اللغة
فَلَمۡ تَقۡتُلُوهُمۡ وَلَٰكِنَّ ٱللَّهَ قَتَلَهُمۡۚ وَمَا رَمَيۡتَ إِذۡ رَمَيۡتَ وَلَٰكِنَّ ٱللَّهَ رَمَىٰ وَلِيُبۡلِيَ ٱلۡمُؤۡمِنِينَ مِنۡهُ بَلَآءً حَسَنًاۚ إِنَّ ٱللَّهَ سَمِيعٌ عَلِيمٞ 17
Ẹ ko pa - ẹyin olugbagbọ ododo - awọn ọlọsẹbọ pẹlu ete tabi agbara yin ni ogun badiri, sugbọn Ọlọhun Ọba Allah ni o ran yin lọwọ le lori, iwọ ko ju - irẹ anọbi - mọ awọn ọlọsẹbọ nigbati o nju u sugbọn Ọlọhun Ọba ni O nba ọ ju mọ wọn nigbati nkan ti o nju nba wọn, ki o le se idanwo fun awọn olugbagbọ ododo pẹlu idẹkun wọn ti o se le wọn lori nibi fifi wọn bori ọta wọn pẹlu kikere onka wọn ati ohun ti wọn pa lese ki wọn le ba dupẹ fun Un, dajudaju Ọlọhun Ọba Allah gbọ adua yin ati ọrọ yin, o si jẹ onimimọ si isẹ yin ati ohun ti o le ran yin lọwọ.
ذَٰلِكُمۡ وَأَنَّ ٱللَّهَ مُوهِنُ كَيۡدِ ٱلۡكَٰفِرِينَ 18
Pipa awọn ọsẹbọ ti a sọ yii, ati jiju nkan mọ wọn ti wọn fi di ẹni ibori, ti wọn si pẹyin da ni ẹniti nsaa lọ, ati sise idẹkunlori awọn olugbagbọ ododo pẹlu fifi wọn bori awọn ọta wọn; o jẹ lati ọdọ Ọlọhun Ọba Allah, Ọlọhun Ọba ni olusọ di fifuyẹ ete awọn keferi, ti wọn ndete fun Islam.
إِن تَسۡتَفۡتِحُواْ فَقَدۡ جَآءَكُمُ ٱلۡفَتۡحُۖ وَإِن تَنتَهُواْ فَهُوَ خَيۡرٞ لَّكُمۡۖ وَإِن تَعُودُواْ نَعُدۡ وَلَن تُغۡنِيَ عَنكُمۡ فِئَتُكُمۡ شَيۡٔٗا وَلَوۡ كَثُرَتۡ وَأَنَّ ٱللَّهَ مَعَ ٱلۡمُؤۡمِنِينَ 19
Ti ẹ ba nfẹ - ẹyin ọlusẹbọ - ki Ọlọhun Ọba sọ iya rẹ kalẹ ati igbamu Rẹ fun awọn alabosi olukọja ẹnu aala, paapaa Ọlọhun Ọba ti jẹ ki o sẹlẹ le yin lori nkan ti ẹ nfẹ, o si sọ ijiya kalẹ fun yin ki o le jẹ ariwoye fun awọn olubẹru Ọlọhun, ti ẹ ba si jawọ kuro nibi bibeere fun eleyi ni o loore fun yin, toripe o seese ki O ma kanju gba ẹsan lara yin, ti ẹ ba tun pada sibi bibeere fun ati pipa awọn olugbagbọ ododo, awa naa yoo pese ki iya maa bẹ le yin lori, ki aranse si maa bẹ fun awọn olugbagbọ ododo, kikojọ yin ati awọn alaranse yin ko le rọ yin lọrọ kankan koda ki onka yin pọ ati ipese yin pẹlu ki onka awọn olugbagbọ ododo o kere, dajudaju Ọlọhun Ọba nbẹ pẹlu awọn olugbagbọ ododo pẹlu aranse ati ikunlọwọ, bẹẹ ni ẹniti Ọlọhun Ọba Allah ba nbẹ pẹlu rẹ, ko si eniti yoo bori re.
يَٰٓأَيُّهَا ٱلَّذِينَ ءَامَنُوٓاْ أَطِيعُواْ ٱللَّهَ وَرَسُولَهُۥ وَلَا تَوَلَّوۡاْ عَنۡهُ وَأَنتُمۡ تَسۡمَعُونَ 20
A pe ẹyin ti ẹ jẹ olugbagbọ ododo, ti ẹ si ntẹle ojisẹ Rẹ, ẹ tẹle ti Allah, ki ẹ si tẹle ti ojisẹ pẹlu sise ohun ti o payin lasẹ ati jijinna si ohun ti O kọ, ki ẹ ma gunri kuro ni ọdọ rẹ pẹlu yiyapa asẹ rẹ ati sise nkan ti o kọ ti ẹ si ngbọ awọn aayah Rẹ ti wọn nka fun yin.
وَلَا تَكُونُواْ كَٱلَّذِينَ قَالُواْ سَمِعۡنَا وَهُمۡ لَا يَسۡمَعُونَ 21
Ẹ ma da gẹgẹ bi - ẹyin olugbagbọ ododo - awọn sọbẹ-selu ati awọn ọlọsẹbọ, awọn ti wọn jẹ si wipe ti wọn ba ka awọn aayah Ọlọhun Ọba fun wọn, wọn yoo sọ wipe: fi eti wa gbọ nkan ti wọn nka fun wa ninu Alukuraani sugbọn wọn ko gbọ ni gbigbọ ironu ati isiti; ti wọn yoo fi se anfaani pẹlu ohun ti wọn gbọ.
