الشورى

Awọn ti wọn njiyan pẹlu awọn awijare ibajẹ ninu ẹsin yii ti a sọkalẹ fun Muhammad ẹniti ikẹ ati ọla nbẹ fun lẹyin igbati awọn eniyan ti jẹpe rẹ, awọn ẹri awọn olujiyan yii jẹ nkan ti o ti lọ, ti o si ti bọ lọdọ Ọlọhun ati lọdọ awọn olugbagbọ ododo, ti ko si oripa fun un, ibinu Allah si wa lori wọn nitori keferi wọn ati kikọ ododo, iya ti o le koko si nreti wọn ni ọjọ igbende.

Nigbati O salaye awọn awijare awọn keferi, O tun salaye ipilẹ awọn awijare ti lalaafia eyiti musulumi le fi se ẹri, ohun si ni Alukuraani, O wa sọ wipe:

Allah Ẹniti o sọ Alukuraani kalẹ pẹlu ododo ti ko si iyemeji nibẹ, O si tun sọ deedee kalẹ ki O le ma se idajọ laarin awọn eniyan pẹlu dọgba, paapaa a siko ti awọn eniyan yii npe ni irọ si ti sun mọ, ohun ti a si mọ nipe gbogbo ohun ti nbọ ti sun mọ.

Awọn ti ko nigbagbọ si I nwa yarayara rẹ nitoripe wọn ko nigbagbọ si isiro tabi ẹsan tabi iya, sugbọn awọn ti o nigbagbọ ninu Allah jẹ olupaya ninu rẹ nitori ipaya wọn lori ibusẹri si wọn nibẹ, wọn si mọ imọ amọdaju wipe ododo ni eyiti ko si iyemeji nibẹ, tẹti gbọ dajudaju awọn ti o ja asiko ikẹyin niyan ti wọn si nse ifanfa le lori, ti wọn si tun nse iyemeji si sisẹlẹ rẹ, paapaa wọn wa ninu anu ti o jinna si ododo.

Allah jẹ alaanu si awọn ẹru Rẹ, O ma nse aranse fun ẹniti o ba wu U, yoo si gba laaye arisiki, O si ma nfun ikẹ Rẹ mọ ẹniti o ba wu U ni ibamu si bi o se fẹ ki o sẹlẹ ati aanu rẹ, Oun si ni alagbara ti ẹnikankan ko le bori Rẹ, oniyi eyiti o ngbẹsan lara awọn ọta Rẹ.

Ẹniti o ba ngbero ẹsan ọrun, ti o si nsisẹ fun, a o se adipele ẹsan fun un, daadaa kan yoo se deedee apejuwe mẹwa rẹ titi yoo fi de ọgọrun meje adipele titi de awọn adipele ti o pọ, ẹniti o ba si nfẹ aye nikan, a o fi ni ipin rẹ ti wọn ti kadara fun un sugbọn ko si ipin kankan fun un ni ọrun nitoripe o gbe ọla fun aye le lori.

Tabi Ọlọhun miran yatọ si Allah nbẹ fun awọn ẹlẹbọ yii ni, ti wọn si ti se lofin fun wọn ninu ẹsan ohun ti Allah ko fi ọwọ si ninu ofin gẹgẹ bi sise ẹbọ pẹlu Rẹ ati sisọdeewọ ohun ti o se lẹtọ, ati sisọ dẹtọ ohun ti o se leewọ, ti kii ba se ohun ti Allah fi lelẹ ninu asiko ti o ni aala lati se atunse laarin awọn oluyapa meji ati dajudaju O nlọ wọn lara lọsi ibẹ lati se atunse laarin wọn ati wipe dajudaju iya inira nbẹ fun awọn ti wọn se abosi fun ẹmin ara wọn lati ibi sise ẹbọ si Allah ati awọn ẹsẹ, iya ẹta-ero nreti wọn ni ọjọ igbende.

Iwọ yoo ri - irẹ ojisẹ - awọn ti o se abosi si ẹmin ara wọn pẹlu sise ẹbọ ati awọn ẹsẹ ni ẹniti yoo maa paya kuro nibi iya naa nitori ẹsẹ ti wọn ti ko jọ, bẹẹni iya yoo sẹlẹ si wọn ti ko si ibuyẹ, ipaya wọn lasan kuro nibi ironu piwada ko le se wọn ni anfaani, awọn ti wọn nigbagbọ ninu Allah ati awọn ojisẹ Rẹ ti wọn si nsisẹẹre wa lori idakeji ti wọn; awọn yoo wa ninu awọn ọgba idẹra ti wọn yoo maa gbadun, ohun ti wọn nfẹ ni ọdọ Ọlọhun Ọba wọn ninu awọn oniranran idẹkun eyiti ko nii ja lailai wa fun wọn, eleyi si ni ọla ti o tobi, ti ọla kankan ko sun mọ.