الكهف

Nigbati ẹ ba jinna si ijọ yin, ti ẹ si fi ohujn ti wọn nsin yatọ si Allah silẹ, ti ẹ ko sin nkankan ayafi Allah nikan soso, ki ẹ yaa lugọ si inu hiho kaafi niti sisa pẹlu ẹsin yin, Ọlọhun yin ti mimọ nbẹ fun yoo tẹ ikẹ Rẹ fun yin eyiti yoo daabobo yin kuro nibi ọta yin, ti yoo si sọ yin, ti yoo si sọ alamọri ọrọ yin di irọrun fun yin ninu ohun ti o le se yin ni anfaani ninu ohun ti o le rọpo isẹmin yin laarin awọn ijọ yin.

Wọn si se ohun ti wọn pa wọn lasẹ rẹ, Ọlọhun allah si fi oorun kun wọn, O si sọ wọn nibi ọta wọn, iwọ yoo ri –iwọ ti o nwo wọn- oorun nigbati o yọ ni ibuyọ rẹ, ti yoo yẹ kuro nibi hiho wọn si ẹgbẹ ọtun ninu rẹ, ti o ba si wọ ni igba wiwọ rẹ, yoo kuro nibẹ si ẹgbẹ osi rẹ, ko nii kan an, wọn yoo maa wa ninu iboji lailai, ooru orun ko ni se wọn ni suta, wọn yoo wa ni ipo ẹni igbalaaye ninu koto naa, atẹgun ti nwọn ni bukaata si yoo maa ba wọn nibẹ, eleyi yoo maa sẹlẹ si wọn nibi sisinmin si inu koto naa ati fifi oorun kun wọn ati yiyẹ oorun kuro ni ọdọ wọn ati fifẹ aaye wọn ati lila wọn kuro ni ọdọ awọn ijọ wọn: inu eemọ isẹ Ọlọhun Ọba Allah ti o tọka si agbara Rẹ, ẹniti Allah ba fi se kongẹ oju ọna imọna, oun ni olumọna tootọ, ẹniti o ba dagunla si kuro nibẹ, ti O si sọ ọ nu, ko le si alaranse fun un ti yoo fi se kongẹ imọna, ti yoo waa tọ si ibẹ; nitoripe dajudaju imọna wa ni ọwọ Allah bẹẹni ko si ni ọwọ rẹ.

Iwọ yoo lero pe - iwọ ti o wo wọn - wọn taji nitori yiyaju silẹ wọn eyiti o si sẹlẹ nipe wọn jẹ ẹniti o sun, a si nyi wọn pada ni oorun wọn ni asiko kan ati asiko miran si ẹgbẹ osi titi ti ilẹ ko fi ni le jẹ ẹran ara wọn, aja wọn eyiti o pẹlu wọn nan gbọndan apa rẹ mejeeji si ẹnu hiho naa, ti o ba naga wo wọn, ti o si ri wọn, iwọ yoo pẹyin da kuro ni ọdọ wọn niti sisa ati ibẹru lara wọn, bẹẹni ijaya yoo kun ẹmin rẹ lati ara wọn.

Gẹgẹ bi a se se pẹlu wọn ninu ohun ti a sọ ninu eemọ agbara wa, a ta wọn ji lẹyin asiko ti o gun ki apakan wọn le maa beere lọwọ apakan nipa asiko ti wọn lo ni oju oorun, apakan wọn si dahun: a lo ọjọ kan ni ẹniti o sun tabi abala ọjọ, bẹẹni apakan ninu wọn naa fesi ninu awọn ti asiko ti wọn nlo ko han si: Ọlọhun Ọba yin ni O nimọ asiko ti ẹ lo ni oju oorun, ki ẹ fi imọ eleyi ti si ọdọ Rẹ, ki ẹ si ko airoju pẹlu oun ti o kan yin, bakanna ki ẹ ran ẹnikan ninu yin pẹlu owo fadaka yin yii lọsi ilu wa eyiti a ti mọ, ki o lo wo ẹniti o ni onjẹ ti o dara ju ati eyiti o maa se ju, ki o si lọra nibi wiwọ le rẹ ati jijade rẹ ati ibasepọ rẹ, ki o si lẹ bẹbẹ, ki o mọ jẹ ki ẹnikankan mọ aaye yin; nitori inira ti o tobi ti yoo ti ẹyin rẹ jade.

Dajudaju awọn ijọ yin ti wọn ba wo yin, ti wọn si mọ aaye yin, wọn yoo lẹko pa yin tabi ki wọn da yin pada si oju ọna wọn eyiti o ti o ti yẹ kuro ni oju ọna ti ẹ wa siwaju ki Ọlọhun Ọba Allah too se idẹkun le yin lori lọsi imọna lọsi ibi ẹsin ododo, ti ẹ ba pada sibẹ, ẹ ko nii jere lailai, ko nii si ni isẹmin aye bẹẹni ko nii si lọrun, bikosepe ẹ o sofo ni ibi mejeeji ni ofo ti o tobi nitori gbegbe ẹsin ododo ju silẹ eyiti Ọlọhun Ọba tọ yin si ọna rẹ ati sisẹri yin lọsi oju ọna ti o ti yẹ.