لقمان

Paapaa a ti fun Luqman ni agbọye ninu ẹsin ati kongẹ nibi awọn alamọri ọrọ, A si sọ fun un: dupẹ - irẹ Luqman - fun Ọlọhun Ọba rẹ eyiti O se ni idẹkun le ọ lori nibi kongẹ titẹle asẹ Rẹ, ẹniti o ba dupẹ fun Ọlọhun Ọba Rẹ dajudaju anfaani ọpẹ rẹ yoo sẹri lọ si ọdọ rẹ, Allah si rọrọ kuro nibi ọpẹ rẹ, ẹniti o ba si ja idẹkun Allah ti o wa lori rẹ niyan, ti o se aimoore si I, mimọ Ọlọhun Ọba naa dajudaju inira keferi rẹ yoo lọ ba a, inira kankan ko le ba Allah toripe O rọrọ kuro ni ọdọ ẹda Rẹ lapapọ, O si jẹ gbẹyin gbẹyin lori gbogbo isesi.

Tun ranti - irẹ ojisẹ - nigbati lukman sọ fun ọmọ rẹ, o se loju kokoro nibi rere, o si nkilọ fun kuro nibi aburu: irẹ ọmọ mi, ma sin nkan miran mọ Allah, dajudaju sinsin nkan miran mọ Allah jẹ abosi, ni abosi ti o tobi fun ẹmin pẹlu dida ẹsẹ ti o tobi, ti o le muni lọ si ibi sise gbere ninu ina.

A si sọ asọtẹlẹ fun ọmọniyan pẹlu titẹle awọn obi rẹ mejeeji, ki o si se daadaa si wọn nibi ohun ti ko ni si sisẹ Allah nibẹ nitoripe mama rẹ gbe si inu rẹ ni ẹniti o pade wahala kan lẹyin wahala, o si ja lẹnu ọmu lẹyin ọdun meji, awa sọ fun pe: dupẹ fun Allah lori idẹkuin ti o se fun ọ ninu awọn idẹkun lẹyin naa ki o dupẹ fun obi rẹ mejeeji nipa itọju rẹ ati imojuto ọ ti wọn se, ọdọ mi nikan ni ibusẹrisi, maa si sẹsan fun ẹnikẹni pẹlu ohun ti o lẹtọ si.

Ti awọn obi mejeeji ba na igbiyanju lati gbe ọ si sise ẹbọ pẹlu Allah niti didajọ lọdọ wọn, mase tẹle awọn mejeeji nibi eleyi; nitoripe ko si itẹle ẹda kan nibi ohun ti o le muni sẹ adani, ki o si ba awọn mejeeji se papọ ni ile aye pẹlu daadaa pẹlu daadaa ati rere, ki o si tọpa oju ọna awọn olusẹri si ọdọ Mi pẹlu imọ Ọlọhun lọkan ati itẹle E, lẹyin naa ọdọ MI nikan ni ibusẹri si yin lapapọ ni ọjọ igbende, Emi yoo si fun yin ni iro ounti ẹ se ni ile aye ni isẹ, maa si san yin lẹsan le lori.

Irẹ ọmọ mi, dajudaju aidara ati daadaa biotiwulẹ ki o kere mọ gẹgẹ bi osunwọn horo karidali ti o si wa ninu apata, ti ẹnikankan ko le ri i, tabi o wa ni eyikeyi aaye ni sanmọ tabi ilẹ -; dajudaju Allah Yoo mu wa ni ọjọ igbende, Yoo si san ẹru naa lẹsan le lori, dajudaju Allah jẹ alaanu ti wiwẹ gbogbo nkan ko pamọ fun Un, O si jẹ oniro paapaa rẹ ati aaye rẹ.

Irẹ ọmọ mi, gberun duro pẹlu ki o maa ki ni ojupọnna pipe, ki o si pasẹ daadaa bakanna ki o kọ kuro nibi ohun ti ko tọ, ki o si se suuru lori ohun ti o ba kan ọ ninu ohun ti o ko fẹ nibi eleyi, dajudaju ohujn ti wọn pa ọ lasẹ rẹ nibi eleyi jẹ ninu ohun ti Allah fẹ ki o se, o ko ni isẹsa nibẹ.

Mase gbe oju rẹ kuro ni ọdọ awọn eniyan niti igberaga, mase rin lorilẹ niti ayọ ati ijọra ẹni loju, dajudaju Allah ko nifẹ si olusegberaga nibi irin rẹ, oluyanran pẹlu ohun ti wọn fun ninu idẹkun ti yoo maa se igberaga si awọn eniyan pẹlu rẹ, ti ko si nii le dupẹ fun Allah le lori.

ẹki irin rẹ wa laarin yiyara ati wiwọ ni irin ti yoo se afihan ọwọ, ki o si rẹ ohun rẹ nilẹ, ma gbe soke ni gbigbe soke ti suta, dajudaju awọn ohun ti o buru ju ni ohun kẹtẹkẹtẹ nitori pipariwo soke rẹ.