الأعراف

Ranti - ire ojise - nigbati awọn ijọ kan ninu wọn kọ fun yin kuro nibi nkan ti ko dara yii, awọn ijọ miran sọ fun wọn: ki lo de ti ẹ fi nse ikilọ fun awọn ijọ kan, ti Ọlọhun Ọba Allah yoo pa wọn run ni laye nitori ohun ti wọn da lẹsẹ, tabi ki O fi iya ti o le koko jẹ wọn ni ọjọ igbende? Awọn ti nse ikilọ yii sọpe: ikilọ wa si wọn jẹ awijare si ọdọ Ọlọhun Ọba pẹlu wipe a ti se ohun ti O pa wa lasẹ, ki a maa pa sẹ daradara, ki a si maa kọ kuro nibi nkan ti ko tọ, ti ko fi nii le gba wa mu nibi gbigbe eleyi ju silẹ, wọn si tun le se anfaani pẹlu isiti yii, ki wọn si hu ẹsẹ wọn tegbotegbo kuro nibẹ.

Nigbati awọn ẹlẹsẹ gunri kuro nibi ohun ti awọn onikilọ se fun wọn, ti wọn ko si jawọ, a laa awọn ti nkọ fun wọn kuro nibi iya, a si gba awọn alabosi mu pẹlu kikọja ẹnu aala wọn pẹlu didẹdẹ ni ọjọ asibi pẹlu iya ti o le koko, ati nitori kikuro nibi itẹle ti Ọlọhun Ọba ati wiwo mọ ẹsẹ.

Nigbati wọn kọja ẹnu aala nibi sisẹ Ọlọhun Ọba niti igberaga ati orikunkun, ti wọn ko si gba isiti, a sọ fun wọn: ẹyin ẹlẹsẹ, ẹ di ọbọ iyẹpẹrẹ; wọn si di bi a se gbero, dajudaju asẹ wa si ohun kohun nigbati a ba gbero rẹ, ni ki a sọ fun wipe, jẹ bẹ, yoo si maa ri bẹ.

Ranti - ire ojise - nigbati Ọlọhun Ọba fi mọ awọn eniyan, ni ifimọ ti o fi oju han, ti ko si iruju nibẹ ki o le mu ẹniti yoo fi iyẹpẹrẹ ba yahuudi ni isẹmi aye wọn titi di ọjọ igbende, dajudaju Ọlọhun Ọba rẹ - ire ojise - jẹ olukanju fi iya jẹ ẹniti o ba sẹ Ẹ debi wipe O le kanju fi iya jẹ ni ile aye, ti O si tun jẹ olufi ori ẹsẹ jin ẹniti o ba sẹ Ẹ ninu awọn ẹru Rẹ ati olukẹni si wọn.

A fan wọn ka ni ori ilẹ, a si se wọn ni ọtọọtọ lẹyin igbati wọn ti wa papọ, ẹniire ti o duro ti iwọ ti Ọlọhun Ọba Allah wa ninu wọn ati iwọ awọn ẹru Rẹ, o si wa ninu wọn oniwọ tun wọn si, bakanna ni o wa ninu wọn awọn olukọja ẹnu aala pẹlu dida ẹsẹ, a wa dan wọn wo pẹlu idẹkun ati inira ki wọn le sẹri kuro nibi ohun ti wọn wa.

Awọn ẹni aburu wa lẹyin awọn eleyi ti wọn si role wọn, wọn mu taoreeta ni ọdọ awọn ẹni isiwaju wọn, wọn ka a, wọn ko si lo ohun ti ko bẹ nibẹ, wọn ngba dukia aye yẹpẹrẹ niti owo ẹyin lati yi iwe Ọlọhun Ọba pada, ati didajọ pẹlu ohun ti Ọlọhun Ọba ko sọkalẹ, wọn si nfi si ọkan wipe Ọlọhun Ọba yoo fi orijin awọn nibi ẹsẹ wọn, ti adun ile aye ba wa ba wọn, wọn yoo ri aye sa niti ẹniti yoo maa mu ni ẹyọ kọọkan, se kii se wipe Ọlọhun Ọba ti gba adehun ti o yi ni ọdọ awọn eniyan wọnyi wipe ki wọn ma sọ ju ododo lọ nipa Ọlọhun Ọba Allah, laini si ipalofo ati iyipada?! Gbigbe lilo iwe naa ju silẹ kii si ti aimọkan fun wọn, bikose wipe pẹli imọna, wọn ti kaa ohun ti o wa nibẹ, wọn si mọ ọ, ẹsẹ wọn le koko, ile ọrun ati ohun ti nbẹ ninu ile naa ninu idẹkun gbere loore ju igbadun eyiti yoo kuro lọ fun awọn ti wọn npaya Ọlọhun pẹlu wipe wọn npaya Ọlọhun Ọba, wọn si njinna si ohun ti O kọ, se awọn ti wọn di igbadun yi mu ko wa se laakaye ni wipe ohun ti Ọlọhun Ọba Allah pese silẹ fun awọn olupaya Ọlọhun Ọba lọrun loore, ti yoo si maa sẹku lọ?!

Awọn ti gba iwe naa mu, ti wọn si nlo ohun ti o wa ninu rẹ, ti wọn ngbe irun duro pẹlu sisọ awọn asiko rẹ ati awọn majẹmu rẹ, ati awọn nkan ọranyan bẹ ati ikọse anọbi rẹ, Ọlọhun Ọba Allah yoo san wọn lẹsan lori isẹ wọn, Ọlọhun Ọba Allah ko nii ra ẹsan ẹniti o ba se isẹẹre lare.