اللغة
فَلَمَّا فَصَلَ طَالُوتُ بِٱلۡجُنُودِ قَالَ إِنَّ ٱللَّهَ مُبۡتَلِيكُم بِنَهَرٖ فَمَن شَرِبَ مِنۡهُ فَلَيۡسَ مِنِّي وَمَن لَّمۡ يَطۡعَمۡهُ فَإِنَّهُۥ مِنِّيٓ إِلَّا مَنِ ٱغۡتَرَفَ غُرۡفَةَۢ بِيَدِهِۦۚ فَشَرِبُواْ مِنۡهُ إِلَّا قَلِيلٗا مِّنۡهُمۡۚ فَلَمَّا جَاوَزَهُۥ هُوَ وَٱلَّذِينَ ءَامَنُواْ مَعَهُۥ قَالُواْ لَا طَاقَةَ لَنَا ٱلۡيَوۡمَ بِجَالُوتَ وَجُنُودِهِۦۚ قَالَ ٱلَّذِينَ يَظُنُّونَ أَنَّهُم مُّلَٰقُواْ ٱللَّهِ كَم مِّن فِئَةٖ قَلِيلَةٍ غَلَبَتۡ فِئَةٗ كَثِيرَةَۢ بِإِذۡنِ ٱللَّهِۗ وَٱللَّهُ مَعَ ٱلصَّٰبِرِينَ 249
Nigbati Tọluuta jade pẹlu awọn ọmọ ogun naa kuro ninu ilu, o sọ fun wọn wipe: dajudaju Ọlọhun Ọba Allah dan yin wo pẹlu akeremọdo kan, ẹniti o ba mu ninu rẹ, ko si ni oju ọna mi, ko si ni ba mi kẹgbẹ nibi ogun jija, ẹniti ko ba mu ninu rẹ, dajudaju oun ni o wa ni oju ọna mi, atipe yoo si ba mi kẹgbẹ nibi ogun jija ayaafi ẹniti o ba ri inira, ti o wa mu odiwọn ẹkunwọ rẹ, ko si ẹsẹ fun un, awọn ọmọ ogun naa mu u ayaafi diẹ ninu wọn, ti wọn se suuru lori aimu omi naa pẹlu bi ongbẹ se le to, nigbati Tọluuta kọja odo naa, oun ati awọn ti wọn ni igbagbọ pẹlu rẹ, apakan ninu awọn ọmọ ogun rẹ sọ wipe: ko si agbara fun wa loni lati ba Jaaluuta ati awọn ọmọ ogun rẹ ja, nigba naa ni awọn ti wọn mọ amọdaju wipe dajudaju awọn yoo pade Ọlọhun Ọba Allah ni Ọjọ Igbende wipe: melomelo ninu ikọ Olugbagbọ ododo ti o kere ni onka ti yoo bori ikọ alaigbagbọ ti o pọ ni onka pẹlu iyọnda Ọlọhun Ọba Allah ati aranse Rẹ, toripe iwoyesi nibi aranse nbẹ pẹlu igbagbọ, kii se pẹlu pipọ, ati wipe Ọlọhun Ọba Allah nbẹ pẹlu awọn onisuuru ninu awọn ẹru Rẹ, ti yoo kun wọn lọwọ, ti Yoo si tun wa ran wọn se.
وَلَمَّا بَرَزُواْ لِجَالُوتَ وَجُنُودِهِۦ قَالُواْ رَبَّنَآ أَفۡرِغۡ عَلَيۡنَا صَبۡرٗا وَثَبِّتۡ أَقۡدَامَنَا وَٱنصُرۡنَا عَلَى ٱلۡقَوۡمِ ٱلۡكَٰفِرِينَ 250
Nigbati wọn wa jade ni ẹniti o fi oju han si Jaaluuta ati awọn ọmọ ogun rẹ, wọn kọju si ọdọ Ọlọhun Ọba Allah pẹlu adua ni ẹniti nsọ wipe: irẹ Ọlọhun Ọba wa, da suuru si inu ọkan wa ni dida, ki O si fi ẹsẹ wa rinlẹ ti a ko fi ni salọ, ti a ko si ni jakulọ niwaju ọta wa, waa ran wa se pẹlu agbara Rẹ ati pẹlu ikunlọwọ Rẹ lori awọn ijọ alaigbagbọ.
