الحج

Ọlọhun Allah tọ wọn sọna ni isẹmin aye lọsi ibi awọn iwa ti o dara gẹgẹ bi ijẹri pe ko si Ọba kan ayaafi Allah ati gbigbe titobi fun Un ati didupẹ fun Un, O si tọ wọn sọna lọsi oju ọna Islam eyiti o jẹ nkan ọpẹ.

Dajudaju awọn ti wọn se keferi si Allah, ti wọn si tun ndari awọn miran kuro nibi wiwọle si inu Islam, ti wọn si nkọdi awọn eniyan nkuro nibi Mọsalaasi Abeewọ naa, gẹgẹ bi ohun ti awọn ẹlẹbọ se ni ọdun Hudaybiya, a o pada nu wọn ni iya inira, Mọsalaasi eyiti a se ni ibudojukọ fun awọn eniyan nibi irun wọn ati ijọsin kan ninu awọn ijọsin Hajj ati Umurah, ti awọn ti ngbe inu Mẹkkah yoo dọgba nibẹ ati awọn ti o jẹ ajoji tii kii se ara Mẹkkah, ẹniti o ba gbero lati kuro nibi ododo, ti o mọọmọ bọ sinu ẹsẹ, a o fi iya inira tọ ọ wo

Tun ranti - irẹ ojisẹ - nigbati a salaye fun Ibrahim ẹniti ọla nbẹ fun aaye ile naa ati aala rẹ lẹyin igbati o ti jẹ alaimọkan si i, a si ransẹ si wipe ki o ma se mu ẹbọ pẹlu ijọsin Mi, bikosepe ki o maa si Mi le mi nikan, ki o si maa fọ ile Mi mọ kuro nibi eeri ifuramọ ati eyiti ko se fo oju ri fun awọn ti yoo maa rọkirika rẹ ati awọn ti yoo maa kirun nibẹ.

Ki o pepe ni aarin awọn eniyan ni ẹniti o npe wọn lọsi ibi bibẹ ile naa wo eyiti a pa ọ lasẹ ki o kọ ọ; awọn ti wọn nfi ẹsẹ rin ati awọn ti ngun nkan, awọn ti ogun ibaaka ti o ti gbo, ti wọn si nfi ara kin nkan nibi irin ajo yoo wa ba ọ tabi ti rakunmi gbe wọn wa ni ọna ti o jinna.

Ki wọn ya pesẹ nibi ohun ti yoo mu anfaani wa ba wọn gẹgẹ bi aforijin ẹsẹ ati titẹlọwọ ẹsan ati ijọkan soso gbolohun ati ohun ti o yatọ si eleyi, ki wọn si maa darukọ Allah lori ohun ti wọn ba ndu ninu ẹran itanran ninu awọn ọjọ ti a mọ, ohun ni: ọjọ kẹwa osu kejila ati ọjọ mẹta lẹyin rẹ; ni idupẹ fun Allah lori sise aranse rakunmi, maalu ati agutan fun wọn, ki ẹ maa jẹ ninu ẹran itanran yii, ki ẹ si maa fun ẹniti osi rẹ ba le koko nibẹ.

Lẹyin igba naa ki wọn si se ohun ti o ba sẹku fun wọn ninu ijọsin hajj wọn, ki wọn si bọra silẹ pẹlu fifa irun wọn ati gige awọn eekanna wọn ati yiyẹ awọn eeri ti o ti gbe ara wọn pọn le wọn lori nitori okunfa asọ Urumi, ki wọn si pe adehun ti o jẹ ọranyan le wọn lori nibi isẹ Hajj tabi Umurah tabi ẹran itanran, ki wọn si yipo ile Ọlọhun ni iyipo aarin gbungbun lori bibọkun kuro nibi ijẹgaba le lori.

Eleyi ti ẹ pasẹ rẹ - nipa bibọra pẹlu fifari ati gige eekannna ati yiyẹ awọn eeri kuro ati pipe ileri ati yiyipo ile Ọlọhun - ohun ni ohun ti Ọlọhunh Allah se ni ọranyan le yin lori, ki ẹ yaa pataki ohun ti Ọlọhun Allah se ni ọranyan le yin lori, ẹniti o ba jinna si ohun ti Allah pasẹ rẹ pẹlu pe o jinna si ni asiko igberumi rẹ; niti pipataki aala Ọlọhun Ọba lati mase bọ sinu rẹ ati gbigbe ọwọ fun un ki o ma ba sọ ọ di ẹtọ, eleyi ni o loore fun un ni ile aye ati lọrun ni ọdọ Ọlọhun Ọba rẹ ti mimọ nbẹ fun, wọn si lẹtọ fun yin - ẹyin eniyan - awọn ẹranko gẹgẹ bi rakunmi, maalu, agutan, ko si se leewọ fun yin ninu rẹ rakunmi ọlọmọ pipọ tabi ageleti tabi rakunmi ti awọn ọmọ rẹ ti dagba, bẹẹ ni ko tun se leewọ ninu rẹ ayaafi eyiti ẹ ri ninu Alukuraani bi sise okunbete leewọ ati ẹjẹ ati ohun ti o yatọ si wọn, ki ẹ yaa jinna si ẹgbin eyiti o jẹ awọn oosa, ki ẹ si tun jinna si gbogbo gbolohun ibajẹ ti o jẹ ipurọ mọ Allah tabi awọn ẹda Rẹ.