọ naa ati ohun ti wọn ri, wọn yoo gbọ nigba ti gbigbọ ko le se wọn ni anfaani mọ, wọn yoo si ri nigbati riri ko le se wọn ni anfaani mọ, sugbọn awọn alabosi ninu isẹmin aye wa ni oju ọna anu ti o han kuro nibi ọna ti o tọ, wọn ko nii mura silẹ fun igbẹyin titi ti yoo fi waa ba wọn lojiji, ti wọn yoo si wa lori abosi wọn.