الأحزاب

Sọ - irẹ ojisẹ - fun awọn wọnyi: sisa yin ko le se yin lanfaani ti ẹ ba sa kuro nibi ogun niti ipaya iku tabi pipa; nitoripe asiko ti ni ebubu, ti ẹ ba wa sa ti asiko yin ko si tii to, ẹ ko le gbadun isẹmin aye ayaafi fun asiko diẹ.

Sọ fun wọn - irẹ ojisẹ -: taani o nkọ fun kuro ni ọdọ Allah, ti o ba gbero ohun ti ẹ ko fẹ fun yin ninu iku tabi pipa, tabi O gbero ohun ti ẹ nrankan fun yin ninu alaafia tabi rere, ko si ẹnikẹni ti o le kọ fun yin nibẹ, awọn sọbẹ selo yii ko le ri alatilẹyin yatọ si Allah ti yoo la ọrọ wọn bọrun, bẹẹni ko si alaranse ti yoo kọ fun yin kuro nibi iya Allah ti o ba se fun wọn.

Ọlọhun Ọba Allah ti mọ awọn oludi ninu yin mọ awọn miran kuro nibi ogun jija pẹlu ojisẹ Allah - ti ikẹ ati ọla nbẹ fun - ati awọn ti o nsọ fun awọn ọmọ iya wọn: ẹ wa si ọdọ wa, ẹ mase jagun pẹlu rẹ ki wọn maa ba pa yin, nitoripe awa nbẹru pipa yin, bẹẹni awọn wọnyi ti wọn ndagunla ko nii wa si ogun, bẹẹni wọn ko nii kopa nibẹ ayaafi igba ti o kere; ki wọn le daabobo ẹmin wọn kuro nibi osi, kii se la ti se aranse fun Allah ati ojisẹ Rẹ.

Wọn jẹ ahun si yin - ẹyin olugbagbọ ododo - pẹlu awọn dukia wọn, wọn ko nii ran yin lọwọ pẹlu nina a, wọn si tun jẹ ahun si ẹmin ara wọn, wọn ko nii jagun pẹlu yin, wọn tun jẹ ahun pẹlu ifẹ wọn, wọn ko si ni nifẹ yin, nigbati ipaya ba de nigba ipade ọta, iwọ yoo ri wọn ti wọn yoo maa gbe oju wo ọ -ire ojise- oju wọn yoo maa yipo niti ojo gẹgẹ bi yiyi oju ẹniti o npọka iku, nigbati ipaya ba kuro fun wọn, ti wọn fi ọkan balẹ, wọn yoo maa fi ọrọ lati ori ahọn wọn ti o mu se yin ni suta niti sise ahun lori awọn ọrọ ti eyiti wọn nwa, awọn wọnyi ni a fi iroyin yii royin, wọn ko nigbagbọ lododo, Allah waa ba ẹsan isẹ wọn jẹ, biba a jẹ si jẹ ohun ti o rọrun fun Allah.

Awọn ojo yii nlero wipe awọn ijọ ti a kọ lẹkọ fun jija ojisẹ Allah logun ti ikẹ ati ọla nbẹ fun ati jija awọn olugbagbọ ododo logun, wọn ko le lọ titi wọn yoo fi pa awọn olugbagbọ ododo finfin, ti wọn ba pebubu ki awọn ijọ naa wa ni igba miran, awọn sọbẹ selu yii yoo nifẹ si ki wọn jade kuro ni inu ilu pẹlu awọn larubawa oko, wọn yoo maa beere nipa awọn iroyin yin: kinni o sẹlẹ si yin lẹyin ti ọta yin pa yin? Ti wọn ba wa ninu yin - ẹyin olugbagbọ ododo - wọn ko nii jagun pẹlu yin ayaafi igba diẹ, ẹ mase ka wọn kun, ẹ si mase banujẹ le wọn lori.

Paapaa awokẹse ti o dara ti nbẹ fun yin nibi ounti ojisẹ Allah sọ fun yin, ti o si duro tii, ti o si nse e, ohun gan gan ti o ni apọnle ti wa, o si bọ si oju ogun, bawo ni ẹyin gangan se wa nse ahun si ẹmin rẹ? ẹnikan ko nii kọse ojisẹ Allah - ti ikẹ ati ọla nbẹ fun - ayaafi ẹniti o nrankan ẹsan Allah ati ikẹ Rẹ, ti o si nrankan ọjọ ikẹyin ti o si nsisẹ fun un, ti o si nranti Allah ni iranti ti o pọ, sugbọn ẹniti ko rankan ọjọ ikẹyin, ti ko si ranti Allah lọpọ, dajudaju ko nii kọ se ojisẹ Rẹ - ti ikẹ ati ọla nbẹ fun -.

Nigbati awọn olugbagbọ ododo fi oju ri awọn ijọ ti o ko jọ lati pa wọn, wọn sọpe: eleyi ni ohun ti Allah ati ojisẹ Rẹ se ni adehun fun wa ninu awọn adanwo, idaamun ati aranse, Allah ati ojisẹ Rẹ sọ ododo nibi eleyi, paapaa o si ti ni imusẹ, riri wọn si awọn ijọ yii ko le nkankan fun wọn ju igbagbọ si Allah lọ ati itẹriba fun Un.