الرعد

Ti Allah nikan ni ipepe ijọkan soso, ẹnikankan ko ba kẹgbẹ nibẹ, awọn ẹbọ ti awọn ẹlẹbọ npe ko le jẹpe wọn nibi eyikeyi ibeere, pipee wọn ko jẹ nkankan ju apejuwe ẹni ongbẹ ngbẹ ti o yaka tẹwọ sibi omin, ki omin le de ẹnu rẹ, ki o si mu nibẹ, omin ko le de ẹnu rẹ, bẹẹ ni adua keferi si ẹbọ, ko jẹ nkankan ayaafi irare ati jijinna si kongẹ lọ; toripe ko nikapa lati mu anfaani wa fun un ati lati kọdi inira.

Ti Ọlọhun Allah nikan soso ni itẹriba iforikanlẹ gbogbo ẹniti nbẹ ni sanmọ ati ẹniti nbẹ ni ilẹ, dọgba ni olugbagbọ ati keferi jẹ nibi eleyi, bi otilẹ jẹ wipe olugbagbọ ntẹriba, o si nfi ori kanlẹ niti ẹwu, sugbọn keferi ntẹriba fun Un niti ijẹni nipa, yoo si pasẹ fun isẹda rẹ ki o tẹriba fun un niti ẹwu, Oun ni ooji gbogbo nkan ti o ni ooji ntẹ kọkọ fun ninu awọn ẹda, ni akọkọ ọsan ati igbẹyin rẹ.

Sọ - irẹ ojisẹ - fun awọn keferi ti wọn nsin nkan miran yatọ si Allah: taani ẹniti o da gbogbo sanmọ ati ilẹ, ti o si ndari gbogbo ọrọ mejeeji? Sọ wipe - irẹ ojisẹ -: Allah ni ẹniti o da mejeeji ti o si ndari alamọri wọn, bẹẹ ni ẹyin naa se afirinlẹ rẹ, sọ - irẹ ojisẹ - fun wọn: se ẹyin yoo mu awọn aayo miran ti wọn kagara ti o yatọ si Allah mọ Ọlọhun Ọba ni, wọn ko nikapa lati mu anfaani fun ẹmin ara wọn tabi mu aburu kuro fun un, bawo ni wọn se waa fẹẹ ni ikapa eleyi fun ẹniti o yatọ si wọn? Sọ fun wọn - irẹ ojisẹ - njẹ keferi ti o fọju, ti ko riran se deedee olugbagbọ ododo ti o riran, ti o si mọna? Tabi njẹ keferi ti o jẹ awọn okunkun se deedee igbagbọ eyiti o jẹ imọlẹ bi? Tabi wọn mu akẹgbẹ mọ Ọlọhun Ọba ti mimọ nbẹ fun nibi dida ni, ti wọn wa da iru ẹda Ọlọhun Ọba Allah, ti ẹda Allah waa daru mọ wọn loju pẹlu ẹda ẹniti wọn fi kẹgbẹ pẹlu Rẹ bi, sọ fun wọn - irẹ ojisẹ - Allah nikan soso ni asẹda gbogbo nkan, ko si orogun fun un nibi dida ẹda, Ohun ni aaso nibi jijẹ Ọlọhun ti o tọ ki a se ijọsin laaso fun, Ọba Olubori gbogbo nkan.

Ọlọhun Ọba Allah fi apejuwe lelẹ ki ibajẹ le parẹ ki ododo si sẹku lati ibi omin ojo ti o sọkalẹ titi ti o fi nsan de inu awọn ọgbun, oungbogbo ni ibamun odiwọn ara rẹ, kekere ni tabi titobi, bayi ni agbara omin yoo gbe awọn koriko ati ewe tutu ti o wa loke omin, O si tun fi apejuwe miran lelẹ fun wọn pẹlu apakan nkan ti awọn eniyan nko ninu awọn alumọni ti o niye lori, ni isoju kokoro yiyi i pada ati sise nkan ti awọn eniyan yoo maa fi se ọsọ nibẹ fun awọn eniyan pẹlu apejuwe meji yii, Ọlọhun Ọba nfi apejuwe ododo ati ibajẹ lelẹ, ibajẹ da gẹgẹ bi awọn koriko gbigbẹ ati awọn ẹrẹ ti o wa loke omin, bẹẹ ni apejuwe oun ti wọn nle jina da gẹgẹ bi alumọni ti a yi pada lati ibi nkan ti o dẹgun, sugbọn ododo da gẹgẹ bi omin ti o mọ kanga eyiti wọn nmu nibẹ, ti o mu awọn eso jade ati awọn ewebẹ ati awọn koriko tutu, bẹẹ ni apejuwe oun ti o sẹku ninu alumọni lẹyin igbagti a ti yi i pada ti awọn eniyan si nse anfaani nibẹ, gẹgẹ bi Ọlọhun Ọba Allah se fi apejuwe meji yii lelẹ, naa ni Ọlọhun Ọba Allah nse apejuwe fun awọn eniyan; ki ododo ati ibajẹ le fi oju han.

Ẹsan daadaa tii se alujannah nbẹ fun awọn olugbagbọ ododo ti o jẹpe Ọlọhun Ọba nibi ijọkan soso Rẹ ati itẹle asẹ Rẹ ti wọn pe wọn si, awọn keferi ti wọn ko jẹpe lọsi ibi ipepe ijọkan soso ati itẹle asẹ Rẹ, ti o ba se deede wipe wọn ni gbogbo ohun ti nbẹ ni ori ilẹ ni oniranran dukia, ti wọn tun ni adipele miran mọ ọ ni apejuwe; wọn ko ba na gbogbo rẹ lati fi daabobo ẹmin ara wọn kuro nibi iya, awọn wọnyi ni awọn ti ko jẹpe, wọn yoo sesiro lori asise wọn patapata, ibugbe wọn eyiti wọn yoo sẹri si ni jahannamọ, ibusun wọn yii buru ati ibudarisi wọn eyiti se ina.