الأعراف

A ti da awọn olujannu ti o pọ fun ina jahanamọ ati ọpọ ninu awọn eniyan; nitori wipe imọ wa wa lori wipe wọn yoo sisẹ ẹni ibẹ, wọn ni ọkan ti wọn kii fi mọ ohun ti o le se wọn ni anfaani, tabi yoo ko inira ba wọn, wọn si ni oju ti wọn ko fi wo awọn amin ti Ọlọhun Ọba lori ara wọn ati gbogbo agbegbe, ki wọn o waa ronu pẹlu rẹ, wọn ni awọn eti ti wọn kii fi gbọ awọn amin Ọlọhun, ki wọn le gbe ohun ti o yẹ ninu rẹ yẹwo, awọn wọnyi ni a fi iroyin ijẹranko royin nitoria aisi laakaye, bikose wipe ọna anu wọn ni o jinna ju awọn ẹranko lọ, awọn ni olufọnu kuro nibi igbagbọ si Ọlọhun Ọba Allah ati si ọjọ ikẹyin.

Ọlọhun Ọba - ti mimọ nbẹ fun - ni O ni awọn orukọ ti o dara, ti o si ntọka si gbigbọngbọn ati titobi rẹ, ki ẹ se itẹgun si ọdọ Allah nibi wiwa nkan ti ẹ nfẹ, ki ẹ si maa yin le lori, ki ẹ gbe ara kuro ni ọdọ awọn ti o fi kuro nibi ododo nibi awọn orukọ yii pẹlu mima gbe fun ẹniti kii se Ọlọhun Ọba Allah, tabi ki wọn o ti lẹ ma fun Un, tabi ki wọn pa itumọ rẹ lofo, tabi ki o fi ẹlomiran jọ Ọ, a o se ẹsan fun awọn ti wọn kuro nibi ododo: ni ijiya ẹlẹta elero lori nkan ti wọn se.

Ninu awọn ti a da ni awọn ijọ kan ti wọn nfi ẹmin ara wọn mọ ọna ododo, ti wọn si npe ẹlomiran sibẹ lati mọ ọna, wọn si nse idajọ pẹlu rẹ laise abosi.

Awọn ti wọn pe amin wa nirọ, ti wọn ko nigbagbọ siI, ti wọn njaa niyan, a yoo si ilẹkun arisiki fun wọn, ti kii se apọnle fun wọn, sugbọn o jẹ idẹnilẹkẹ ki wọn le tẹ siwaju nibi ọna anu ti wọn wa, lẹyin eleyi ni iya wa yoo wa jẹ wọn nigbati wọn ko fura.

Maa lọ iya mi lara fun wọn titi ti wọn yoo fi maa lero wipe awọn ko nii jiya, ti wọn yoo si maa tẹ siwaju nibi irọ ati sise keferi wọn, titi a o fi se iya wọn ni adipele, dajudaju ete mi lagbara, maa se afihan daradara sugbọn maa gbero iyẹpẹrẹ fun wọn.

Se awọn ti wọn npe awọn amin Ọlọhun Ọba ati ojisẹ Rẹ nirọ ko wa ronu ni, ki wọn o si lo laakaye wọn wipe Muhammad kii se were, o jẹ ojisẹ lati ọdọ Ọlọhun Ọba Allah, Ọlọhun Ọba gbe dide ki o le jẹ ikilọ kuro nibi iya Ọlọhun Ọba ni ikilọ ti o fi oju han.

Se awọn wọnyi ko wa woye ni, ni iwoye si ọla Ọlọhun Ọba Allah ti o wa ni sanmọ ati ilẹ, ki o si wo nkan ti Ọlọhun Ọba da si aarin mejeeji, bi ẹranko, irugbin ati nkan miran, ki wọn o si tun wo asiko iku wọn eyiti o seese ki titan rẹ sun mọ, ki wọn o si ronu piwada ki asiko rẹ too bọ, ti wọn ko ba wa nigbagbọ si Alukuraani ati nkan ti o wa ninu rẹ, gẹgẹ bi adehun rere ati adehun iya, ewo ninu iwe ti o yatọ si i ni wọn wa fẹ gbagbọ?!

Ẹniti Ọlọhun Ọba ba dagunla si kuro nibi imọna sibi ododo, ti Ọlọhun Ọba Allah si sọnu kuro nibi ọna ti o duro tọ, ko si olufini mọna ti yoo tọ sọna, Ọlọhun Ọba Allah yoo si fi wọn silẹ ni oju ọna anu wọn ati keferi wọn, wọn yoo maa daamu, wọn ko nii mọ ọna kankan.

Awọn opurọ ti wọn ko gba ọjọ igbende gbọ yoo bi ọ leere: asiko wo ni yoo sẹlẹ ki imọ wa le daju nipa rẹ? Sọ wipe -irẹ Muhammad-: imọ rẹ ko si ni ọdọ mi, ko si si ni ọdọ ẹlomiran sugbọn imọ rẹ wa ni ọdọ Ọlọhun Ọba Allah nikan soso, ko nii se afihan asiko rẹ ti O pebubu fun un ayaafi Allah, ihan rẹ pamọ fun gbogbo ẹniti o wa ni sanmọ ati ilẹ, ko nii waa ba yin ayaafi ni ojiji, wọn yoo bi ọ leere nipa ọjọ ikẹyin, bi ẹni wipe o nse oju kokoro ni nini imọ nipa rẹ, wọn ko mọ wipe o ko beere nipa rẹ nitori pipe imọ rẹ si Ọlọhun Ọba, sọ fun wọn - irẹ Muhammad -: dajudaju imọ ọjọ ikẹyin wa ni ọdọ Ọlọhun Ọba Allah nikan soso, sugbọn ọpọ awọn eniyan ko mọ eleyi.