الروم

Ninu awọn amin Allah ti o tọka si agbara Rẹ ati ijọkan soso Rẹ ni ninaro sanmọ laini jabọ ati ilẹ laini dawo; pẹlu asẹ Rẹ ti mimọ nbẹ fun, lẹyin naa ti O ba pe yin ti mimọ nbẹ fun ni ipe kan ni ori ilẹ, ti Malaika si fan fere si inu iwo, bayi ni gbogbo yin yoo maa kuro ninu saare yin fun isiro ati ẹsan.

Oun nikan ni O ni gbogbo ohun ti o wa ni sanmọ ati ohun ti o wa ni ilẹ niti nini ati dida ati pipe bubu, gbogbo ohun ti o wa ni sanmọ ati ohun ti o wa ni ilẹ ninu awọn ẹda Rẹ ntẹriba fun Un ni ẹniti o njupa jusẹ silẹ fun asẹ Rẹ.

Oun ti mimọ nbẹ ni O bẹrẹ dida ẹda lori apejuwe ti ko siwaju, lẹyin naa yoo sẹri wọn pada lẹyin titan wọn, dida a pada yii rọrun ju bibẹrẹ lọ, ikini keji rẹ ni o rọrun fun Un, nitoripe ti o ba gbero ohun kihun yoo kan sọ fun pe: (jẹbẹẹ) yoo si ri bẹẹ, oun ni o ni iroyin ti o ga julọ ninu gbogbo iroyin ti a le fi royin Rẹ ninu awọn iroyin ti o gbọngbọn ti o si pe, Oun ni alagbara ti ẹnikankan ko le bori Rẹ, ọjọgbọn nibi ẹda Rẹ ati idari Rẹ.

Allah fi apejuwe lelẹ fun yin -ẹyin ẹlẹbọ- apejuwe ti O mu latara yin: njẹ akẹgbẹ ti o ba nyin kẹgbẹ ninu dukia yin ni dọgbandọgba nbẹ fun yin ninu awọn ẹru yin ati awọn ti ẹ nikapa, ti ẹ npaya ki ẹ ma jọ pin dukia yin gẹgẹ bi apakan yin se npaya ẹnikeji rẹ ti o jẹ ọmọluwabi lati ba pin dukia? Njẹ ọ yọnu si fun ẹmin ara yin ninu ẹru yin iru eleyi bi? Ko si iyemeji, dajudaju ẹ ko le yọnu si eleyi, Allah nikan ni o lẹtọ ki akẹgbẹ ma bẹ fun Un nibi ọla Rẹ ninu awọn ẹda Rẹ ati ẹru Rẹ, pẹlu apejuwe yii ati ohun ti o yatọ si i ni a fi nsalaye awọn awijare ati awọn ẹri ni oniranran rẹ fun awọn ijọ ti o se laakaye, nitoripe awọn ni yoo se anfaani pẹlu rẹ.

Okunfa anu wọn kii se kudiẹkudiẹ nibi ẹri tabi aisalaye rẹ bikosepe itẹle ifẹ inu ati ikọse awọn baba wọn, lẹniti o se aimọkan si ẹtọ Ọlọhun ti o wa lori wọn, taani ẹniti o le fi se kongẹ imọna ẹniti Allah ba sọnu?! Ko si ẹnikankan ti o le fi se kongẹ, ko si si alaranse ti yoo kọdi iya Allah fun wọn.

Yara dojukọ - irẹ ojisẹ - iwọ ati ẹniti o nbẹ pẹlu rẹ si ẹsin eyiti Allah da oju rẹ kọ; ki o yẹ kuro nibi gbogbo eyikeyi ẹsin, ẹsin Islam eyiti eniyan daye ba, ko si iyipada fun isẹda Allah, eleyi ni ẹsin ti o duro tọ ti ko si iwọgun nibẹ, sugbọn ọpọ awọn eniyan ko mọ wipe dajudaju ẹsin ododo yii ni ẹsin naa.

Ki ẹ sẹri pada si ọdọ Rẹ ti mimọ nbẹ fun pẹlu ironu piwada kuro nibi ẹsẹ yin, ki ẹ si maa bẹru Rẹ pẹlu titẹle awọn asẹ Rẹ ati jijinna si awọn ohun ti o kọ, ki ẹ si maa pe irun yin ni ojupọnna ti o pe, ẹ mase wa ninu awọn ẹlẹbọ ti ntako adayeba, ti wọn yoo wa maa mu nkan miran mọ Allah ti o yatọ si I ninu ijọsin wọn.

Ẹ mase wa ninu awọn ẹlẹbọ ti wọn paarọ ẹsin wọn, wọn nigbagbọ si apakan rẹ, wọn si se keferi si apakan, wọn si jẹ ipin ipin ati ijọ ijọ, gbogbo ijọ ninu wọn ni o ma nyọ lori ibajẹ ti o wa, wọn yoo maa ri wipe awọn nikan ni wọn wa lori ododo ati wipe dajudaju ẹniti o yatọ si wọn wa lori ibajẹ.