ابراهيم

Se iwọ ko mọ ni - irẹ ọmọ ẹda eniyan - dajudaju da sanmọ ati ilẹ pẹlu ododo, ko si da wọn lasan, ti O ba fẹ lati mu yin kuro - ẹyin eniyan - ki o si mu ẹda miran wa ti yoo maa sin, ti yoo maa tẹle E dipo yin ki ba mu yin lọ, ti Yoo si waa mu ẹda miran wa ti yoo maa tẹle asẹ Rẹ eleyi jẹ alamọri ti o rọrun fun Un.

Pipa yin run ati mimu ẹda miran wa ko le ko agara ba A, O jẹ ẹniti o lagbara lori gbogbo nkan, nkan ko si le ko agara ba A.

Awọn ẹda yoo jade lati inu saare wọn lọ si ọdọ Ọlọhun Ọba ni ọjọ adehun, bayi ni awọn alatẹle ọlẹ nsọ fun awọn olori asiwaju: dajudaju awa jẹ - ẹyin asiwaju - olutẹle fun yin, a nronu pẹlu asẹ yin, a njawọ ti ẹ ba jawọ nibẹ, njẹ ẹ le mu iya kuro fun wa ni ọdọ Ọlọhun Ọba bi o ti wulẹ ki o mọ? Asiwaju ninu awọn adari sọ wipe: ti ỌLọhun Ọba Allah ba fi wa se kongẹ imọna, a ba fi yin mọna lọsi ibẹ, gbogbo ki ba la kuro nibi iya Rẹ, sugbọn a sina, ni a fi sọ yin nu, dọgba ni le wa lori ati fun yin lati se adipele mimu iya mọra tabi sise suuru, ko si ibusalọ fun wa kuro nibi iya naa.

Esu sọ nigbati awọn ara alujannah wọ alujannah tan, ti awọn ara ina naa si wọ ina tan: dajudaju Ọlọhun Ọba se adehun fun yin tii se adehun ododo, O si mu adehun ti o se fun yin sẹ, emi si se adehun ibajẹ fun yin, emi ko si pe adehun ti mo se fun yin, nko lagbara kankan le yin lori nigbati ẹ wa ni ile aye lori sise keferi ati anu sugbọn mo kan pe yin lọ sibi sise keferi ni, mo si se awọn ẹsẹ lọsọ fun yin, ni ẹ ba sare si ibi titẹle mi, ẹ mase bu mi lori isọnu ti o sẹlẹ si yin, ki ẹ yaa bu ara yin, ohun ni eebu tọ si, emi kii se oluranyin lọwọ lati mu iya kuro fun yin, ẹyin naa ẹ kii se ẹniti o le ran mi lọwọ lati mu u kuro mi, mo di keferi nibi mimu mi ni orogun pẹlu Ọlọhun Ọba nibi ijọsin, dajudaju awọn alabosi - nibi sise ẹbọ si Allah ni ile ati sise keferi si I - iya inira nbẹ fun wọn ti o nreti wọn ni ọjọ igbende.

Nigbati Ọlọhun Ọba Allah sọ ibudarisi awọn keferi ni ọjọ igbende niti didẹru ba wọn lati ọdọ Rẹ, O tun sọ ibudarisi awọn olugbagbọ ododo ni ise wọn loju kokoro si i, O si sọpe:

Niti yiyatọ si ibudari si awọn alabosi, O mu awọn olugbagbọ ododo ti wọn nse isẹẹre wọ alujannah ti awọn akeremọdu nsan ni abẹ awọn orule rẹ ati awọn igi rẹ, wọn yoo ma wa nibẹ gbere pẹlu iyọnda Ọlọhun Ọba wọn ati agbara Rẹ, apakan wọn yoo maa ki apakan, awọn amalaika naa yoo si maa ki wọn, Ọlọhun Ọba wọn naa ti mimọ nbẹ fun yoo maa ki wọn pẹlu kiki alaafia.

Se iwọ ko mọ ni - irẹ ojisẹ - bi Ọlọhun Ọba se fi apejuwe gbolohun ijọkan soso lelẹ eyi tii se: ko si ọba kan ayaafi Allah, nigbati o fi we igi ti o dara tii se igi ọpẹ, egbo rẹ wa ni inu ilẹ ti o nfa omin mu pẹlu ẹkan rẹ ti o dara, akẹtun rẹ ga de sanmọ ti o mumin lati ibi esujo, ti o nfa atẹgun ti o dara sinu.