الحشر

Awọn ti wọn wa lẹyin awọn wọnyi, ti wọn si tẹle wọn pẹlu daadaa titi di ọjọ igbende, wọn yoo maa sọpe: Ọlọhun wa fi ori ẹsẹ wa jin wa ati fun awọn ọmọ iya wa ninu ẹsin, awọn ti wọn ti siwaju wa lọsi bi inigbagbọ ninu Allah ati ojisẹ Rẹ, mase fi ikorira ati keeta si inu ọkan wa fun ẹnikankan ninu awọn olugbagbọ ododo, Ọlọhun wa dajudaju iwọ ni alaanu si awọn ẹru Rẹ, onikẹ si wọn.

Se o ko ri ni - irẹ ojisẹ - awọn ti wọn fi keferi sinu, ti wọn si nse afihan igbagbọ, ti wọn yoo maa sọ fun awọn ọmọ iya wọn nibi kefei sise gẹgẹ bi yahuudi ati awọn alatilẹyin taoreeta ti wọn ti yi pada: ẹ duro si inu ile yin, a ko nii yẹpẹrẹ yin, a ko si nii dagunla si yin, ti awọn olugbafa ba mu yin jade kuro nibẹ, paapaa awa naa yoo jade ni iparapọ pẹlu yin, a ko si nii tẹle ẹnikẹni ti o gbero lati kọ fun wa kuro nibi jijade pẹlu yin, ti wọn ba ba yin ja paapaa a o ku yin lọwọ le wọn lori, Allah jẹri wipe dajudaju awọn sọbẹ selu jẹ opurọ nibi ohun ti wọn npe apemọra jijade pẹlu yahuudi nigbati wọn ba mu wọn jade, tabi jagun pẹlu wọn nigbati wọn ba nba wọn ja.

Ti awọn olugbafa ba mu awọn yahuudi jade, wọn ko ni jade pẹlu wọn, ti wọn ba si ba wọn ja, wọn ko nii ran wọn se, bẹẹni wọn ko nii ran wọn lọwọ, ti wọn ba si ran wọn se, ti wọn si kun wọn lọwọ lori awọn olugbafa, wọn yoo sa niti mimu ere kuro lọdọ wọn, lẹyin naa awọn sọbẹ selu ko nii ri aranse lẹyin eleyi, bikosepe Allah yoo yẹpẹrẹ wọn, yoo doju ti wọn.

Paapaa julọ ẹyin jẹ - ẹyin olugbagbọ ododo - oludẹruba julọ ninu ọkan awọn sọbẹ selu ati yahuudi lati ọdọ Allah eyiti a sọ yii - nipa lile koko ibẹru wọn lọdọ yin ati lilẹ ipaya wọn si Ọlọhun - jẹ okunfa wipe wọn jẹ ijọ ti ko gbọ agbọye, ti wọn ko si loye; nitoripe ti wọn ba jkẹ ẹniti o gbọ agbọye, wọn ko ba mọ wipe Allah ni o tọ lati bẹru ati wa riri fun, Oun ni ẹniti O mu yin jẹ gaba le wọn lori.

Awọn yahuudi ko nii ba yin ja - ẹyin olugbagbọ ododo - lapapọ ayaafi ni awọn abule ti awọn odi jẹ aabo fun tabi ni ẹyin ogiri, wọn ko ni ikapa lati da oju kọ yin nitori ojo wọn, agbara wọn wa laarin ara wọn, bẹẹni wọn lagbara laarin ọta wọn, iwọ yoo lero wipe wọn wa lori gbolohun kan atipe wọn wa loju opo kannaa eyiti o si daju nipe ọkan wọn ya lọtọọtọ, o si yapa si ara wọn, iyalọtọọtọ yii ati ibara ẹni sọta jẹ okunfa aini laakaye wọn nitoripe ti wọn ba ni laakaye wọn ko ba mọ ododo, bẹẹni wọn ko bba tẹle e, wọn ko si nii yapa nibẹ.

Apejuwe awọn yahuudi yii nibi keferi wọn ati ohun ti o sẹlẹ si wọn ninu iya da gẹgẹ bi apejuwe awọn ti o siwaju wọn ninu awọn ẹlẹbọ inu Mekkah ni asiko ti o sun mọ, wọn si tọ aburu igbẹyin keferi wọn wo, wọn pa ẹniti wọn pa, wọn si mu lẹru ẹniti wọn mu lẹru ninu wọn ni ọjọ badiri, iya inira si nbẹ fun wọn lọrun.

Apejuwe wọn nibi igbọran wọn lọdọ awọn sọbẹ selu da gẹgẹ bi apejuwe esu nigbati o se ọsọ fun ọmọniyan wipe ki o se keferi, nigbati o se keferi nitori sise keferi lọsọ fun un, o sọpe: dajudaju emi tuwọ lọrọ rẹ nibi keferi rẹ, dajudaju emi npaya Allah, ti O jẹ Ọlọhun gbogbo ẹda.