فَهَزَمُوهُم بِإِذۡنِ ٱللَّهِ وَقَتَلَ دَاوُۥدُ جَالُوتَ وَءَاتَىٰهُ ٱللَّهُ ٱلۡمُلۡكَ وَٱلۡحِكۡمَةَ وَعَلَّمَهُۥ مِمَّا يَشَآءُۗ وَلَوۡلَا دَفۡعُ ٱللَّهِ ٱلنَّاسَ بَعۡضَهُم بِبَعۡضٖ لَّفَسَدَتِ ٱلۡأَرۡضُ وَلَٰكِنَّ ٱللَّهَ ذُو فَضۡلٍ عَلَى ٱلۡعَٰلَمِينَ 251
Wọn wa bori wọn pẹlu iyọnda Ọlọhun Ọba Allah, Daawud waa pa adari wọn tii se Jaaluuta, Ọlọhun Ọba Allah waa fun ni ọla ati jijẹ anọbi, O si fi mọ ọ ninu ohun ti o wu U ninu awọn oniranran imọ, O wa kojọ fun un laarin ohun ti yoo tun ile aye se ati Ọjọ Ikẹyin, ti kii ba se wipe o nbẹ ninu ilana Ọlọhun Ọba Allah ni, pe ki O maa fi apakan awọn eniyan kodi aburu apakan wọn, ilẹ ko ba bajẹ pẹlu jijẹgaba awọn olubajẹ nibẹ, sugbọn Ọlọhun Ọba Allah ni Ọlọla lori gbogbo awọn ẹda.
تِلۡكَ ءَايَٰتُ ٱللَّهِ نَتۡلُوهَا عَلَيۡكَ بِٱلۡحَقِّۚ وَإِنَّكَ لَمِنَ ٱلۡمُرۡسَلِينَ 252
Awọn aayah Ọlọhun Ọba Allah ti o fi oju han naa, ti o si ye yekeyeke, ni A nka fun ọ - irẹ Anọbi -, ti o ko osododo sinu nibi awọn iro ati sise deede nibi awọn idajọ, dajudaju iwọ wa ninu awọn ojisẹ lati ọdọ Ọlọhun Ọba gbogbo aye.
Ninu ọgbọn oludari ni ki o sẹri awọn ọmọ ogun rẹ si awọn oniranran idanwo, eyiti ọmọ ogun rẹ yoo fi maa yatọ, ti yoo si mọ ẹniti o duro deede yatọ si ẹlomiran.
Iwoye si aranse kii se pẹlu pipọ onka ati nkan ija lasan sugbọn dajudaju iranlọwọ Ọlọhun Ọba Allah ati ifini se kongẹ Rẹ ni eyiti o tobi ninu awọn okunfa aranse ati erenjẹ.
Ko nii rinlẹ nigba awọn adanwo ati awọn ilekoko ayaafi awọn ẹniti amọdaju pẹlu Ọlọhun Ọba Allah ba gba awọn ọkan wọn, iru awọn ẹni naa, ni wọn yoo se suuru nibi gbogbo adanwo, wọn yoo si duro sinsin nibi gbogbo idanwo.
Fifi ara rolẹ lọsi ọdọ Ọlọhun Ọba Allah ti ọla Rẹ ga pẹlu ọkan ododo ti o rọ mọ Ọ, ninu awọn okunfa ti o tobi fun gbigba adura ni, paapaa julọ ni awọn aaye ogun.
Ninu ilana Ọlọhun Ọba Allah ti ọla Rẹ ga ati ọgbọn Rẹ ni ki O kọ di aburu apakan ẹda ati ibajẹ wọn lori ilẹ pẹlu apakan wọn.