السجدة

Awọn ẹlẹsẹ yoo pada hande ni ọjọ igbende ni ẹni yẹpẹrẹ, ti wọn yoo tẹ ri wọn ba nitori keferi wọn si ọjọ ajinde, wọn yoo fura mọ itiju ti wọn yoo si ma sọpe: Ọlọhun wa ati fi oju wa fi ohun ti a npe nirọ ninu ajinde, a si gbọ deede ohun ti awọn ojisẹ mu wa lati ọdọ Rẹ, ki o ya da wa pada si isẹmin aye ki a le se isẹẹre ti yoo mu Ọ yọnu si wa, dajudaju awa ti mọ amọdaju ni sinsin yii si ajinde, bẹẹni a si gba ohun ti awọn ojisẹ mu wa lododo, ti o ba ri awọn ẹlẹsẹ lori isesi yii, iwọ yoo ri ọrọ ti o tobi.

Ti a ba fẹ lati fun gbogbo ẹmin kọọkan ni itọsọna rẹ ati sise kongẹ rẹ, a ko gbe lori eleyi sugbọn ọrọ ti di dandan lọdọ mi niti ọgbọn ati deede: dajudaju emi yoo fi awọn ẹni keferi ninu abara meji alujannu ati eniyan; ko ina jahannamọ ni ọjọ igbende: nitori sisẹsa oju ọna aimoore ati anu lori oju ọna igbagbọ ati iduro sinsin.

Wọn yoo si sọ fun wọn ni ọjọ igbende niti iyẹpẹrẹ ati ibuni fun wọn: ẹ yaa mọ tọ iya naa wo nitori ifọnu yin si isẹmin aye kuro nibi pipade Allah ni ọjọ igbende fun isiro yin, Awa yoo fi yin silẹ ninu iya naa, ni ẹniti konika ounti ẹ nfi ara kin ninu rẹ kun, ki ẹ ya maa tọ iya ina ti yoo maa bẹ gbere wo, eyiti ko nii ja nitori ounti ẹ nse ni ile aye ninu awọn ẹsẹ.

Nigbati Allah sọ isesi awọn ẹlẹsẹ, O tun sọ isesi awọn olugbagbọ ododo, O si sọpe:

Dajudaju ẹniti yoo nigbagbọ si awọn amin Wa ti a sọkalẹ fun ojisẹ Wa ni awọn ti wọn ba se isiti fun lati ara rẹ, ti wọn yoo wa fi ori kanlẹ fun Allah ni ẹniti o nse afọmọ fun Un pẹlu ọpẹ, wọn ko ni se igberaga nibi sinsin Allah tabi fifi orikanlẹ fun Un ni eyikeyi ọna.

Wọn ma ngbe ẹgbẹ wọn ta kete si itẹ wọn eyiti wọn sun le lori, wọn yoo gbe ju silẹ, bẹẹni wọn yoo sda oju kọ Allah, wọn yoo maa pe E nibi irun ati nibi nkan miran niti ipaya kuro nibi iya Rẹ ati rirankan si ikẹ Rẹ, wọn si ma nna awọn dukia eyiti a fun wọn si oju ọna Allah.

Ẹmin kankan ko mọ ounti Allah pese fun Un ninu ohun ti o le tutu oju wọn ni ẹsan lati ọdọ Rẹ ninu ohun ti wọn se ni ile aye ninu awọn isẹẹre, o si jẹ ẹsan kan ti ẹnikankan ko le lepa ba ayaafi Allah nitori titobi rẹ.

Ẹniti o ba jẹ olugbagbọ si Allah ti o si nse awọn asẹ Rẹ, ni ẹniti o jinna si awọn nkan ti O kọ, ko le da bi ẹniti o kuro nibi itẹle asẹ Rẹ; awọn ipin meji naa ko le se dọgbọ ni ọdọ Allah nibi ẹsan.

Sugbọn awọn ti wọn nigbagbọ ninu Allah ti wọn si nse ọpọ isẹẹre, ẹsan ti a pese fun wọn jẹ ọgba idẹra ti wọn yoo maa wa nibẹ niti apọnle lati ọdọ Allah fun wọn, ti o tun jẹ ẹsan lori ohun ti wọn se ni ile aye ninu awọn isẹẹre.

Sugbọn awọn ti wọn kuro nibi itẹle asẹ Allah pẹlu sise aimoore ati dida awọn ẹsẹ, ibusinmin si wọn ti wọn pese fun wọn ni ọjọ igbende ni ina, wọn yoo maa wa nibẹ gbere, gbogbo igba ti wọn ba gbero lati jade nibẹ ni wọn yoo maa da wọn pada sibẹ, wọn yoo si wa sọ fun wọn niti iyẹpẹrẹ fun wọn: ẹ maa tọ iya ina eyiti ẹ npe nirọ ni ile aye wo nigbati awọn ojisẹ yin fi nse idẹruba fun yin.