ق

Paapaa a si ti da ọmọniyan, a si mọ ohun ti o nba ẹmin rẹ sọ ninu awọn ohun ti o nro wuyẹ ati awọn ero, a si jẹ ohun ti o sun mọ ju isan ti o wa ni ọrun rẹ ti o so papọ mọ ọkan lọ.

Nigbati Malaika meji pade ti isẹ awọn mejeeji si pade ara wọn, ọkan ninu wọn joko ni ẹgbẹ ọtun rẹ, ekeji si joko ni abala osi rẹ.

Ko sọ gbolohun kankan ayaafi ki Malaika olumojuto ohun ti o sọ wa nibẹ.

Lilekoko iku de ni ti ododo ti ko si ibusakuro nibẹ eleyi jẹ ohun ti o - irẹ ọmọniyan afọnu - njinna si, ti o si nsa.

Malaika ti a la fifan fere bọ lọrun fan si inu iwo ni ifan ẹlẹẹkeji, eleyi jẹ ọjọ igbende, ọjọ adehun iya fun awọn keferi ati iya fun awọn ẹlẹsẹ.

Ẹmin kọọkan yoo de pẹlu Malaika ti ndari rẹ ati malaika ti yoo maa fi awọn isẹ rẹ jẹri le wọn lori.

Wọn yoo wa maa sọ fun eniyan ti wọn da a lọ yii: paapaa o ti wa ninu aimọkan nipa ọjọ yii nitori igba itanjẹ rẹ pẹlu yodoyindin rẹ ati adun rẹ, a waa mu ifọnu rẹ kuro lati ibi ohun ti o fi oju rẹ ri ninu iya ati ibanujẹ, oju rẹ wa di ohun ti o mu yanran ti o fi le ri ohun ti o ti fọnu nipa rẹ,

Ẹnikeji rẹ ti a la ọrọ rẹ bọ lọrun ninu awọn malaika waa sọpe: eleyi ni isẹ rẹ ti o bẹ pẹlu mi, ti ko ni ẹdinku tabi alekun.

Allah yoo wa sọ fun awọn Malaika meji eyiti o ndari ati eyiti o njẹri: ẹ ju u gbogbo alaimoore si ododo ati olorikunkun si jahannamọ.

Olutako lọpọ si ohun ti Allah se lọranyan le lori ninu ododo, olukọja awọn ẹnu aala Allah, oniyemeji si ohun ti wọn fun niro rẹ ninu adehun daadaa tabi adehun iya.

Ẹniti o nmu nkan ijọsin miran mọ Allah, ti o sẹbọ pẹlu Rẹ nibi ijọsin, ẹ ju u si ina iya ailekoko.

Akẹgbẹ rẹ ninu awọn esu yoo sọ ni ẹniti o nbọpa kuro nibẹ: Ọlọhun wa, nko si i lọna sugbọn o wa ni ọna anu ti jinna si ododo.

Allah sọpe: ẹ mase ifanfa lọdọ ni ko si anfaani nibi eleyi, paapaa mo ti ti siwaju fun yin ni ile aye ohun ti awọn ojisẹ Mi mu wa ninu adehun iya ti o le fun ẹniti o ba se keferi pẹlu Mi ti o si yapa Mi.

Wọn kii yi gbolohun pada lọdọ mi, bẹẹni wọn kii yapa adehun, nko si ni se abosi fun ẹru pẹlu dindin awọn daadaa wọn ku, tabi lile awọn asise wọn kun bikosepe emi yoo san wọn lẹsan pẹlu ohun ti wọn ba se.

Ọjọ ti A o sọ fun jahannamọ: njẹ o ti kun pẹlu ohun ti wọn ju si ọ ninu awọn keferi ati awọn ẹlẹsẹ? Yoo wa fesi fun Ọlọhun rẹ, njẹ alekun wa bi? Lati beere fun alekun; ni ẹniti o binu nitori Ọlọhun ỌBa rẹ.

Nigbati Allah sọ adehun iya ti o le koko fun awọn keferi, o tun sọ ohun ti o pese fun awọn ẹru Rẹ olugbagbọ ododo, O wa sọpe:

Wọn sun ọgba idẹra naa mọ awọn olugbagbọ ododo si Ọlọhun wọn pẹlu mimu awọn asẹ Rẹ sẹ ati jijinna si awọn ohun ti O kọ, wọn si fi oju ri idẹkun ti o wa nibẹ ni ohun ti ko jinna si wọn.

Wọn si sọ fun wọn: eleyi ni ohun ti Allah se ni adehun fun gbogbo olusẹrisi ọdọ Ọlọhun Ọba rẹ pẹlu ironu piwada, olumojuto ohun ti Ọlọhun rẹ pa ni dandan fun.

Ẹniti o ba bẹru Allah ni kọkọ nibiti ẹnikankan ko ti le ri ayaafi Allah, ti o si pade Allah pẹlu ọkan ti o mọ, ti o si da oju kọ Allah, ti o jẹ ọlọpọ isẹri si ọdọ Rẹ.

Wọn yoo wa sọ fun wọn wipe: ẹ wọ ọgba idẹra naa ni wiwọ ibarẹ alaafia kuro nibi ohun ti ẹ korira, ọjọ yii ni ọjọ isẹku ti ko si titan lẹyin rẹ.

O nbẹ fun wọn, ohun ti wọn nifẹ si ninu idẹkun ti ko nii tan, idẹkun ti oju ko ri ri, ti eti ko si gbọ ri, ti ko si ru wuyẹ lori ọkan abara ni alekun nbẹ lọdọ Wa ninu rẹ ni riri Allah ti mimọ nbẹ fun.