الفتح

Dajudaju awọn ti nse adehun pẹlu rẹ - irẹ ojisẹ - ni adehin iyọnu lori biba awọn ara ẹlẹbọ Mẹka ja, dajudaju Allah ni wọn ba se adehun; nitoripe Oun ni ẹniti o pa wọn lasẹ biba awọn ẹlẹbọ ja, Oun si ni yoo san wọn lẹsan, ọwọ Allah wa ni oke ọwọ wọn nigba adehun naa, o si nriran ri wọn, nkankan ko pamọ fun Un nipa wọn, ẹniti o ba ja adehun rẹ ti ko pe adehun ti o se pẹlu Ọlọhun nipa sise aranse fun ẹsin Rẹ, dajudaju inira jija adehun ti o se ati jija adehun rẹ yoo sẹri lọ ba, eleyi ko le ko inira ba Allah, ẹniti o ba si pe adehun ti o se pẹlu Allah nipa riran ẹsin Rẹ se, yoo fun ni ẹsan ti o tobi, ohun si ni ọgba idẹra naa.

Yoo sọ fun wọn - irẹ ojisẹ - awọn ti Allah fi role ninu awọn larubawa nibi pipẹ lu rẹ nibi irin ajo rẹ lọ si ilu Mẹka ti o ba bu wọn: imojuto awọn dukia wa ati imojuto awọn ọmọ wa ko airoju ba wa lati rin pẹlu rẹ, ba wa aforijin lọdọ Allah fun awọn ẹsẹ wa, wọn yoo maa sọ pẹlu ahọn wọn ohun ti ko si ninu ọkan wọn nipa ki anọbi ti ikẹ ati ọla nbẹ fun ba wọn wa aforijin; nitoripe wọn ko sẹri kuro nibi ẹsẹ wọn, sọ fun wọn: ẹnikankan ko nikapa ohunkihun fun yin ti o ba gbero daadaa ro yin, tabi o ba gbero aburu si yin, bikosepe Allah jẹ olufuni niro ohun ti ẹ nse, nkankan ko pamọ fun ninu awọn isẹ yin bi o ti wulẹ ki ẹ fi pamọ to.

Ohun ti ẹ fi se awijare nipa idiwọ amojuto awọn dukia ati awọn ọmọ kii se okunfa iyapa yin lati ma rin pẹlu rẹ sugbọn e lero pe ojisẹ naa ati awọn eniyan rẹ yoo pa run lapapọ ni, wọn ko si nii sẹri lọ si ọdọ ara ile wọn ni ilu Mẹdinah, esu se lọsọ si inu ọkan yin, ẹ si ro ero aburu pẹlu Ọlọhun yin wipe ko le ran anọbi Rẹ se, ẹ si waa di ijọ iparun nitori ohun ti ẹ ti siwaju ninu erongba aburu si Allah ati yiyapa ojisẹ Rẹ.

Ẹniti ko ba nigbagbọ ninu Allah ati ojisẹ Rẹ jẹ keferi, paapaa a si pese ina ti o jo gere fun awọn keferi si Allah ni ọjọ igbende ti wọn yoo maa jiya nibẹ.

Ti Allah nikan ni ikapani gbogbo sanmọ ati ilẹ, o ma nfi ori jin ẹsẹ ẹniti o ba wu U ninu awọn ẹru Rẹ, yoo fi wọn ẹgba idẹra lati ibi ọla Rẹ, yoo si fi iya jẹ ẹniti o ba wu U ninu awọn ẹru Rẹ pẹlu deedee Rẹ, Allah si jẹ oluforijin ẹsẹ ẹniti o ba sẹri ninu awọn ẹru Rẹ, onikẹ si wọn.

Awọn ti Allah fi role yoo sọ nigbati ẹ ba gbera - ẹyin olugbagbọ ododo - lọsi ibi awọn ọrọ kaebar eyiti Allah se adehun rẹ fun yin lẹyin atunse hudaybiyah ki ẹ le mu u -: ẹ fi wa silẹ ki a jade pẹlu yin ki a le nipin nibẹ; awọn oluyapa yii ngbero lati paarọ ibeere wọn yii eyiti Allah se ni adehun fun awọn olugbagbọ ododo lẹyin atunse hudaybiyah ki O le fun wọn ni awọn ọrọ kaebar ni awọn nikan, sọ fun wọn - irẹ ojisẹ -: ẹ ko le tẹle wa lọsi ibi awọn ọrọ naa, paapaa Allah ti se adehun fun wa wipe awọn ọrọ ọrọ kaebar jẹ ẹsa fun awọn ti o pesẹ nibi hudaybiyah, wọn yoo wa sọpe: kikọ yin fun wa lati tẹle yin lọ si kaebar kii se asẹ lati ọdọ Allah bikose tori keeta yin fun wa, ọrọ ko si ri bi awọn oluyapa yii se lero bikosepe wọn ko gbọ agbọye awọn asẹ Allah ati awọn nkan ti o kọ ayaafi diẹ; tori eleyi ni wọn fi bọsinu iyapa rẹ.