البقرة

Ọlọhun Ọba (ti ọla Rẹ ga) nsalaye pe dajudaju nigbati Oun ba gbe idajọ aayah kan kuro ninu Alukuraani tabi gbe gbolohun rẹ, ti awọn eniyan yoo wa gbagbe rẹ, dajudaju Oun ti mimọ nbẹ fun Un, Yoo mu eyiti o se anfaani julọ wa nisinsin yii tabi ni igba miran, tabi eyiti o se deede rẹ, ohun ti a sọ yii nbẹ pẹlu imọ Ọlọhun Ọba ati oye Rẹ, ti iwọ naa si mọ - irẹ Anọbi -, pe dajudaju Ọlọhun Ọba ni agbara lori gbogbo nkan, ti O si ma nse ohun ti O ba fẹ, ti O si ma ndajọ ohun ti O ba wu U.

Paapaa o ti mọ - irẹ Anọbi - pe dajudaju Ọlọhun Ọba ni olukapa sanmọ ati ilẹ ti O ma ndajọ ohun ti O ba wu U, ti O si ma npa awọn ẹrusin Rẹ lasẹ ohun ti O ba fẹ, ti O si ma nkọ fun wọn kuro nibi ohun ti O ba fẹ, ti O si ma nse afirinlẹ ohun ti O ba wu ninu ofin Ṣharia, ko si fun yin lẹyin Ọlọhun Ọba olugbọrọdun ti o le mojuto alamọri yin, ko si si alaranse kankan ti o le kọ aburu fun yin bi ko se pe Ọlọhun Ọba ni Ẹni ti O le se gbogbo rẹ, ti O si ni ikapa rẹ.

Ko si ninu isesi yin, - ẹyin olugbagbọ ododo - ki ẹ maa bi ojisẹ yin leere - ibeere igunri ati isorikunkun - gẹgẹ bi awọn ijọ Muusa se bi anọbi wọn siwaju; gẹgẹ bi gbolohun wọn: (أَرِنَا ٱللَّهَ جَهۡرَةٗ) (fi Ọlọhun Ọba han wa ni gbangba bayi) An-Nisa:153., ẹniti o ba fi aini igbagbọ paarọ igbagbọ iru ẹni bẹẹ ti sọnu kuro ni oju ọna ti o wa ni aarin meji, eyi tii se oju ọna ti o tọ.

Ọpọlọpọ ninu awọn Yahuudi ati Nasaara nlero pe ki ẹ pada di alaigbagbọ lẹyin ti ẹ ti ni igbagbọ gẹgẹ bi ẹ se nsin awọn oosa tẹlẹ nitori keeta eyiti nbẹ ninu ẹmi wọn, wọn ma nlero nkan naa lẹyin igbati o ti han si wọn pe ohun ti Anọbi mu wa jẹ ododo lati ọdọ Ọlọhun Ọba, ẹ se amojukuro - ẹyin olugbagbọ ododo - nibi awọn isẹ wọn, ki ẹ si gbọkan kuro nibi aimọkan wọn ati aburu ohun ti nbẹ ninu ẹmi wọn titi ti idajọ Ọlọhun Ọba yoo fi wa fun wọn, - paapaa asẹ Ọlọhun Ọba yii wa ati idajọ Rẹ, awọn alaigbagbọ waa di ẹniti wọn ti ọ̀rọ̀ sí laarin gbigba Islam tabi sisan owo ilẹ tabi gbigbogunti - dajudaju Ọlọhun Ọba ni Alagbara lori gbogbo nkan, ti wọn ko si nii ko agara ba A.

Lẹyin igbati Ọlọhun Ọba waa pasẹ fun awọn olugbagbọ ododo pẹlu sise suuru lori suta, O wa pawọn lasẹ idurosinsin lori ẹsin wọn ati riro igbagbọ wọn lagbara; O wa sọ wipe:

Ẹ maa mun irun yin wa ni pipe pẹlu awọn origun rẹ, awọn ọranyan rẹ ati asegbọrẹ rẹ, ki ẹ si maa yọ saka awọn dukia yin fun awọn ti wọn lẹtọ sii, biotiwulẹ ki ẹ se isẹ oloore kan ninu isẹmi yin, ti ẹ ti siwaju ki ẹ too ku ni fifipamọ fun ẹmi yin;ẹyin yoo ri ẹsan rẹ lọdọ Ọlọhun Ọba yin ni ọjọ igbende, Yoo si san yin lẹsan pẹlu rẹ, dajudaju Ọlọhun Ọba riran ri gbogbo ohun ti ẹ nse, Yoo si san olukuluku lẹsan pẹlu isẹẹ rẹ.

Ikọ kọọkan ninu Yahuudi ati Nasaara sọ wipe: dajudaju ọgba idẹra wa fun wọn nikan, awọn Yahuudi sọ wipe: ko nii wọ ọ ayaafi ẹni ti o ba jẹ Yahuudi, awọn Nasaara sọ wipe: ko nii wọ ọ ayaafi ẹni ti o ba jẹ Nasaara, ohun naa ni awọn ero wọn ti ko dara ati awọn roiroi wọn ti o buru, sọ - irẹ Anọbi - niti ida esi pada fun wọn: ẹ mu awijare yin wa lori awọn nkan ti ẹ nlero, ti ẹ ba jẹ ẹni ti o sọ ododo nitootọ nibi nkan ti ẹ npe mọ ara yin.

Dajudaju yoo wọ Alujannah gbogbo ẹniti o ba se afọmọ fun Ọlọhun Ọba, lẹni ti o da oju kọ ọdọ Rẹ, oun yoo si - pẹlu afọmọ rẹ - jẹ ẹniti o se daradara nibi ijọsin rẹ pẹlu titẹle ohun ti ojisẹ mu wa, oun ni ẹniti yoo wọ Alujannah ninu eyikeyi ikọ ti o ri ki o jẹ, ẹsan si nbẹ fun un ni ọdọ Ọlọhun Ọba rẹ, ko si nii si ibẹru fun wọn nibi ti wọn dojukọ nibi Ọjọ Ikẹyin, wọn ko si nii banujẹ lori nkan ti o bọ fun ninu aye. Ohun ni awọn iroyin kan, ti ko lee pe lẹyin ti Anọbi Muhammad ti wa ayaafi si ara olugbafa fun Ọlọhun Ọba.