يس

Ki o si gbe kalẹ - irẹ ojisẹ - apejuwe ti yoo jẹ ariwoye fun awọn opurọ olorikunkun naa ohun si ni itan awọn ara abule nigbati awọn ojisẹ wọn wa ba wọn.

Nigbati a ransẹ ojisẹ meji si wọn ni akọkọ ki wọn o le pe wọn lọ si ibi ọkan soso Allah ati ijọsin fun Un wọn si pe awọn ojisẹ mejeeji naa nirọ, a si ro wọn lagbara pẹlu riran ojisẹ kẹta pẹlu wọn, awọn ojisẹ mẹta naa waa sọ fun awọn ara abule naa: dajudaju awa –a jẹ mẹta- jẹ ojisẹ si yin ki a le pe yin lọ si ibi ọkan soso Allah ati titẹle ofin Rẹ.

Awọn ara abule sọ fun awọn ojisẹ naa: ẹ ko jẹ nkankan ju abara bi ti wa lọ, ẹ ko ni ẹsa kankan le wa lori, bẹẹni Ajọkẹ aye ko sọ imisi kankan kalẹ fun yin, bẹẹni ẹ ko jẹ nkankan ju oluparọ mọ Allah lọ nibi ohun ti ẹ npe ara yin yii.

Awọn ojisẹ mẹta naa sọrọ lati fesi lori ipenirọ ara abule: Ọlọhun Ọba wa mọ wipe a jẹ - ẹyin ara abule - ojisẹ lati ọdọ Rẹ, eleyi si to ni awijare fun wa.

Ohun ti o jẹ dandan fun wa ni ki a mu ohun ti wọn pa wa lasẹ rẹ de etigbọ yin niti hihan, a ko nikapa imọna yin.

Awọn ara abule naa sọ fun awọn ojisẹ: awa nronu aburu si yin, ti ẹ ko ba ja wọ nibi pipe wa lọ si ibi ijọkan soso, awa yoo fi iya jiju oko mọ yin titi ẹ o fi ku jẹyin, iya inira yoo si kan yin lati ọdọ wa.

Awọn ojisẹ sọrọ ni ifesi fun wọn: aburu yin yoo maa wa pẹlu yin nitori keferi yin si Allah ati gbigbe itẹle awọn ojisẹ ju silẹ, se ẹ o maa gbero aburu nigbati a ba nran yin leti Ọlọhun Ọba Allah ni? Bikosepe ẹ jẹ ijọ ti o nse aseju nibi gigunle keferi ati ẹsẹ.

Ọkunrin kan wa lati aaye ti o jinna ninu abule naa ni yarayara niti ipaya lori awọn ijọ rẹ nipa pipe awọn ojisẹ nirọ ati didẹru pipa ati suta ba wọn, o sọpe: ẹyin ijọ mi, ẹ tẹle ohun ti awọn ojisẹ wọnyi mu wa.

Ẹ tẹle - ẹyin ijọ mi - ẹniti ko nii beere ẹsan lọwọ yin lori fifi to yin leti ohun ti o fi mu wa, bẹẹni wọn jẹ ẹni imọna nibi ohun ti wọn fi nto yin leti lati ọdọ Allah ninu imisi Rẹ, ẹniti o ba jẹ iru eleyi o tọ ki wọn tẹle e.

Ọkunrin oluse isiti yii sọpe: kinni ohun ti yoo kọ fun mi nibi ijọsin Allah Ẹniti O da mi?! Kinni ohun ti o kọ fun yin nibi sinsin Ọlọhun Ọba yin eyiti o da yin, ọdọ Rẹ nikan si ni ẹ o sẹri si fun igbende lori ẹsan?!

Se emi yoo waa mu ẹlomiran yatọ si Allah eyiti o da mi ni ẹni ijọsin ni eyiti ko lẹtọ?! Ti Ọba Ajọkẹ Aye ba gbero aburu ro mi, isipẹ awọn ẹni ijọsin fun yii ko le rọ mi lọrọ kankan, ko le nikapa anfaani tabi inira kankan fun mi, ko si le yọmi kuro nibi aburu eyiti Allah ba gbero rẹ si mi ti mo ba ku lori keferi.

Dajudaju emi ti mo ba mu wọn ni ẹni ijọsin fun yatọ si Allah, paapaa mo wa ninu asise ti o fi oju han nitoripe mo sin ẹniti ijọsin ko lẹtọ si, mo wa gbe ijọsin ẹniti o lẹtọ si ju silẹ.

Dajudaju emi - irẹ ijọ mi - nigbagbọ si Ọlọhun Ọba mi ati Ọlọhun Ọba yin lapapọ ki ẹ gbọ mi, wọn ko ni akakun ohun ti ẹ nfi ndẹru ba mi nibi pipa, ko si nkankan ninu ijọ rẹ ayaafi ki wọn pa a, ki Allah si mu wọ ọgba idẹra naa.

Siwaju sise apọnle fun un lẹyin igbati o ti ku fun ẹsin: wọn ọgba idẹra, nigbati o wọbẹ, ti o si jẹri si ohun ti o wa nibẹ ninu idẹkun, o sọrọ ni ẹniti o nrankan: o ma se o, ti awọn ijọ mi ti wọn pe mi nirọ, ti wọn si pa mi, ti wọn ba mọ ohun ti o sẹlẹ si mi ninu aforijin ninu ẹsẹ ati ohun ti Ọlọhun Ọba mi fi pọn mi le; wọn ko ba nigbagbọ gẹgẹ bi mo se nigbagbọ, ọwọ wọn ko ba si tẹ ẹsan iru ẹsan mi.

Siwaju sise apọnle fun un lẹyin igbati o ti ku fun ẹsin: wọn ọgba idẹra, nigbati o wọbẹ, ti o si jẹri si ohun ti o wa nibẹ ninu idẹkun, o sọrọ ni ẹniti o nrankan: o ma se o, ti awọn ijọ mi ti wọn pe mi nirọ, ti wọn si pa mi, ti wọn ba mọ ohun ti o sẹlẹ si mi ninu aforijin ninu ẹsẹ ati ohun ti Ọlọhun Ọba mi fi pọn mi le; wọn ko ba nigbagbọ gẹgẹ bi mo se nigbagbọ, ọwọ wọn ko ba si tẹ ẹsan iru ẹsan mi.