سبإ

Ipẹ ko nii se anfaani lọdọ Rẹ ti mimọ nbẹ fun ayaafi fun ẹniti O ba yọnda fun, Allah ko nii yọnda nibi ipẹ ayaafi fun ẹniti O ba yọnu si; nitori titobi Rẹ ninu titobi Rẹ nipe ti O ba sọrọ ni sanmọ awọn Malaika yoo na iyẹ wọn niti itẹriba fun ọrọ Rẹ titi ipaya yoo fi kuro ni ọkan wọn, awọn malaika yoo wa sọ fun jibril: kinni Ọlọhun yin sọ? Jibril yoo wa sọpe: O sọ ododo, Oun si ni ẹniti o ga ju nibi bibẹ Rẹ ati ibori Rẹ, ẹniti o tobi ju, ti gbogbo nkan wa ni isalẹ Rẹ.

Sọ - irẹ ojisẹ - fun awọn ẹlẹbọ wọnyi: taani o ran yin se lati sanmọ pẹlu sisọ ojo kalẹ, ati ni ilẹ pẹlu mimu awọn eso ati awọn irugbin ati awọn ipapanu jade ati eyiti o yatọ siyẹn? Sọ: Allah ni O nse aranse fun yin ninu rẹ ati awa tabi ẹyin - ẹyin ẹlẹbọ - ni o wa ni oju ọna tabi anu ti o han kuro ni oju ọna, ikan ninu wa ko si iyemeji ni o wa bẹẹ, ko si si iyemeji lori wipe awọn ẹni imọna ni awọn olugbagbọ ododo ati wipe awọn ẹni anu ni awọn ẹlẹbọ.

Sọ fun wọn - irẹ ojisẹ -: wọn ko nii bi yin leere nipa ẹsẹ wa eyiti a da ni ọjọ igbende, wọn ko si nii bi wa leere nipa eyiti ẹyin se.

Sọ fun wọn: Ọlọhun Ọba yoo ko wa jọ ati ẹyin naa ni ọjọ igbende, lẹyin naa yoo se idajọ laarin wa ati ẹyin naa niti deede, bayi ni ẹniti o tọ yoo hande kuro nibi olubilẹjẹ, Oun si ni dajọ dajọ tii ma dajọ pẹlu deede, Onimimọ pẹlu ohun ti o dajọ le lori.

Sọ fun wọn - irẹ ojisẹ: ẹ fi han mi awọn ti ẹ gbe kalẹ ni akẹgbẹ pẹlu Allah ti ẹ nse bẹbọ pẹlu Rẹ nibi ijọsin, ko ri bẹẹ, ọrọ ko ri bi ẹ se ya aworan rẹ nibi wipe O ni akẹgbẹ bikosepe Oun ni Allah alagbara ti ẹnikankan ko le bori Rẹ, ọjọgbọn nibi isẹda Rẹ ati ipebubu Rẹ ati idari eto Rẹ.

A ko gbe ọ dide - irẹ ojisẹ - ayaafi fun awọn eniyan ni apapọ, ki o si jẹ oniro idunnu fun awọn olupaya wipe ọgba idẹra nbẹ fun wọn, bẹẹni ki o jẹ oludẹrubani fun awọn keferi ati ẹlẹsẹ nipa ina, sugbọn ọpọ awọn eniyan ko mọ eleyi, ti wọn ba mọ ọ ni wọn ko ba ti pe ọ nirọ.

Awọn ẹlẹbọ nsọrọ ni ẹniti nkanju iya eyiti wọn fi ndẹru ba wọn: nigba wo ni adehun iya yii ti ẹ ba jẹ sootọ sootọ nibi ohun ti ẹ npe wipe o jẹ ododo?

Sọ - irẹ ojisẹ - fun olukanju iya wọnyi: adehun nbẹ fun yin ni ọjọ ti o ni aala; wakati kan ko le lọ lara fun yin, wọn ko si le fi wakati kan gba iwaju rẹ, ọjọ yii ni ọjọ igbende.

Awọn ti o se keferi si Allah sọpe: a ko nii nigbagbọ si Alukuraani eyiti Muhammad nlero wipe o sọkalẹ fun oun, bẹẹni a ko nii nigbagbọ si awọn iwe sanmọ ti o siwaju, ti o ba ri ni - irẹ ojisẹ - igbati wọn ba mu awọn alabosi mọlẹ ni ọdọ Ọlọhun Ọba wọn ni ọjọ igbende fun isiro ti ọrọ nlọ ti o nbọ laarin ara wọn, ti ikọọkan wọn nju ojuse ati eebu si ẹlomiran, awọn olutẹle ti wọn jẹ ọlẹ yoo ma sọ fun awọn asiwaju ti o sọ wọn di ọlẹ ni ile aye: ti kii ba se wipe ẹ sọ wa nu, awa ko ba jẹ olugbagbọ si Allah ati awọn ojisẹ Rẹ.