البقرة

Ọlọhun Allah fi lelẹ fun awọn oloju-eji yii apẹrẹ meji:- apẹrẹ onina ati apẹrẹ olomi, ẹ ko ri apẹrẹ wọn ti o jẹ ti onina:- wọn da gẹgẹ bi ẹni ti o tan ina kan kalẹ lati fi rina, nigbati imọlẹ rẹ waa gbilẹ, ti o si lero pe oun yoo se anfaani pẹlu imọlẹ rẹ, ni ina yii ba ku, ni ohun ti o wa ninu rẹ ni imọlẹ si lọ, ti o waa sẹku ninu rẹ ejoona, ti awọn ti wọn ni ina yii si wa ninu okunkun, ti wọn ko si ri nkankan, ti wọn ko si mọ oju ọna.

Awọn wọnyi ni aditi, ti wọn ko gbọ ododo ni gbigbọ gbigba, ti wọn si jẹ odi, ti wọn ko maa sọ ododo, ti wọn si jẹ afọju ti ko rina ri ododo, ti wọn ko si lee pada kuro nibi anu wọn.

Atipe apẹrẹ wọn ti o jẹ ti olomi:- wọn da gẹgẹ bi ojo ti o pọ lati inu ẹsujo kan, ti o wa ninu rẹ okunkun biribiri ati ara ati mọnamọna to sọkalẹ lori awọn ijọ kan, ti iwariri ti o le si mu wọn, wọn ba bẹrẹ sii fi di eti wọn awọn ọmọnika wọn latari lile ohun ara, ni ẹni ti npaya iku, ati wipe Ọlọhun Allah rọkirika awọn Kaafiri, ti wọn ko si le kagara ba A.

Lile iro yanran-yanran ara, ati titan gboo rẹ fẹẹ le mu eti wọn lọ, ni gbogbo igba ti mọnamọna ba tan fun wọn, ti o si mọlẹ, wọn yoo sun si iwaju ati wipe nigbati ko ba tan imọlẹ, wọn yoo maa bẹ ninu okunkun, wọn ko si ni agbara lati gbera, ti o ba jẹ wipe Ọlọhun Allah fẹ ni, Ko ba mu igbọran wọn lọ ati iriran wọn pẹlu agbara Rẹ ti o ko gbogbo nkan sinu; ti ko si ni pada si ọdọ wọn nitori igunri wọn kuro nibi ododo. Ojo waa jẹ apẹrẹ fun Alukuraani, ti ohun ara si jẹ apẹrẹ fun ohun ti o wa ninu rẹ ninu ijagbemọ, ti imọlẹ mọnamọna si jẹ apẹrẹ fun ihan ododo si wọn ni igba miran, ti o si se didi eti wọn nibi ilekoko ara ni apẹrẹ fun igunri wọn kuro nibi ododo ati aijẹpe ododo, atipe ojupọna afijọ ti o nbẹ laarin awọn oloju-eji ati awọn ti o ni apẹrẹ mejeeji, ohun ni airi anfaani, o nbẹ nibi apẹrẹ onina, ẹniti o tan an, ti ko se anfaani ju okunkun lọ ati ẹjo rẹ, ati wipe o nbẹ nibi apẹrẹ olomi: awọn ti wọn ni ojo sugbọn ti wọn ko se anfaani ju ohun ti ndẹru ba wọn ati ohun ti o jagbe mọ wọn ninu ara ati mọnamọna, ati wipe bayi ni awọn Munaafiki ko se ri anfaani ninu Islam ayaafi lile ati ilekoko.

Nigbati Ọlọhun Allah sọ oniranran awọn eniyan ninu awọn Mususlumi ati awọn Kaafiri pẹlu awọn oloju-eji, O npe wọn lapapọ ni ẹni ti npe wọn lọ si ibi ise lọkan soso pẹlu ijọsin, O wa sọ wipe:

Mo pe ẹyin eniyan, ẹ maa sin Ọlọhun Ọba yin ni Oun nikan soso yatọ si ẹlomiran; toripe Oun ni Ẹni ti O da yin, bẹẹ si ni awọn ijọ ti o siwaju yin, ni irankan ki ẹ le fi gaga si aarin yin ati iya Rẹ pẹlu titẹle awọn asẹ Rẹ ati jijina si awọn ohun ti O kọ.

Oun ni Ẹniti O se ilẹ fun yin ni itẹ, ti O tẹ pẹrẹsẹ, ti O si se sanmọ soke re ni ohun ti mimọ rẹ duro tọ, Oun si ni Ẹniti O se idẹra pẹlu sisọ ojo kalẹ, ti Yoo si fi mu jade pẹlu rẹ awọn oniranran eso lati inu ilẹ ki o le baa jẹ ijẹẹmu fun yin, ẹ mase fun Ọlọhun Allah ni awọn akẹgbẹ ati awọn alafiwe, ti ẹyin si mọ wipe dajudaju ko si ẹni ti o da ẹda ju Ọlọhun Ọba Allah lọ, Ọba Abiyi, ti O si gbọngbọn.

Ati wipe biotilẹjẹ wipe - ẹyin ti ẹ jẹ ọmọniyan yii - wa ninu iyemeji nipa Alukuraani eyiti A sọkalẹ fun ẹru Wa tii se Muhammad (ki ikẹ ati ọla Ọlọhun maa ba) , A si npeyin nija pẹlu wipe ki ẹ mu ọgba ọrọ Alukuraani kan wa, ti yoo se deede rẹ, koda ki o jẹ suurah ti o kere ju ninu rẹ, atipe ki ẹ pe gbogbo ẹniti ẹ ba ni ikapa ninu awọn alaranse yin, ti ẹ ba jẹ olododo nibi nkan ti ẹ npe apemọra rẹ.

Ti ẹ ko ba le se ohun ti A tọka si yii - ẹ ko le kapa lori rẹ lailai -, ki ẹ wa paya ina eyiti wọn yoo maa ko pẹlu awọn ọmọniyan ti wọn ni ẹtọ si iya ati pẹlu awọn oniranran okuta ninu eyi ti wọn njọsin fun, ati eyiti o yatọ sii. Ọlọhun Allah pese rẹ kalẹ, ti O si tun fi kalẹ fun awọn Kaafiri.