۞إِنَّ شَرَّ ٱلدَّوَآبِّ عِندَ ٱللَّهِ ٱلصُّمُّ ٱلۡبُكۡمُ ٱلَّذِينَ لَا يَعۡقِلُونَ 22
Dajudaju aburu nkan ti nrin ni ori ilẹ ninu ẹda ni ọdọ Ọlọhun ni aditi, awọn ti wọn kii gbọ ododo ni gbigba, oyaya awọn ti wọn kii sọ ọrọ, awọn ni wọn kii mọ awọn asẹ Ọlọhun ati awọn nkan ti O kọ.
وَلَوۡ عَلِمَ ٱللَّهُ فِيهِمۡ خَيۡرٗا لَّأَسۡمَعَهُمۡۖ وَلَوۡ أَسۡمَعَهُمۡ لَتَوَلَّواْ وَّهُم مُّعۡرِضُونَ 23
Ti Ọlọhun Ọba ba mọ wipe oore nbẹ ni ara ọlọsẹbọ opurọ yii ki ba mu wọn gbọ ohun ti yoo se wọn ni anfaani, wọn ko ba ri awọn awijare ati awọn ẹri ni ọdọ Rẹ, sugbọn O ti mọ wipe ko si oore lara wọn, ti Ọlọhun Ọba ti mimọ nbẹ fun ba ti ẹ fun wọn gbọ -ni ojupọnna jijẹ ọranyan ati odiwọn- wọn ko ba gunri kuro nibi igbagbọ ati sise orikunkun, wọn ko ba si jẹ olusẹri kuro.
يَٰٓأَيُّهَا ٱلَّذِينَ ءَامَنُواْ ٱسۡتَجِيبُواْ لِلَّهِ وَلِلرَّسُولِ إِذَا دَعَاكُمۡ لِمَا يُحۡيِيكُمۡۖ وَٱعۡلَمُوٓاْ أَنَّ ٱللَّهَ يَحُولُ بَيۡنَ ٱلۡمَرۡءِ وَقَلۡبِهِۦ وَأَنَّهُۥٓ إِلَيۡهِ تُحۡشَرُونَ 24
Ẹyin ti ẹ nigbagbọ ninu Ọlọhun Ọba Allah, ti ẹ si ntẹle ojisẹ Rẹ, ẹ jẹ ipe Ọlọhun Ọba Allah pẹlu ki ẹ tẹri ba fun asẹ ti O pa ati jijina si ohun ti O kọ fun ni kuro nibẹ nigbati wọn ba pe yin fun ohun ti o jẹ ododo ninu isẹmin yin, ki ẹ si lọ mọ amọdaju wipe Ọlọhun Ọba lagbara lori gbogbo nkan, O lagbara lati gaga si aarin yin ati itẹriba fun ododo nigbati ẹ ba tun gbero rẹ lẹyin igbati ẹ gunri si, ki ẹ yara lọ si ibẹ, ki ẹ si mọ amọdaju wipe ọdọ Rẹ nikan ni ẹyin yoo kojọ si ni ọjọ igbende, yoo si san yin lẹsan lori isẹ yin eyiti ẹ se ni ile aye.
وَٱتَّقُواْ فِتۡنَةٗ لَّا تُصِيبَنَّ ٱلَّذِينَ ظَلَمُواْ مِنكُمۡ خَآصَّةٗۖ وَٱعۡلَمُوٓاْ أَنَّ ٱللَّهَ شَدِيدُ ٱلۡعِقَابِ 25
Ki ẹ sọra - ẹyin olugbagbọ ododo - nibi iya ti ko nii kan awọn ẹlẹsẹ ninu yin nikan, yoo kan ẹlẹsẹ ati ẹniti o yatọ sii, nigbati abosi ba nfi oju han, ti ko se yi pada, ki ẹ si mọ amọdaju wipe iya Ọlọhun Ọba le fun ẹniti o ba sẹ Ẹ; ki ẹ sọra kuro nibi ẹsẹ.
Ẹniti Ọlọhun Ọba ba nbẹ pẹlu rẹ ẹni aranse koda bi o jẹ ọlẹ ti onka rẹ kere, bibẹ pẹlu yii jẹ ibamun si nkan ti awọn olugbagbọ ododo ba se ninu awọn isẹ igbagbọ.
Olugbagbọ ododo jẹ ẹniti a fẹ ki o mu okunfa ti o se fi oju ri, ki o si tun se ohun ti Ọlọhun Ọba rẹ la bọ lọrun, lẹyin igba naa ki o wa gbara le Ọlọhun Ọba Allah, ki o fi ọrọ ti si lọdọ sugbọn didi otitọ aseyọri ati erongba jẹ ohun ti a gbọdọ fi silẹ fun Ọlọhun ti mimọ nbẹ fun.
Ẹri lori wipe Ọlọhun Ọba ko nii kọ igbagbọ tabi oore fun ẹnikẹni ayaafi ẹniti ko ba si oore lara rẹ wa ninu awọn aayah yii, oun ni ẹniti igbagbọ ko le dagba soke ni ọdọ rẹ, ko si le so eso ni ọdọ rẹ.
Dandan ni fun ẹru ki o pọ ni adua: irẹ ti o ma nyi ọkan pada, fi ọkan mi rinlẹ lori ẹsin rẹ, irẹ ti o ma ndari awọn ọkan, dari ọkan mi lọ si ibi titẹle tirẹ.
Ọlọhun Ọba Allah pasẹ fun awọn olugbagbọ ododo wipe wọn ko gbọdọ fi ibajẹ rinlẹ ni aarin wọn, ki iya maa ba kari gbogbo wọn.