ص

Se suuru - irẹ ojisẹ - lori ohun ti awọn olupurọ yii nsọ ninu ohun ti ko yọ ọ ninu, ki o si ranti ẹru wa daud alagbara lati le fi ga gbaga pẹlu awọn ọta rẹ ati suuru lori itẹle ti Allah, o jẹ ẹniti o ma nsẹri lọ si ọdọ Allah ni ọpọ pẹlu ironu piwada ati sise ohun ti yoo ma yọ ninu.

Dajudaju awa rọ oke fun dawud, ti o nse afọmọ lati ibi isafọmọ rẹ nigbati o ba nse afọmọ ni igbẹyin ẹsan ati akọkọ rẹ ni igba yiyọ oorun.

A si tun rọ ẹyẹ ti a daabobo si inu atẹgun, gbogbo jẹ olutẹle ti wọn si nse afọmọ niti titẹle e.

A fun ọla rẹ lagbara lati ibi ọwọ ti a fi ta a lọrẹ ati agbara ati aranse lori awọn ọta rẹ, a si tun ni jijẹ anọbi ati kongẹ nibi alamọri rẹ, a tun fun ni alaye ti o pe nibi gbogbo erongba ati ẹkunrẹrẹ nibi ọrọ ati idajọ.

Njẹ o wa ba ọ - irẹ ojisẹ - iro awọn onija meji kan nigbati wọn rapala lọ si ọdọ dawud ẹniti ọla nbẹ fun nibi aaye ijọsin rẹ.

Nigbati wọn wọle ti dawud ni ojiji, o wa jaya nibi wiwọle awọn mejeeji ni ọna yii ti wọn ko barẹ lati gbawọle, nigbati ijaya rẹ han si awọn mejeeji, o sọpe: mase bẹru; awa jẹ onija meji, ti ẹnikan ninu wa se abosi ẹnikeji, se idajọ laarin wa pẹlu deedee, ma si se fi si ibikan nigbati o ba dajọ laarin wa, ki o si tọ wa si oju ọna eyiti o dọgba eyiti o jẹ oju ọna ti se deedee.

Ọkan ninu awọn oluja meji sọ fun Dawud ẹniti ọla nbẹ fun: dajudaju arakunrin yii jẹ ọmọ iya mi, o ni aadọrun din ni ẹyọkan agutan, emi si ni agutan kan, o tun wa nwa lọdọ mi ki nfun ni ẹyọkan naa, o si bori mi nibi awijare.

Dawud dajọ laarin awọn mejeeji, o wa sọrọ ni ẹniti o nda oju kọ ẹniti o npe apemọra yii: ọmọ iya rẹ ti se abosi rẹ nigbati o bi ọ leere ki o mu ẹran kan rẹ wa sibi awọn ẹran tirẹ, bẹẹni dajudaju ọpọ ninu awọn olubanisepọ apakan wọn ma nkọja ẹnu aala si apakan pẹlu ki o gba ẹtọ rẹ, ki o si mase dọgbandọgba ayaafi awọn olugbagbọ ododo ti nse awọn isẹẹre, awọn ni wọn ma nse dọgba pẹlu akẹgbẹ wọn, ti wọn kii se abosi si wọn, sugbọn awọn ti o gba iru iroyin yii kere, dawud mọ amọdaju ẹniti ọla nbẹ fun wipe dajudaju a ko sinu idaamun pẹlu ija yii ni, o wa wa aforijin ni ọdọ Ọlọhun rẹ, o wa fi orikanlẹ niti isunmọ Allah, o si sẹri lọ si ọdọ Rẹ.

Awa da lohun, a si fi ori eleyi jin in, dajudaju o wa ninu awọn olusunmọ ni ọdọ Wa, o si tun ni ibusẹri si daadaa ni ọrun.

Irẹ Dawud Awa ni A sọ ọ di arole lorilẹ, ti o nmu awọn idajọ sẹ ati awọn ofin ẹsin ati ti aye, ki o ya maa dajọ laarin awọn eniyan pẹlu deedee, ki o si mase tẹle ifẹ inu nibi idajọ rẹ laarin awọn eniyan; pẹlu ki o fi si ọdọ ẹnikan ninu awọn onija meji nitori isunmọ tabi ijọrẹ tabi ki o yẹ kuro ni ọdọ rẹ nitori ibasọta, ki ifẹ inu maa ba sọ ọ nu kuro ni oju ọna Allah ti o duro tọ, dajudaju awọn ti o sọnu kuro ni oju ọna Allah ti o duro tọ, iya ti o lagbara nbẹ fun nitori igbagbe wọn nipa ọjọ isiro; nitoripe ti wọn ba ranti rẹ ni, ti wọn si npaya ọjọ naa, wọn ko ba ti fi si ibi awọn ifẹ inu wọn.