النحل

Awa mọ wipe dajudaju awọn ẹlẹbọ nsọpe: dajudaju Muhammad ti ikẹ ati ọla nbẹ fun eniyan kan ni nkọ ni Alukuraani, opurọ ni wọn si nibi nkan ti wọn npe ara wọn, ede ti wọn nlero wipe ẹniti o nkọ ọ mọ jẹ ede ajoji, bẹẹni Alukuraani yii si sọkalẹ pẹlu ahọn larubawa ti o han de, ti o ni agbekalẹ ti o dara, bawo ni wọn se wa nlero wipe o gba a kọ lati ibi ede ajoji?!

Dajudaju awọn ti ko nigbagbọ ninu aayah Allah wipe ọdọ Ọba mimọ ni o ti wa Ọlọhun Allah ko nii fi wọn se kongẹ imọna niwọnba igbati wọn ba taku lori eleyi, iya itara si nbẹ fun wọn nitori keferi si Allah ati pipe aayah Rẹ nirọ ti wọn wa nibẹ.

Muhammad ti ikẹ ati ọla nbẹ fun kii se opurọ lori ohun ti o mu wa lati ọdọ Ọlọhun Ọba rẹ, dajudaju awọn ti wọn ko gba aayah ỌLọhun nlododo ni wọn hun ahunjọ irọ; nitoripe wọn ko paya iya, wọn ko si rankan ẹsan, awọn ti a fi keferi royin yii ni opurọ; nitoripe irọ jẹ isesi wọn eyiti wọn barẹ.

Ẹnikẹni ti o ba se keferi si Allah lẹyin igbagbọ rẹ, ko le jẹ ẹnikẹni ayaafi ẹniti wọn jẹ nipa lori sise keferi, ti o nsọ gbolohun keferi lori ahọn rẹ, ti ọkan rẹ si balẹ lori igbagbọ, ti o si ni amọdaju lori ododo rẹ, sugbọn ẹniti igbaaya rẹ ba fẹ si keferi, ti o si saa lẹsa lori igbagbọ, ti o nsọ ọ jade niti titẹle, ti jẹ olugunri kuro ninu Islam ibinu Allah si nbẹ le wọn lori, bẹẹ ni iya ti o tobi nbẹ fun wọn.

Igunri kuro ninu Islam yii jẹ nitori gbigbe ọla fun ohun ti wọn ri ninu oore ile aye lati ibi ẹbun sise keferi wọn si ọrun, bẹẹ ni dajudaju Allah ko nii fi ijọ keferi se kongẹ igbagbọ, bikosepe Yoo dagunla si wọn.

Awọn ti a fi igunri kuro ninu Islam royin lẹyin igbagbọ ni awọn ti Allah ti fi edidi di ọkan wọn, wọn ko le gbọ agbọye isiti, bẹẹ ni o wa ni igbọran wọn, wọn ko le gbọ ni gbigbọ ti yoo se wọn ni anfaani, bẹẹ ni o wa lori iriran wọn, wọn ko le ri awọn amin ti o tọka si igbagbọ, awọn wọnyi ni olufọnu nipa awọn okunfa oriire ati oriibu, ati ohun ti Allah pese fun wọn ninu iya.

Niti ododo awọn ni ẹni ofo ni ọjọ igbende, awọn ti wọn ti sofo ẹmin wọn nitori keferi wọn lẹyin igbagbọ wọn eyiti o jasi wipe ti wọn ba dii mu, wọn ko ba wọ Alujannah.

Lẹyin igba naa dajudaju Ọlọhun Ọba rẹ - ire ojise - oluforijinni olukẹ awọn ọlẹ ninu awọn olugbagbọ ododo ti o se irin ajo lati Mẹkkah lọsi Mẹdinah lẹyin igbati awọn ẹlẹbọ ti fi iya jẹ wọn, ti wọn si dan wo nibi ẹsin wọn debi pe wọn sọ gbolohun keferi bẹẹ ni ọkan wọn si balẹ lori igbagbọ, lẹyin naa ni wọn wa gbiyanju si oju ọna ti Allah ki gbolohun Allah le jẹ ohun ti o ga julọ, ki gbolohun awọn keferi si jẹ eyiti o rẹlẹ, wọn si se suuru lori wahala, dajudaju Ọlọhun Ọba rẹ lẹyin idaamu yii eyiti wọn ri ati ijiya eyiti wọn fi jẹ wọn titi ti wọn fi sọ gbolohun keferi; oluforijinni fun wọn ati olukẹ si wọn nitoripe wọn ko sọ gbollohun keferi ayaafi tori ijẹni nipa.