الكهف

Gẹgẹ bi a se se pẹlu wọn nibi awọn isẹ eemọ eyiti o tọka si agbara wa nibi fifi oorun kun wọn fun ọdun ti o pọ ati tita wọn ji lẹyin rẹ, a mu awọn ara ilu wọn ri wọn ki wọn le mọ pe adehun Allah lori sise aranse fun awọn olugbagbọ ododo ati igbende jẹ ootọ ati wipe dajudaju Alukiyaamọ nbọ ko si iyemeji nibẹ, nigbati ọrọ awọn eniyan kaafi hande, ti wọn si ku, awọn ti wọn ri wọn pin yẹlẹyẹlẹ: ki ni wọn yoo se pẹlu wọn? Apakan ninu wọn sọpe: ẹ mọ ẹnu ọla sibi iho wọn, ti yoo bo wọn, ti yoo si maa daabobo wọn, Ọlọhun Ọba wọn nimọ nipa isesi wọn, isesi wọn jẹ ohun ti o yẹ ki o pataki lọdọ Rẹ, bẹẹni awọn ti yoo mu isẹ naa se ninu awọn ti ko ni imọ, wọn ko si ni ipepe ti lalaafia sọpe: ẹ jẹ ki a mu aaye wọn yi ni Mọsalaasi fun ijọsin, ki o jẹ apọnle fun wọn ati iranwọn leti nipa aaye wọn.

Apakan ninu awọn ti wọn jindo ninu itan wọn nipa onka wọn yoo sọpe: mẹta ni wọn, aja wọn ni ẹlẹkẹrin wọn, apakan wọn naa tun sọpe: maarun ni wọn, aja wọn ni ẹlẹkẹfa wọn, gbogbo awọn ikọ mejeeji, wọn kan sọ ounti wọn sọ ni lati tẹle erongba wọn laisi ẹri, apakan wọn yoo si tun sọpe: meje ni wọn, aja wọn ni ẹlẹkẹjọ wọn, sọ wipe - irẹ ojisẹ -: Ọlọhun Ọba mi nimọ nipa onka wọn ju, ẹnikankan ko mọ onka wọn ayafi eeyan diẹ ninu awọn ti Allah fi onka wọn mọ, wọn si njiyan nipa onka wọn tabi nkan miran ninu isesi wọn, awọn ti a fun ni tira, to fi mọ awọn miran ayafi iyan jija ti o fi oju han, ti ko si ijindo nibẹ, ki o gba tito lori ẹniti o sọ imisi kalẹ fun ọ nipa isesi wọn, mase bi ẹnikẹni leere ninu wọn nipa alaye isesi wọn, nitoripe dajudaju wọn ko mọ eleyi.

Mase sọ - irẹ Anọbi - fun ohunkihun ti o fẹ se ni ọla: dajjudaju emi yoo se nkan yii ni ọla; toripe dajudaju iwọ ko mọ boya iwọ yoo se e tabi nkankan yoo di gaga laarin iwọ ati nkan naa? Eleyi jẹ itaniji fun gbogbo Musulumi.

Ayaafi ki o so sise rẹ mọ fifẹ Ọlọhun Ọba pẹlu ki o sọpe: maa pada se e - ti Allah ba fẹ - lọla, maa ranti Ọlọhun Ọba rẹ pẹlu gbolohun rẹ: ti Allah ba fẹ - ti o ba gbagbe lati sọ ọ - ki o si sọpe: mo ngbero ki o Ọlọhun mi tọmi sọna, ki nle sun mọ alamọri yii niti imọna ati kongẹ.

Awọn ẹni iho kahf lo ọgọrun ọdun mẹta ati mẹsan ninu iho wọn.

Sọ wipe - irẹ ojisẹ -: Ọlọhun Allah nikan ni O nimọ nipa ohun ti wọn lo ninu iho wọn, paapaa O si ti fun wa niro nipa asiko ti wọn lo nibẹ, ko si ọrọ kankan fun ẹnikẹni lẹyin ọrọ Rẹ ti mimọ nbẹ fun, Oun ti mimọ nbẹ fun nikan ni O mọ ohun ti o pamọ sinu sanmọ ati eyiti o pamọ sinu ilẹ niti ẹda ati imọ, ko si ẹniti o riran ti O ti mimọ nbẹ fun? Oun nri gbogbo nkan, ko si ẹniti o gbọrọ to O! Oun ngbọ gbogbo nkan, ko si fun wọn ẹlomiran yatọ si I ni alatilẹyin ti yoo la ọrọ wọn bọrun, ko si alatilẹyin miiran fun wọn yatọ si I ti yoo la ọrọ wọn bọrun, ẹnikankan ko si le ba kẹgbẹ ni idajọ Rẹ, Oun nikan ni oludawa aaso nibi idajọ.

Nigbati ẹniti mimọ nbẹ fun ti ọla Rẹ si ga salaye wipe dajudaju idajọ tiRẹ nikan ni i se, o wa pa ojisẹ Rẹ lasẹ ki o ka imisi ti O fi ransẹ si i ninu idajọ Ọlọhun rẹ ati titẹle E, o si sọpe:

Ki o ka - ire ojise - ki o si sisẹ pẹlu imisi ti Allah fi ransẹ si ọ ninu Alukuraani, ko si oluyipada fun awọn gbolohun Rẹ; nitoripe ododo ni gbogbo rẹ, deedee si ni gbogbo rẹ, iwọ ko le ri ibusẹrisi kan ti o le sẹri si yatọ si Allah ti mimọ nbẹ fun, bẹẹni ko si oludaabobo kan ti o fi daabobo ara rẹ yatọ si I.